Giuseppe Mazzini

De Uiquipedia
Saltar a: navegación, buscar
Giuseppe Mazzini

Giuseppe Mazzini (22 de xunu de 180510 de marzu de 1872) foi un revolucionariu, filósofu del movimentu italianu nomáu Risorgimento. Aidó nel procesu de formación de la Italia moderna a partir de los numberosos estados, munchos dominaos por potencies foriates, qu'esistieron fasta'l sieglu XIX. Tamién contribuyó a definir el movimientu européu en pro d'una democracia popular nun estáu republicanu.

Biografía[editar | editar la fonte]

Nacíu en Xénova, Mazzini ingresó nes files de la Carbonaría, una asociación secreta con fines políticos. La so actividá revolucionaria traxo-y problemes bien ceo cola xusticia. En 1831 foi a Marsella, onde entamó una nueva sociedá política denomada La giovine Italia (La Xoven Italia). El so lema yera Oru y el Pueblu, y el so principiu básicu yera la xunión de los diversos estaos y reinos de la península nuna única república como únicu mediu p'algamar la llibertá italiana. Tamién fundó delles organizaciones cola fin d'unificar o lliberar otres naciones: Xoven Alemaña, Xoven Polonia y finalmente Xoven Europa (Giovine Europa).

Busto en bronze de Mazzini en los Jardins Públicos Xuan Pablu II, en Cremona, Italia.

Mazzini creyía que la unificación italiana namái se podría algamar al traviés d'un llevantamientu popular. Continuó plasmando esti propósitu nes sos obres y trató de consiguilo al traviés del esiliu y l'adversidá con inflexible constancia. De toes formes, la so importancia foi más ideolóxica que práutica: tres la cayida de les revoluciones de 1848 (nes que Mazzini se convirtiera nel líder de la efímera República Romana), los nacionalistes italianos empincipiaron a mirar al rei del Piamonte y el so primer ministru, el conde Cavour como los directores del movimientu unificador. El xeneral Giuseppe Garibaldi, un mozu siguidor de Mazzini, tamién desempeñó un papel crucial nel camín faza'l Estáu italianu, pero esti reinu alloñábase abondo de la república anhelada por Mazzini.

Mazzini enxamás aceptó una Italia unificada baxo la forma de reinu y siguió trabayando por una república democrática. En 1870 foi arrestáu y devueltu al esiliu, anque llograría tornar con nome falsu y vivir en Pisa fasta la so muerte en 1872. El movimientu políticu que lideró foi denomináu Partíu Republicanu y tuvo activu n'Italia fasta los años 90 del sieglu XX.

Ver tamién[editar | editar la fonte]