Historia d'España

De Uiquipedia
(Redirixío dende Hestoria d'España)
Saltar a: navegación, buscar
Gtk-find-and-replace.svg
Esti artículu necesita una revisión por un correutor qu'ha d'ameyorar la so ortografía, la so gramática, la so sintaxis o'l so vocabulariu. Tamién, iguar les referencies o semeyes o con enllaces francíos.
(ver la llista completa d'artículos pa correxir)
Historia d'España
Escudo de España (mazonado).svg
Prehistoria y Edá Antigua
Edá Media
Edá Moderna
Edá Contemporanea

Los raigaños. La Hispania Romana.[editar | editar la fonte]

El procesu d'hominización na península Ibérica: nuevos afayos[editar | editar la fonte]

La Prehestoria ye'l períodu más antiergu de la Hestoria y el so estudiu abargana de magar l'orixe del home fasta l'apaición de la escritura. L'enantu de los estudios arqueolóxicos y los adelantos científicos que permiten un sistema de datación muncho más fiyable despliquen estos avances.

Ún de los grandes temes de vistigación y de alderique ye'l procesu d'hominización: la secuencia cronolóxica evolutiva qu'afechó col aprucimientu de la especie Homo. Pa tratar de coñocer esti procesu, los prehestoriadores y arquiólogos estudien la evolución de los restos fósiles humanos y los preseos y nantes qu'aprucen a ellos arreyaos nos xacimientos arquiológicos. Hai atroxu xeneral en que la hominización aníciase n'África. Los Australopithecus, los exemplares más antiguos dataos alredior de 5-6 millones d'años, evolucionaron hacia l'Homo Habilis escontra 2.400.000 años. L'Homo Habilis ye la primer especie humana.

N'avanti, el panorama de la evolución faise cada vuelta más complexu. Dos especies posteriores, l'Homo Ergaster y l'Homo Erectus entamaron a emigrar hacia Europa y Asia.

Los primeros restos humanos na Península Ibérica remóntense escontra más de 800.000 años. Los restos humanos más antiergos alcontrárense na Torca de los Güesos (1974) y na Gran Dolina (1996) de la sierra d'Atapuerca, en Burgos. Los 86 restos fósiles humanos afayaos na "Gran Dolina" pertenecen a cranios y calláxines de seis individuos (cuatro neños y dos adultos) que vivieron hai unos 800.000 años y cuyes carauterístiques antropomórfiques percancien estremalos d'otros fósiles afayaos fasta güei n'Europa, polo que coxítase que pertenecen a una nueva especie del xeneru Homo a la que se-y diera'l nome d'Homo antecessor (“home pioneru” o “el qu'antecede a los demás”). Na Torca de los Güesos afayárense abondosos fósiles humanos (13.000 restos de cadarmes) que coxítense pertenecientes al denomáu Homo heidelbergensis. Esta especie sirvió probablemente de transición ente l'Homo Antecessor y l'Homo Neandertalensis. Sigún l'equipu vistigaciones d'Atapuerca, estos primeros humanos aportaron a la Península procedentes d'África. Cuídase que'l so desplaciamientu hacia Europa pudo debese al siguimiento de los fataos d'animales de los que dependía la so alimentación.

Les dos últimes especies del xéneru Homo qu'aprucieron nel territoriu peninsular foron l'Homo Neandertalensis, con una antigüedá dunos 95.000 años y l'Homo Sapiens hai unos 35.000 años. L'Homo Neandertalensis desanició y nun influyó na posterior evolución hacia l'Homo Sapiens. Esti últimu yá yera un ser humán con rasgos físicos semeyantes a los d'anguañu y yera quien a creyar preseos de cierta complexidá y d'expresar les sos creyencies per aciu rituales funerarios y pintures nos abeyos de piedra o nel interior de les cabuernes.

Los pueblos prerromanos[editar | editar la fonte]

Tres la llarga estada paleolítica, y concluyíu'l llargu procesu d'hominización cola especie Homo sapiens sapiens, aniciose'l períodu neolíticu na Península Ibérica hai 5.000-3.000 años. Les nueves comunidaes agricultores y ganaderes asentáronse creyando poblaos permanentes.

La Edá de los Metales aníciase cola Edá del Cobre, alrodiu'l 3.000 e.C., y continúa cola Edá del Bronce (2.000 e.C.). Escontra'l 1.200 e.C., tien llugar la primer duna riestra d'invasiones de pueblos indoeuropeos, los celtes.

Aníciase asina lo que denómase la Protohestoria: períodu comprendíu ente les invasiones indoeuropeés (1.200 e.C.) y la invasión romana na segunda metá del sieglu III e.C. D'esta dómina mos fincaren abondoses restos arquiolóxicos, a los que se-yos xune los primeros testimonios escritos de griegos y romanos sobro la península ibérica. Testimonios d'enguedeyada entepretación. Dellos d'estos pueblos prerromanos son:

  • Tartesos: Foi una civilización mui bayurosa que desenrollose nel suroeste peninsular na primer metá del primer mileniu e.C. Arrodiada entá de misteriu. Testos griegos y bíblicos falen duna civilización mui importante. Afayárense importantes nantes como l'Ayalga de Carambolo (600-550 e.C.) pero nun a l'altor de lo que describen los testos de la dómina.

De cualisquier xeitu, camiéntase que Tartesos tuvo un importante comerciu que benefició a una empoderosa aristocracia. Metanos del primer mileniu, Tartesos esfardanó. Coxítense estremaes teoríes, que van den de l'aición militar de los cartaxineses fasta problemes internos.

  • Los Iberos: Los pueblos del sur y del este. Na zona mediterrania y meridional asitiáronse dellos pueblos (indixetes, turdetanos...) qu'habíen rasgos ermunos. Mui posiblemente con una llngua ermuna o semeyante.

El contautu colos colonizadores impulsó'l so desenrollu cultural. Teníen una economía agrícola-ganadera que tamién prauticaba'l comerciu y la minería. Teníen pequeñes ciodaes en zones fácilmente defendibles y poseyíen una sociedá mui xerarquizada (aristocracia - esclavos). Gobernaos por reis menores que gobernaben una o delles ciodaes. Produxeron un arte mui apolizáu, el meyor exemplu ye la Dama d'Elx.

  • Los pueblos del centru y del oeste: Equí la influyencia de los colonizadores mediterranios allegó mui feblemente y la presencia celta (pueblos de llingua indoeuropea) foi importante. Denomóse-yos "celtíberos" (ilerxetes, carpetanos, lusitanos...La so economía yera agrícola-ganadera, con menor pesu del comerciu. La so sociedá caltenía una fuerte cohesión tribal y habitaben poblaos fortificaos, como Numancia.

Nel sen artístico, destaca la cultura de los verracos ente los vetones del valle del Taxu. Los verracos son grandes escultures d'animales arreyaes a cultos ganaderos. El más céllebre exemplu son los Toros de Guisando.

Como nantes arquiolóxicos, destaquen los castros, poblaos de viviendes circulares costruyíos polos galaicos. Un bon exemplu ye'l Castru de Cuaña. Ente esti pueblu tuvo un gran desenrrollu les práutiques máxiques y d'aldovinación.

Les colonizaciones hestóriques[editar | editar la fonte]

Nel primer mileniu e.C. la zona mediterrania de la península va recibir l'arrivada de foleaes colonizadores de pueblos procedentes del mediterraniu que cuntaben con una cultura muncho más evolucionada que los aboríxenes.

Fenicios, griegos y cartaxineses aportarán, por esti orde, a les cuestes mediterranies. El so envís yera económico: guetaben metales (cobre, plata, estaño, oro) y otros produtos (salazones, pesqueríes...).

Los fenicios, procedentes de Fenicia, anguañu'l Líbanu, arrivaron escontra'l sieglu IX e.C. Fundaron delles colonies ente les que coronielló Gades (Cádiz) nel 800-750 e.C.

Los griegos, procedentes de la so colonia de Massalia (Marsella), fundaron estremaes colonies nel llitoral mediterraniu de magar el sieglu VI e.C. Figuren Emporion (Empúries) y Rhode (Rodes)

Los cartaxineses, procedentes de Cartagu, colonia fenicia allugada no que güei ye Túnez, creyaron colonies mui actives como Ibiza, cuyu aforfugón comercial desenrollóse de magar el sieglu V al III e.C de la que se fundó Cartago Nova.

L'herediu de les colonizaciones foi importante, magar que namái afeutó a la cuesta mediterrania y el valle del Guadalquivir. Estos pueblos apoquinaron una riestra coses como nuevos cultivos, como l'olivu y l'espartu, l'espoxigue la cerámica, la cuñación de monedes (clave pal espoxigue comercial), l'alfabetu (el feniciu y dimpués el griegu) y otros restos artísticos (sarcófagu feniciu antropoide de Cádiz, ayalga fenicia d'Aliseda, la ciodá griega d'Empúries...

Etapes de la conquista de la Península Ibérica por Roma[editar | editar la fonte]

La conquista de Roma entamó nel sieglu III e.C. y concluyó, tres un procesu largu y complexu, nel sieglu I e.C. Somos a estremar tres etapes prencipales:

  • Primer etapa: Conquista del este y el sur peninsular (218-197 e.C)

L'aniciu de la conquista enmarcose nel contestu de la Segunda Guerra Púnica (guerres qu'anfrentaron a Roma y Cartagu pola hexemonía nel mediterraniu ocidental).

Los cartaxineses habíen asitamientos importantes nel llevante peninsular y dende ellí atacaron Roma al traviés del sur de la Galia, pelos Alpes. Roma contraatacó invadiendo les posesiones cartaxineses n'Hispania a caberos del sieglu III e.C. La victoria romana d'Ilipa (209 e.C.) punxo fin a la presencia cartaxinesa n'Hispania y consagró'l domeñu de Roma so l'este y el sur peninsular.

  • Segunda etapa: Conquista del centru y l'oeste peninsular (155-133 e.C.)

Los romanos tovieron de facer fronti a la resistencia de los pueblos d'esta zona. Los meyores exemplos son les guerres lusitanes (155-136 e.C) nes que coronielló Viriatu, cabezaleru lusitanu, y la llapeña resitencia celtíbera en Numancia fasta la so rendición nel 133 e.C.

La República romana vivió delles guerres civiles qu'aportaron a la península. Les lluches internes de Roma dieron llugar a afrentamientos bélicos na península. Un bon exemplu ye l'afrentamientu ente Pompeyu y César (49-45 e.C.). Estos enterrios aceleraron el domeñu román so la península.

  • Tercer etapa: Conquista del norte peninsular (29-19 e.C)

El fin de la conquista allegó en tiempos d'Augustu, primer emperador román, col domeñu de galaicos, ástures, cántabros y vascones (guerres cántabres).

El procesu de romanización[editar | editar la fonte]

L'herediu cultural[editar | editar la fonte]

La romanización consistió na integración dafecha duna sociedá determinada, nesti casu la hispana, nel conxuntu del mundiu román (economía, sociedá, cultura, relixón). Por esti procesu, los pueblos indíxenes (iberos, celtíberos…) foron asumiendo la cultura romana. La romanización ye un momentu clave de la hestoria cultural de los pueblos de la península. Nella somos a estremar dellos aspeutos:

El procesu de romanización culmió cuando l'emperador Caracalla nel sieglu III enantó la ciudadanía a tolos habitantes llibres del Emperiu.

Hispania foi una de les provincies del emperiu más romanizaes. Bona preba d'ello foi que dellos emperadores ñacieron na península (Traxanu, Adrianu). Tamién hebo importantes filósofos como Séneca y escritores como Quintilianu y Marcial.

Les obres públiques[editar | editar la fonte]

La cultura romana tuvo un cálter eminentemente práuticu y por ello foron grandes inxenieros y grandes constructores d'obres públiques. Na península somos a destacar los siguientes exemplos:

Amás d'estes obres públiques, Roma dexó importantes obres artístiques d'utilidá pública como:

  • Arcos como'l de Bará, en Tarragona.
  • Templos como'l de Diana en Mérida.
  • Anfiteatros como'l d'Itálica (Sevilla).
  • Teatros como'l de Mérida.

El domeñu de Roma dexó n'Hispania una tapecida rede urbana (Tarracu, Caesar Augusta, Emerita, Toletum…) venceyada por una enguedeyada cadarma de calzaes y otres infracadarmes públiques.

La monarquía visigoda: les instituciones[editar | editar la fonte]

Tres una llarga migración integrada nel procesu de les invasiones xermániques y la cayida del Emperiu Román d'Ocidente, los visigodos asitiaron el so reinu na Península pel sieglu VI, allugando la so capital en Toledo pol so estratéxicu allugamientu central.

Leovixildu, ente los años 569 y 586, foi el braeru artífiz de la xunidá política de la península baxo'l domeñu los visigodos. Dos blagos posteriores foron clave nel procesu d'integración ente la población visigoda y los hispanorromanos:

Torna'l cristianismu del rei Recaredu y el pueblu visigodu nel III Conciliu de Toledo (589). Espublízase, por Recesvintu, el Liber Iudiciorum o Fueru Xulgu nel 654.

La organización politica de los visigodos cincábase nel drechu xermánicu. La istitución fundamental de gobiernu yera l'Asambleya de los homes llibres, na que residía'l poder del reinu, que yera conferíu a un rei (monarquía ellectiva).

Los reis visigodos intentaron camudar la organización xermánica ya incorporar l'absolutismu romano al so gobiernu. Pesie a estos intentos, enxamás percanciaron cincar una monarquía estable, con un poder rial fuerte y basiada nel drechu d'herediu. La inestabilidá político consecuente foi clave p'atalantar el derrumbiamientu'l reinu visigodu nel 711 tres la invasión musulmana.

Los monarques caltuvieron una comitiva de clientes que los acompangaben, xurándo-yos fideleza y recibiendo abeyu y mandunga.

Los poderes del rei yeren enantaos: xuez cimeru, xefe del exércitu, llexislador, encargáu de la guerra y de la paz…

Na práutica, el rei gobernaba col avíu del Officium Palatinum, nel qu'enteviníen dos muérganos de xestión: l'Aula Rexia o Conseyu del Rei y los Concilios de Toledo, que collaboraron colos reis en xeres llexislatives y asuntos de gobiernu.

Formaben parte del Officium personaxes d'altu rangu que, col títulu de Comes, taben al frenti d'estremaos servicios: Comes del Tesoro Rexiu, Comes d'alministración de les tierres de la Corona, Comes de recaudación d'impuestos, Comes de los gastos del monarca y de la so casa. Tamién participaben los grandes funcionarios territoriales y militares: Duces provinciales (delegaos del rei), Comites civitates (xueces de les ciudaes) y Gardingos (xefes militares).

La península Ibérica na Edá media: Al-Ándalus.[editar | editar la fonte]

La península Ibérica na Edá media: Los reinos cristianos.[editar | editar la fonte]

La Baxa Edá Media. La crisi de los sieglos XIV Y XV.[editar | editar la fonte]

Los Reis Católicos. La costruición del Estáu modernu.[editar | editar la fonte]

La España'l sieglu XVI.[editar | editar la fonte]

La España'l Barrocu.[editar | editar la fonte]

El sieglu XVIII:Los primeros Borbones.[editar | editar la fonte]

La crisi del Antiguu Réxime.[editar | editar la fonte]

La costruición del Estáu lliberal.[editar | editar la fonte]

El réxime de la Restauración.[editar | editar la fonte]

Alfonso XIII:La crisi de la Restauración.[editar | editar la fonte]

La II República.[editar | editar la fonte]

La Guerra Civil.[editar | editar la fonte]

La España demientres el franquismu.[editar | editar la fonte]

1939 -> La fin de la Guerra Civil

1939-59 -> Autarquía

1941 -> División Azul

1945 -> aisllamientu internacional

1945 -> Fueru de los Españoles y Llei de Referendum

1947 -> Llei de Sucesión

1953 -> Acuerdos colos EE XX

1953 -> Firma del Concordatu cola Santa Sede

1955 -> Ingreso na ONU, FMI, BIRD

1958 -> Llei de Principios del Movimientu

1959 -> Plan d'Estabilización

1964-66 -> I Plan de Desendolcu

1967 -> Llei Orgánica del Estáu

1969-72 -> II Plan de Desendolcu

1972-75 -> III Plan de Desendolcu

1959 -> Fúndase ETA

1969 -> Xuan Carlos, sucesor

1973 -> Asesinatu de Carrero Blanco

1975 -> Franco muerre

La España democrático.[editar | editar la fonte]

  • En febreiru y 23 1981 hebo un intentu de golpe d'estáu.


L'Estáu Español anguaño.[editar | editar la fonte]

  • En outubre y 28 1982el PSOE algama la mayoría absoluta nas eleiciones xenerales. Felipe González forma gobiernu, revalidáu en 1986, 1989 y 1993.
  • En 1986España ingresóu na OTAN y na Xunión Europea.
  • En marzu y 3 de 1996 el PP gana las eleiciones. Aznar forma gobiernu que revalida en 2000.
  • En marzu y 14 de 2004el PSOE gana las eleiciones. Rodríguez Zapatero forma gobiernu.