Hayes Gordon
Hayes Gordon | |
|---|---|
| Vida | |
| Nacimientu | Boston, 25 de febreru de 1920[1] |
| Nacionalidá |
 Estaos Xuníos |
| Llingua materna | inglés |
| Muerte | Sydney, 19 d'ochobre de 1999[1] (79 años) |
| Familia | |
| Casáu con | Helen Terry |
| Estudios | |
| Llingües falaes | inglés |
| Oficiu | actor, actor de teatru, actor de cine |
| IMDb | nm0330249 |
 | |
Hayes Gordon AO OBE (25 de febreru de 1920 - 19 d'ochobre de 1999) foi un actor, direutor d'escena y profesor d'interpretación norteamericanu con una considerable parte de la so carrera desenvuelta n'Australia.
Gordon nació en Boston, Massachusetts. El so mentor foi Oscar Hammerstein, y apaeció en Broadway n'ensame de musicales, incluyendo la producción orixinal de Oklahoma! (1943), Show Boat y Brigadoon. Tamién apaeció nel primer culebrón televisivu d'Estaos xuníos llamáu Fashion Story. Foi nomáu nel periódicu Red Networks, que dedicábase a nomar supuestos comunistes y simpatizantes, y en negándose en 1951 a signar un xuramentu conforme nun yera comunista, el so trabayu terminó dafechu.[2]
Entós treslladóse a Sydney, Australia en 1952 de mano el musical Kiss Me, Kate. Permaneció nes contornes y fundó el Ensemble Theatre[3] in North Sydney con un grupu de mozos estudiantes a los qu'enseñara nel Independent Theatre. Esti teatru d'estilu cooperativu foi'l primeru n'Australia del tipu "theatre-in-the-round" (teatru nel que'l públicu ta asitiáu de forma qu'arrodia al escenariu dafechu). Tamién fundó l'academia de teatru más llonxeva d'Australia, la Ensemble Studios, mientres la década de los 50, que finalmente cerró en 2009. Hasta'l fin de la so vida foi direutor de dicha academia. Yá escontra'l final de la so vida publicó Acting and Performing que desarrollava la so influencia Stanislavsky nos métodes d'actuación. Nel añu 1986 asocedió-y nel cargu de direutu del Ensemble Theatre a Sandra Bates.
Hayes foi un gran amigu y mentor de l'actriz australiana Denise Roberts, qu'enseñó cine y televisión nel Ensemble Studios mientres 6 años. En setiembre del 2000, Denise fundó Screenwise y inció la enseñanza de la filosofía d'actuación en cine de Hayes Gordon.
Casóse en 1980 con Helen Terry y tuvieron xuntos hasta la so muerte. Tien una fía, Kati, que vivió cola so madre n'EEXX.
Foi-y dada la Orde del Imperiu británicu (OBE) nel New Year's Honours de 1979,[4] y la Orde d'Australia (AO) nel Día d'Australia Honours de 1997,[5] poles sos contribuciones nel campu de les artes.
Morrió en Sydney d'enfermedá del corazón.
Referencies[editar | editar la fonte]
- ↑ 1,0 1,1 Afirmao en: SNAC. Identificador SNAC Ark: w65n91hg. Apaez como: Hayes Gordon. Data de consulta: 9 ochobre 2017. Llingua de la obra o nome: inglés.
- ↑ Katrina Strickland, article An ideal life, in The Weekend Australian, 23–24 August 1997, p. 11.
- ↑ «AusStage - Gateway to the Australian Performing Arts». AusStage (contributor Hayes Gordon). Consultáu'l 29 d'abril de 2008.
- ↑ It's an Honour: OBE
- ↑ It's an Honour: AO
Enllaces esternos[editar | editar la fonte]
- Hayes Gordon na Internet Broadway Database (n'inglés)
- Hayes Gordon na Internet Movie Database (n'inglés)
- Web del Ensemble Theatre
