Hugo Pratt

De Uiquipedia
Saltar a: navegación, buscar
1989
1989

Hugo Eugenio Pratt (Rimini, 15 de xunu de 1927Grandvaux, 20 d'agostu de 1995) foi un dibuxante de cómic, novelista y guionista italianu, creador del personaxe Corto Maltés, unu de los más internaciones del fumetto italianu.

Los anicios[editar | editar la fonte]

Fíu de Rolando Pratt (militar de carrera) y Evelina Genero, la so vida xiró sobremanera alredor de la ciudá de Venecia; dos de les sos historietes tán ambientaes nesa ciudá, L'angelo della finestra d'oriente y Favola di Venezia (Sirat Al-Bunduqiyyah). So güela paterna yera una veneciana sefardí, procedente de la familia Toledano.

Infancia y mocedá[editar | editar la fonte]

Vista de Harar.

Magar tener nacío nuna aldea averada a Rímini, Hugo Pratt considerábase venecianu, por ser Venecia la ciudá na que se crió. Nel añu 1937 la so familia treslladóse a Etiopía, depués de la ocupación por parte de la Italia de Mussolini. Allí so padre trabayaría nuna oficina dedicada a la produción de carreteres. Cuando estalló la guerra, so padre alistóse nun batallón de defensa nacional. En 1943, so madre y él fueron evacuaos d'Etiopía, pero so padre foi capturáu polos franceses en Harrar, morriendo en 1944 de cáncer de fégadu nun campu de prisioneros.

Depués de la guerra, Pratt asistió a la escuela militar en Città di Castello. Gracies al so dominiu del inglés, en 1944 convirtióse n'intérprete pal exércitu aliáu. Al añu siguiente unióse al autodenomináu Grupu Venecia y, con personalidaes del mundu de la historieta como Alberto Ongaro, Dino Battaglia y Mario Faustinelli, creó la revista Asso di Picche. El presonaxe d'Asso di Picche, un héroe mazcaritáu, foi un ésitu, especialmente n'Arxentina, onde va ser invitáu l'añu 1944.

La revista atraxo a munchos xóvenes con talento como Dino Battaglia, Rinaldo D'Ami, Giorgio Bellavitis. Pratt atendió la invitación de la Editorial Abril con otros amigos del gruppo di Venezia, y marchó a vivir a la ciudá de Buenos Aires onde tuvo trece años.

Estancia n'Arxentina[editar | editar la fonte]

En 1949 Pratt asitióse en Buenos Aires, Arxentina, onde trabayó como editor pa la Editorial Abril. Na revista d'aventures Misterix conoció a artistes arxentinos como José Luis Salinas, José Muñoz y Francisco Solano López, pero sobre tod, a la persona que más influiría na so carrera posterior, l'inventor del oficiu de guionista d'historietes, Héctor Germán Oesterheld col que collaboraría dibuxando pa él Sargento Kirk (1952), Ticonderoga (1957-58) y Ernie Pike (1957-59).

Al mesmu tiempu que trabayaba pa la Editorial Frontera d'Oesterheld, daba clases, xunto con Alberto Breccia, de dibuxu na Escuela Panamericana d'Arte, en Brasil, alternando l'actividá didáctica con frecuentes escursiones a l'Amazonía, al Mato Grosso y otros llugares exóticos. A lo llargo d'esti periodu va facer el so primer cómic como autor completu Anna de la jungla, que va ser seguíu por Capitan Cormorant y Wheeling. L'últimu va ser completáu depués de tornar a Italia.

Ente 1959 y 1960 treslladóse a Inglaterra, onde asoleyó pa Fleetway Publications, mientres asistía a clases na Real Academia d'Acuarela.

Regresu a Italia[editar | editar la fonte]

Como Arxentina taba atravesando un momentu económicamente abegosu, Pratt tornó a Italia en 1962. Allí trabauó na revista infantil Il Corriere dei Piccoli. En 1967 entamó Corto Maltés, que trata sobre les aventures d'un pirata románticu y, a la so manera, caballerosu. Esti personaxe sería el que-y daría la fama a Pratt. L'éxitu de Corto espardióse dende Francia, onde yeren editaos por Publicness, hacia Italia y, pasu ente pasu, otros países. En total fizo 29 histories sobre esti personaxe.

En 1967 entamaría una nueva serie: Gli scorpioni del deserto.

En 1970 y 1973, Pratt tornaría a Etiopía, alcontrando la tumba de so padre en Harrar.

Enllaces esternos[editar | editar la fonte]