Guerra Hispano-Estaunidense
La Guerra Hispano-Estaunidense tuvo llugar ente España y los Estaos Xuníos d'América en 1898, na infancia del rei Alfonsu XIII, cuando exercía la rexencia la reina María Cristina d'Habsburgu-Lorena, viuda del rei Alfonsu XII, siendo presidente del gobiernu español Práxedes Mateo Sagasta y presidente d'Estaos Xuníos, William McKinley.
Esti conflictu ye xeneralmente nomáu n'España'l Desastre del 98, o Guerra de Cuba y, en Cuba, Guerra Hispano-Cubano-Norteamericana. Ye incorreutamente nomáu tamién Guerra Hispano-Americana por influyencia de la manera na que se conoz n'Estaos Xuníos, Spanish-American War.
Los sos principales resultaos foron la independencia de Cuba y la pérdida, por parte d'España, del restu de les sos colonies n'América y Asia (Puerto Rico, Filipines y Guam) , cedíes a Estaos Xuníos, que se convirtió en potencia colonial.
Enllaces esternos [editar]
- Departamentu d'Estáu de los Estaos Xuníos
- La guerra d'España y Estaos Xuníos en Cuba
- 1898: El fin d'un imperiu (web sobre la Guerra Hispanoestaunidense)
- 1898 La Guerra Hispano Americana en Puerto Rico
Bibliografía [editar]
- Hestoria d'España. Joseph Pérez, 2000
"Adiós, Habana, adiós" Jordi Siracusa 2005
