Herri Batasuna

De Uiquipedia
Saltar a: navegación, buscar
Bandera y llogo d'Herri Batasuna

Herri Batasuna (HB) ("Unidá Popular", n'euskera) foi una coalición política vasca, que se definía como d'izquierda "abertzale" ("amante de la patria" o "partidariu de la patria", n'euskera) y buscaba la independencia y el socialismu pa Euskal Herria. Esapaeció al refundase como Batasuna, partíu al que pasaron la mayoría de los sos miembros.

Historia[editar | editar la fonte]

N'agostu de 1977 costituyóse la Mesa d'Alsasua, a iniciativa del veteranu nacionalista Telesforo de Monzón, cola fin d'organizar a dellos grupos alredor a l'alternativa KAS. Como consecuencia d'estos conceyos, Herri Batasuna foi fundada en 1978 n'Alsasua (Navarra) como coalición de:

Dientro del mesmu movimientu asitiabense Xestores Pro Amnistía, el sindicatu LAB, les mocedaes Jarrai y otros grupos.

Nes primeres eleiciones xenerales de marzu de 1979, la coalición algamó 170.000 votos, y un 13% de los emitíos nel País Vascu.

El 20 de payares de 1984 Santiago Brouard (el llíder de HASI cuando se fundó la coalición) foi asesináu por dos miembros de los GAL (Grupos Antiterroristes de Lliberación) na so clínica de Bilbao.

En 1997, el xuez Baltasar Garzón de l'Audiencia Nacional española ordenó la detención los 23 miembros de la Mesa Nacional por colaboración con banda armada, tres l'intentu de difusión por parte de la coalición d'un vídeu fecho por Euskadi Ta Askatasuna como cuña ellectoral na propaganda ellectoral televisiva de baldre. Así, se formó una nueva Mesa Nacional, cambiando tolos sos miembros. La sentencia sedría anulada posteriormente pol Tribunal Constitucional.

Esta situación, xunida al posterior cierre por orde xudicial del diariu Egin (de la misma tendencia ideolóxica) colocó a Herri Batasuna al borde de la illegalización. Mientres la tregua d'ETA en 1998, Herri Batasuna decide non participar nes eleiciones autonómiques vasques, apaeciendo como sustituta la plataforma ellectoral Euskal Herritarrok, que recoyía tanto a los miembros de la coalición como a otros grupos menores. Algún tiempu dempués, Herri Batasuna refundase en Batasuna, partíu que foi illegalizáu como consecuencia de la nueva llei de partíos aprobada nel últimu mandatu de José María Aznar como Presidente del Reinu d'España.

Ver tamién[editar | editar la fonte]

Venceyao[editar | editar la fonte]