Henry Cavendish

De Uiquipedia
Saltar a: navegación, buscar
Henry Cavendish, que col so esperimentu de la balanza de torsión foi'l primer home que pesó la Tierra.

Henry Cavendish, físicu y químicu británicu (10 d'ochobre de 1731 - 24 de febreru de 1810), nació en Niza (Francia) de padres británicos pertenecientes a l'acaudalada y respetada nobleza inglesa: Lord Charles Cavendish duque de Devonshire y Lady Ann Gray.

A los 11 años entró a estudiar na Escuela de Newcome (en Hackney), ingresando a los 18 años (1749) na Peterhouse, Universidá de Cambridge. Nesa dómina destacó por ser un alumnu aplicáu, calláu, mui tímidu, reserváu y encerráu nel so mundu, los sos profesores avezaben a dicir que siempre taba na lluna (camiéntase que tenía'l síndrome d'asperger),[1] aunque en realidá dedicábase a razonar y reflexionar sobre diversos temas científicos.

Cavendish ye especialmente conocíu poles sos investigaciones na química del agua y del aire, y pol cálculu de la densidá de la Tierra.

Los sos primeros trabayos trataben sobre'l calor específicu de les sustancies. En 1766 descubrió les propiedaes del hidróxenu. El trabayu que-y dio mayor sonadía foi'l descubrimientu de la composición del agua. Afirmaba que más “l'agua ta compuesta por aire defloxistizáu (oxíxenu) xuníu al floxistu (hidróxenu)”. Ye autor del tratáu Factitious Airs ("Sobre'l Aire Ficticiu") nel qu'analiza la composición del aire.

Mediante lo que se conoz como ‘experimentu Cavendish’, que describió nel so trabayu Experiences to determine the density of the Earth (1789), determinó que la densidá de la Tierra yera 5,45 veces mayor que la densidá del agua, un cálculu mui cercanu a la rellación establecida poles técniques modernes (5,5268 veces).

Referencies[editar | editar la fonte]

Enllaces esternos[editar | editar la fonte]