Gerhard Schröder

De Uiquipedia
Saltar a: navegación, buscar
Gerhard Schröder

Gerhard Fritz Kurt Schröder (7 d'abril de 1944 en Mossenberg-Wöhren, Alemaña) ye un políticu alemán del partíu socialdemócrata (SPD).

En 1963 ingresó nel SPD y declarábase marxista. Na década del 70, Schroeder almiraba a Willy Brandt, xefe del gobiernu, que cola so "Ostpolitik" («política haza l'este») buscó la meyora de les rellaciones d'Alemaña cola Europa comunista y la entós Xunión Soviética (URSS). Foi presidente de les mocedaes social-demócrates.

Foi d'Alemaña del añu 1998 al 2005, lliderando un gobiernu nomáu davezu "roxu y verde", por mor de que nél andecharon el SPD y Die Grüne (Partíu Ecoloxista). Les sos importantes reformes sociales, col oxetivu de que Alemaña colara del foyu económicu na que ta anguaño, nun tuvieron el sofitu del pueblu nin de dellos grupos nel so propiu partíu.

Tres abondes derrotes nes eleiciones rexonales, Schröder convocó, nel branu de 2005, eleiciones xenerales alantaes (setiembre). Magar que la candidata de la CDU, Angela Merkel, algamara nelles la cancillería, los caberos esfuercios de Schröder y el miéu popular a les reformes económiques conservadores - penriba tou no que cinca al programa del cabezaleru de la CSU, Edmund Stoiber, presidente del "Land" de Baviera y esbilláu nun entamu pa ser ministru d'Economía nel gobiernu de Merkel (a la postre determinóse por quedar nel gobiernu rexonal) - dio-y al SPD un altu porcentax de diputaos, colos que foi a entrar nel nuevu gobiernu en collaboración. Anque Schröder nun recebió cargu, el SPD punxo ministros na metá les carteres (ocho: Desenrollu, Sanidá, Xusticia, Asuntos Estranxeros, Trabayu y Sociedá, Finances, Ecoloxía y Obres públiques) y nel cargu de Vicecanciller (Franz Müntefering, que tenía sío ministru con Schröder, secretariu xeneral y presidente del SPD, y que nel gobiernu de Merkel tamién foi nomáu responsable de Trabayu y Sociedá).

Enllaces esternos[editar | editar la fonte]