Homarus gammarus

De Uiquipedia
Saltar a: navegación, buscar
Wikipedia:Llista d'artículos que toa Wikipedia tien que tener
Commons-emblem-notice.svg
Bugre, Llocántaru
Homarus gammarus(01).jpg
Homarus gammarus
Clasificación científica
Reinu: Animalia
Filu: Arthropoda
Clas: Crustacea
Orde: Decapoda
Suborde: Macrura Reptantia
Superfamilia: Nephropoidea
Familia: Nephropidae
Subfamilia: Nephropinae
Xéneru: Homarus
Especie: H. gammarus
Nome binomial
Homarus gammarus
Linnaeus 1758

El bugre, tamién conocíu como llocántaru o llubricante, (Homarus gammarus) ye un crustaceu marín decápodu, asemayáu a la llangosta.

Estrémase d'ésta última en que ye mas oscuru y mas delgáu pero más grande, pudiendo llegar a algamar 75 cm. de llargo y un pesu d'hasta 4 kilos.


Los bugres tienen cinco pares de pates. Ocho d'elles, allugaes nel tórax, permiten-y movese, anque son bastante pequeñes en proporción al restu del cuerpu. En cambiu, el primer par de pates termina en dos pinces grandes; una , con los bordes afilaos, val-yu pa cortar y l otra, con dientes fuertes, pa triturar. Tien tamién, saliendo de la cabeza, dos antenes llargues y otres cuatro muncho más curties.

Suelen vivir a media profundidá abellugaos ente les roques, en llechos d'arena y grava. El so hábitat natural abarca prácticamente toles costes del Atlánticu norte.

Hai tamién una variedá americana del bugre, conocida col nome de (Homarus americanus) y que s'estrema de la especie europea pol color, negru azuláu con manches clares nel primer casu y acoloratáu nel segundu.

La especies europea ye muncho más escasa y sufre anguaño de la sobrepesca, polo que, en delles zones ta prohibio pescalos. Poro, la mayoría de los bugres que s'atopen nos mercaos ye d'orixe americanu.

El bugre ye un alimentu bastante apreciáu pol sabor delicáu de la so carne. Suelen concinase a la plancha o cocese n'agua salao, a poder ser salmoria. Tamién ye frecuente preparalu n'ensalada , con arroz y con fabes.