Harold Foster

Harold Foster
Vida
Nacimientu	Halifax, 16 d'agostu de 1892
Nacionalidá	Estaos Xuníos
Muerte	Winter Park (es) , 25 de xunetu de 1982 (89 años)
Estudios
Llingües falaes	inglés
Oficiu	historietista, escritor, ilustrador, dibuxante
Trabayos destacaos	Príncipe Valiente (es) Tarzan (en)
Premios	ver Premio Reuben  (1957) Premiu Inktop  (1977) Will Eisner Hall of Fame  (1996) Canadian Comic Book Hall of Fame  (2005)
Seudónimos	Foster, Hal
IMDb	nm0287831

Harold Rudolf Foster (16 d'agostu de 1892, Halifax – 25 de xunetu de 1982, Winter Park ^(es) ), más conocíu como Hal Foster, foi un dibuxante canadianu conocíu sobre manera como creador de la tira de prensa El Príncipe Valiente (Prince Valiant). El so estilu como dibuxante caracterízase pol altu nivel de deliniación y atención a los detalles.

Foster nació en Canadá pero treslladóse a los Estaos Xuníos en 1919. En 1929, entamó una de les premires aventures de les tires cómiques, una adautación del Tarzán d'Edgar Rice Burroughs. En 1937 creó'l Prince Valiant, una aventura fantástica que tien llugar na Edá Media.

Biografía

Foster nació en Halifax, Nueva Escocia, y formó parte del equipu artísticu de Hudson's Bay Company en Winnipeg y treslladóse a Chicago en 1919 onde estudió na Chicago Academy of Fine Arts y pronto atopó encargos como ilustrador. L'ilustrador J. C. Leyendecker foi una influencia temprana pa Foster.

Les historietes de Tarzán, adaptaes de les noveles d'[[Edgar Rice Burroughs], entamaron el 7 de xineru de 1929, continuando hasta que Rex Maxon se fizo cargu d'elles en 10 de xunu de 1929. Foster volvió a Tarzán faciendo la historieta dominical entamando esti trabayu el 27 de setiembre de 1931, continuando hasta que Burne Hogarth entamó con esi trabayu'l 9 de mayu de 1937. Pronto cansó de trabayar n'adautaciones y entamó a facelo nes sos propies creaciones.

Príncipe Valiente

William Randolph Hearst, qu'a lo llargo de munchu tiempu naguó porque Foster dibuxara una tira cómica pa los sos periódicos, que prometió a Foster un repartu 50-50 de los ingresos brutos de la tira, una ufierta bien rara n'aquella tiempu. El Príncipe Valiente estrenóse'l 13 de febreru de 1937, continuando a lo llargo de décades. En 1944, la parexa treslladóse a Topeka en Redding Ridge, Connecticut. En 1954, Foster y la so muyer Helen nel programa de televisión This Is Your Life. En 1971, los Foster retiráronse a Spring Hill, Florida. En 1967, Woody Gelman reeditó dellos de los primeros trabayos de Foster pal so Nostalgia Press.

Retiru

En 1970, Foster entamó a padecer d'artritis y entamó a planificar la so retirada. Tuvo a varios artistas dibuxando páxines dominicales anantes d'escoyer a John Cullen Murphy como'l so collaborador y que lu reemplazó dafecho en 1971. Murphy dibuxó les tires a partir de los guiones y los bocetos a llápiz de Foester. Hal dexó de dibuxar (y firmar) les páxines del Prince Valiant en 1975. A lo llargo de dellos años más, continuó escribiendo la tira y faciendo diseños bien detallaos pa Murphy, finalmente faciendo cada vez menos d'ambes coses hasta qu'una prolongada anestesia demientres una operación-y tomó la so memoria y yá nun recordó nunca'l Prince Valiant.

Foster tenía 73 años cuando fue elixíu miembru de la Royal Society of Arts británica, un honor que se dio a mui pocos americanos.

Foster morrió en Spring Hill en 1982.

Enllaces esternos

• Harold Foster na Internet Movie Database (n'inglés)

• Datos: Q719676