IKEA
De Uiquipedia
IKEA ye una multinacional d'orixe suecu centrada na venta de muebles y otros oxetos domésticos a precios reducíos que ún ha de montar por sigo mesmu.
El conceutu ye ufiertar artículos de calidá y diseñu a un preciu baxu, pero ensin renunciar a delles esixencies nel procesu de producción, como la prohibición del trabayu infantil. El fechu de que merque productos desmontaos fáilos más baratos porque reduz la mano d'obra necesaria asina como'l volume nel trasporte y l'almacenaxe. Consideráu como un llibru, el catálogu d'IKEA, que contién unos 12.000 productos, ye'l segundu más distribuyíu tres de la Biblia, con cien millones de copies añales.
Tabla de conteníos |
[editar] Historia
La empresa fundóla en 1943 el suecu Ingvar Kamprad con 17 años d'edá, tres d'acumular un capital pequeñu cola venta a pequeña escala d'otros productos. Na década de los 50, la empresa adopta la estructura que tien anguaño, con llocal d'amuesa de los mueblos mercables y auto-montax. En 1963 ábrese la primera tienda fora de Suecia n'Asker, un suburbiu d'Oslo, Noruega. En 1973, cola apertura d'un establecimientu en Zúrich, IKEA trespasa per primera vegada l'ámbitu d'Escandinavia. Anguaño ta establecía en 35 países (iviernu de 2005).
[editar] Estructura de la tienda
IKEA tiende a colocase nes afores de les grandes ciudaes, cerca de los exes de comunicación, prefereblemente autopistes. El fechu de que'l cliente vaiga en coche y lu emplegue pal tresporte de los muebles ye daqué habitual na filosofía comercial d'IKEA. Nos Estaos Uníos, l'apertura d'una nueva tienda d'IKEA suel dir acompañada d'un aumentu de los atascos de tráfico nel area. Amás d'un gran aparcamientu, la estructura habitual ye a lo cabero un gran bloque azul con poques ventanes. Dacuano ta diseñada con un trayeutu unidireicional obligatoriu, que fuercia a los clientes a dir per toles seiciones enantes d'aportar a les caxes. Típicamente, la tienda inclúi tamién un restaurante de comida sueca.
[editar] Nome y curiosidaes
IKEA ye un acrónimu formáu poles iniciales del fundador (Ingvar Kamprad) y la casería y el pueblu onde vivió: Ingvar Kamprad Elmtaryd i Agunnaryd.
Sicasí, en dellos países, atopáronse posibles significaos humorísticos pa esti acrónimu:
- Ik koop echt alles (mércolo too dafechamente), nos Países Baxos.
- Idioten kaufen einfach alles o Idioten kaufen eben alles (idiotes merquen dafechu too), nos países de fala alemana.
[editar] Ver tamién
[editar] Enllacos esternos
- IKEA – Páxina oficial (n'estremaes llingües. Nun ta n'asturianu)
