Giorgio de Chirico

De Uiquipedia
Saltar a: navegación, buscar
Giorgio de Chirico

Giorgio de Chirico (10 de xunetu de 188820 de payares de 1978, Roma) foi un pintor italianu nacíu en Bolos, Grecia, de pás italianos. De Chirico ye famosu ente abondes otres coses por crear el movimientu artísticu scuola metafisica.

Estudió arte n'Atenes y Florencia, anantes de colar a Alemaña en 1906, u entró n'Academia de Belles Artes de Münich. Ellí vio obres de los filósofos Nietzsche y Arthur Schopenhauer, amás d'estudiar les obres d'Arnold Böcklin y Max Klinger. Tornó pa Italia nel branu de 1909 pa pasar seis meses en Milán. Nel entamu de 1910 camudó la so residencia a Florencia otra vegada, ellí pintó "l'enigma d'una tarde de seronda", la primera de les sos obres de la serie "Plaza metafísica", depués d'una esperiencia personal en Piazza Santa Croce. En Florencia pintó tamién "l'enigma del oráculu". Al añu siguiente, De Chirico pasó dellos díes en Turín, de camín a París, y quedó impresionáu polo que nomó "l'aspeutu metafísicu de Turín" palpable na arquiteutura de les sos arcaes y places. De Chirico vivió en París fasta'l so allistamientu nel exércitu en mayu de 1915, demientres la Primera Guerra Mundial.

Los cuadros que De Chirico fizo ente 1909 y 1914 son los que-y dieron más reconocencia. Esta dómina conozse como'l periodu metafísicu. Les obres carauterícense poles semeyes qu'evoquen ambientes solombrizos y abrumadores. Al empecipiar esti periodu, los modelos yeren paisaxes urbanos inspiraos nes ciudaes mediterránees, magar que gradualmente, l'atención del pintor foi separtándose haza estudios de cuartos estraos d'oxetos, a vegaes habitaos por maniquíes.

Darréu, l'escritor Guillaume Apollinaire aloyó'l trabayu de De Chirico y echó-y un gabitu presentándolu al grupu que nel intre dedicaríase al surrealismu. Yves Tanguy escribió en 1922, que quedó tan ablucáu al ver una obra de De Chirico nún aparador d'una galería, que de secuote decidió convertise n'artista, inda ensin tocar un pincel na so vida. Otros artistes que foron influyíos por de Chirico son Max Ernst, Salvador Dalí y René Magritte. Considérase a De Chirico una de les mayores influencies sobro'l movimientu surrealista.


De Chirico abandonó depués l'estilu metafísicu y fizo delles obres con un mayor realismu, les cuáles tuvieron un ésitu pequeñu. De Chirico tamién asoleyó una novela en 1925, nomada "Hebdómero, el Metafísicu".


Obra[editar | editar la fonte]

  • l’enigma de la hora (1912)
  • La gran torre (1912)
  • La incertidumbre del poeta (1913)
  • Cánticu d’amor (1914)
  • La conquista del filósofo (1914)
  • Murnia de seronda (1915)
  • Les muses inquietantes (1916)
  • El gran metafísicu (1917)
  • Interiores metafísicos (1916-1918)
  • Héctor y Andrómaca (1917)
  • Villes romanes (1922)
  • I fuochi sacri (for the Calligrammes) 1929
  • Caballos (1952)
  • Islla de San Giorgio (1959)
  • Autorretratu (1966)
  • Héctor y Andrómaca (escultura) (1966)

Enllaces esternos[editar | editar la fonte]