Grupu Volkswagen

De Uiquipedia
Saltar a: navegación, buscar

El Grupu Volkswagen ye un fabricante d'automóviles alemán y una de les mayores empreses mundiales na estaya de l'automoción. El so cimeru mercáu ye la Unión Europea y ye propietariu de les marques: Audi (Alemaña), Bentley (Reinu Xuníu), Bugatti (Francia), Lamborghini (Italia), SEAT (España), Škoda (República Checa), y Volkswagen (Alemaña), xunto con Scania (camiones y autobuses) y Volkswagen Vehículos Comerciales. El grupu ta nun momentu d'espardimientu y recientemente firmó una alianza col fabricante asiáticu Suzuki por aciu d'un intercambiu accionarial, mercando'l 19,9 % de les sos acciones. Posteriormente mercó un 90,1 % d'Italdesign Giugiaro.

Hestoria[editar | editar la fonte]

Volkswagen foi fundada en 1937 como una empresa pública pola entós Alemaña nazi pa vender el Volkswagen Beetle. Dempués de la Segunda Guerra Mundial en 1945, l'Exércitu Británicu tomó'l control de la fábrica estrozada poles bombes y reanudó l'aniciu del Beetle durante los difíciles años de la postguerra a los qu'Alemaña tuvo qu'enfrentase. En 1948 el gobiernu británicu tornó la empresa al estáu alemán, que foi xestionáu pol ex-xefe d'Opel Heinrich Nordhoff.

En 1960, de magar la emisión d'acciones de parte del gobiernu federal alemán na empresa nel mercáu de valores alemán, el so nome tornóse en Volkswagenwerk Aktiengesellschaft (Aktiengesellschaft, abreviáu AG, equival a Sociedá Anónima). El nome camudó a VOLKSWAGEN AG el 4 de xunetu de 1985, pa espeyar la creciente diversificación mundial de la empresa dende la so sede central y fábrica cimera, la Volkswagenwerk en Wolfsburg, Alemaña.

La corporación agora usa esti nome o ocasionalmente "Grupu Volkswagen" en mercaos de llingua non alemana. El grupu automovilísticu Volkswagen superó a la firma Toyota como mayor fabricante de coches del mundu en términos d'aniciu, según un estudiu fechu pola empresa d'analís económicu Global Insight.

Les cifres falen por si soles: el grupu Volkswagen anició 4,4 millones d'unidaes durante los nueve primeros meses del añu 2009. Mientres, Toyota anició 4 millones de vehículos.

La marca estaoxunidense Ford allugóse como'l tercer fabricante mundiial de coches con un total de 3,7 millones d'unidaes aniciaes, asitiándose xusto por delantre de General Motors, que fabricó 3,6 millones d'automóviles. Nos nueve primeros meses del añu, VW enantó un 34% les ventes, hasta llegar a les 622853 unidaes. Los llanzamientos del nuevu Golf y el Polo, qu'enantaron les ventes un 54,1 y un 56,2% respectivamente aidaron a allugar al Grupu no más alto de la llista de fabricantes d'automóviles.

Esti aumentu d'aniciu de VW forma parte de la estratexa del grupu alemán, qu'albidrara tornase nel mayor fabricante de vehículos hacia l'añu 2018. A la fin, l'éxitu européu de la marca superó las xingladuras más esperanzadores.

Nes postreres décades Volkswagen foi añediendo al so grupu otros fabricantes d'automóviles. El primeru foi Audi, que se desendolcó pola mor de la so pertenencia al grupu, y que s'allugó como competidor de los fabricantes d'automóviles Mercedes-Benz y BMW. Más sero Volkswagen mercó'l fabricante español SEAT, asitiando la marca na estaya deportiva en competencia colos automóviles de la italiana Fiat Group. El tercer fabricante inxiríu foi Škoda, cuyos modelos taríen empobinaos cimeramente a los nuevos mercaos d'Europa del Este.

Disponer de cuatro compañíes d'automóviles de consumu dio-y a Volkswagen non sólo una facturación bultable, sinón tamién la posibilidá de racionalizar l'aniciu y d'amenorgar costes. Volkswagen aprovechó esta oportunidá y entamó a montar modelos semeyaos de les cuatro marques n'idéntiques plataformes, preséu nel que foi pioneru na industria mundial del automóvil.

Más recientemente Volkswagen mercó otros fabricantes d'automóviles como Bentley, Lamborghini y Bugatti que, anque tienen series d'aniciu pequeñas, complementen la gama de modelos del grupu na estaya de deportivos de luxu.

N'ochobre de 2005, Porsche mercó un 18,53% del negociu. Y en xunetu enantaron la propiedá a un poco más dle 25%. Esto foi supuestamente fechu pa evitar una OPA foriata, según informes de prensa. Sicasí, munchos comentaristes argumentaron qu'esta compra afier bien na estratexa que tien Porsche. En 2009 Porsche quería mercar el 75% de les acciones del Grupu Volkswagen, siendo asina accionista mayoritario de Volkswagen AG o Grupu VW. A la fin el 7 d'avientu de 2009 diose anuncia de que yera Volkswagen la que tenía l'inclín de mercar Porsche y non al revés.

La operación d'adquisición supunxo un gran endeudamientu pal fabricante de deportivos. Posteriormente, pola mor d'estes dificultaes financieres, asoleyóse un alcuerdu oficial según el cual sería Porsche la que podría ser mercada por Volkswagen, pa formar parte del grupu. Albidrábase qeu Volkswagen tendría enantao la so participación en Porsche AG hasta'l 42% a finales de 2010, por aciu de la compra d'accioines de las familias Porsche y Piëch. En 2011 finaría l'amecedura de Porsche nel Grupu Volkswagen. Nun s'informó de les cifres de la operación, anque'l comunicáu sí especificaba que'l Grupu seguiría negociando col Emiratu de Qatar la compra d'acciones de Volkswagen. Volkswagen indicó que la marca Porsche caltendría independencia dafechu nel desendolcu de los sos productos. D'esta miente cuntábase que les marques intergrantes del Grupu Volkswagen aniciaríen un total de 6,4 millones de vehículos añales, con una plantilla de más de 400000 trabayadores en tol mundu.

Porsche anguaño sigue en posesión de más del 50% del Grupu.

Propietarios[editar | editar la fonte]

Les acciones de propiedá de Volkswagen AG distribúinse de la siguiente manera:

Por porcentaxe de drechos a votu[editar | editar la fonte]

Por porcentaxe de capital soscritu[editar | editar la fonte]

  • 22,5% - Porsche Automobil Holding SE.
  • 14,8% - Estáu Alemán de Baxa Sayoña.
  • 30,9% - Accionistes privaos / otros.
  • 25,6% - Inversores institucionales foriatos.
  • 6,2% - Inversores institucionales Alemanes.

Enllaces esternos[editar | editar la fonte]