Guy Madison

Guy Madison
Vida
Nacimientu	Bakersfield, 19 de xineru de 1922
Nacionalidá	Estaos Xuníos
Llingua materna	inglés
Muerte	Palm Springs, 6 de febreru de 1996 (74 años)
Sepultura	Forest Lawn Cemetery (en)
Causa de la muerte	enfisema pulmonar (es)
Familia
Casáu con	Gail Russell (1949 – 1954)
Fíos/es	3
Estudios
Estudios	Bakersfield College (en)
Llingües falaes	inglés
Oficiu	actor, actor de cine, actor de televisión, productor de cine, actor de voz
Premios	ver Estrella del Paséu de la Fama de Hollywood ;
Xéneru artísticu	western
Serviciu militar
Lluchó en	Segunda Guerra Mundial
Creencies
Partíu políticu	Partido Republicano de California (es)
IMDb	nm0534972
	guymadison.com

Guy Madison (19 de xineru de 1922, Bakersfield – 6 de febreru de 1996, Palm Springs) foi un actor cinematográficu y televisivu d'Estaos Xuníos.

Biografía[editar | editar la fonte]

El so verdaderu nome yera Robert Ozell Mosely, y nació en Bakersfield (California). Madison estudió nel Bakersfield College mientres dos años y dempués trabayó de volao como emplegáu telefónicu enantes d'ingresar na Guardia Costera de los Estaos Xuníos en 1942.

En 1944, mientres visitaba Hollywood aprovechando que taba de pase, Madison foi afayáu por Henry Willson, el cazatalentos de David O. Selznick na acabante formar Vanguard Pictures. Willson escoyó al rebautizado Madison pa un pequeñu papel na película de Selznick Since You Went Away. Tres l'estrenu del filme en 1944, l'estudiu recibió miles de cartes d'almiradores que deseyaben conocer más d'él.

Madison robló por RKO Pictures en 1946 y empezó a actuar en comedies romántiques y drames, pero'l so estilu interpretativu llindó les sos posibilidaes d'ameyorar la calidá de les películes en qu'intervenía. En 1951 la televisión vieno al rescate de la so duldosa carrera al ser escoyíu pa trabayar en The Adventures of Wild Bill Hickok, serie que s'emitió seis años.

Tres la so participación na televisión, actuó n'otres varies películes enantes de viaxar a Europa, onde consiguió mayor ésitu trabayando en spaghetti westerns y películes d'otros xéneros, como'l cine bélicu.

Madison finó por causa de un enfisema a los 74 años d'edá en Palm Springs (California), y foi soterráu nel campusantu Forest Lawn de Cathedral City, California.

Guy Madison tien una estrella nel Paséu de la Fama de Hollywood pol so trabayu televisivu, nel 6331 de Hollywood Boulevard.

Vida personal[editar | editar la fonte]

Madison tuvo casáu cola actriz Gail Russell (1949-1954) y con Sheila Connolly (1954-1964). Dambos matrimonios acabaron en divorciu. Tuvo tres fíos y un fíu.