George Walker Bush

George Walker Bush
43. Presidente d'Estaos Xuníos
34. Presidencia electa de los Estaos Xuníos
46. gobernador de Texas
Vida
Nacimientu	New Haven, 6 de xunetu de 1946 (78 años)
Nacionalidá	Estaos Xuníos
Residencia	Dallas
Llingua materna	inglés d'Estaos Xuníos
Familia
Padre	George Bush
Madre	Barbara Bush
Casáu con	Laura Bush (1977 – )
Fíos/es	Barbara Pierce Bush; Jenna Hager (es)
Hermanos/es	Dorothy Bush Koch; Marvin Bush (es) ; Jeb Bush; Neil Bush
Pueblu	Familia Bush (es)
Estudios
Estudios	Yale ; St. Anthony Catholic School (en) ; Davenport College (en) ; The Kinkaid School (en) ; (1959 - 1961) ; Phillips Academy (es) ; (1961 - 1964) ; Yale College (es) ; (1964 - 1968) Grau n'Artes : historia (es) ; Escuela de Negocios Harvard (es) ; (1973 - 1975) maestría en administración de negocios (es)
Nivel d'estudios	bachiller de ciencies ; maestría en administración de negocios (es)
Llingües falaes	inglés; castellanu
Oficiu
Oficiu	políticu, orador motivacional, autobiógrafu, pintor, xugador de rugbi union, oficial, estadista, empresariu, financieru
Trayeutoria
	Participante commencement at the University of Notre Dame (en) ; Reto de la cubeta de hielo (es) ;
Altor	183 cm
Llugares de trabayu	Austin y Washington DC
Premios	ver Gran Cruz con Collar de la Orden de las Tres Estrellas ; Order of Kuwait ; Orde del Méritu de la República d'Hungría ; Orden de Zayed ; Orden pro Merito Melitensi ; Orden de Sikatuna ; Order of Merit of Benin ; Order of the Republic of North Macedonia ; Orde d'Abd-al-Aziz Al Saüd ; Orde de la Estrella de Rumanía ; National Order of Benin ; Orden de Vitautas el Grande ; Orden de la Cruz de Terra Mariana ; Order of the National Flag ; Amir Amanullah Khan Award ; Order of Al-Khalifa ; Orde de les Trés Estrelles ; Order of Freedom ; Medaya de La Llibertá de Filadelfia ; Gran Cruz de la Orden de Vitautas el Grande ; Collar de la Orde de la Estrella de Rumanía ; Medaya del Serviciu na Defensa Nacional ; honorary doctor of the Ohio State University ; St. George's Order of Victory ; Financial Times Person of the Year (2002) ; Doublespeak Award (2003) ; Anexo:Razzie al peor actor (2004) : Fahrenheit 9/11; Doublespeak Award (2004) ; Razzie a la peor pareja (2004) : Fahrenheit 9/11; Doublespeak Award (2006) ; Doublespeak Award (2008) ; Orden de la Cruz de Terra Mariana de 1.ª clase (1r febreru 2012) ;
Miembru de	Lexón de los Estaos Xuníos
Serviciu militar
Cuerpu militar	Fuercia Aérea de los Estaos Xuníos; Guardia Nacional de los Estados Unidos (es)
Graduación	primer teniente (es) ; teniente primero (es)
Lluchó en	Guerra d'Iraq; guerra d'Afganistán (2001–2014); Insurxencia nel Magreb; Guerra civil somalí (2006-2009) (es) ; conflicto moro (es) ; Guerra nel noroeste de Paquistán
Creencies
Relixón	Ilesia Metodista Xunía; Ilesia episcopal nos Estaos Xuníos; metodismu
Partíu políticu	Partíu Republicanu de los Estaos Xuníos
IMDb	nm0124133
	georgewbush.com

George Walker Bush (Pronunciación) (?·i) (6 de xunetu de 1946, New Haven) foi'l 43 presidente de los Estaos Xuníos d'América. Enanties yera'l Gobernador del estáu de Texas. Miembru tradicional del Partíu Republicanu, foi empresariu na industria petrolífera y del deporte profesional, como Manager xeneral del equipu de beisbol de los Texas Rangers.

Bush foi elixíu 46ᵘ Gobernador de Texas en 1994, y reelixíu en 1998. Ganó la nominación del Partíu Republicanu a les eleiciones presidenciales de 2000, y foi elixíu Presidente nunes eleiciones xenerales mui reñíes y non faltes de polémica. Foi reelixíu nes eleiciones de 2004 cuando se disputaba la Presidencia col Partíu demócrata de John Kerry.

So pá, George H. W. Bush tamién foi Presidente de los Estaos Xuníos cuatro años y ocho más, vicepresidente. El so hermanu, Jeb Bush ye'l Gobernador de Florida d'anguaño. So güelu, Prescott Bush, foi senador. Tien amás dos hermanos más pequeños, Marvin Bush y Neil Bush, los dos empresarios. Él y John Quincy Adams son los únicos fíos de Presidentes qu'acceden a la presidencia.

Educación y mocedá

Nació en New Haven, Connecticut y crióse en Midland, Texas y Houston.

Tres graduase na Philips Academy en xunu de 1964, Bush gradúase n'historia na Universidá de Yale y con un posgráu n'Arte en 1968. Bush ye seleicionáu pola sociedá secreta Skull & Bones. En mayu de 1968, alístase na Texas Air National Guard.

En 1973 va a la Harvard Business School onde estudia un Master n'Alministración d'Empreses (MBA) en 1975. Dos años dempués casa con Laura Welch, bibliotecaria demócrata de Midland. Tienen dos fíes ximielgues, Barbara y Jenna, nacíes en 1981.

El 4 de setiembre de 1976, na redolada de la casa de branu de la so familia en Kennebunkport, Maine, la policía arrestólu por conducir baxo los efeutos del alcohol. Bush describió esos díes enantes de la so conversión relixosa nos sos 40 como una dómina "nómada" y una "mocedá irresponsable", y almitió que bebía de más daquella. Bush diz que dexó la bébora en 1986 y que la responsabilidá del cambéu ye, en parte, d'un aconceyamientu que tuvo en 1985 col reverendu Billy Graham.

Vida profesional

Negocios

Bush entamó la so carrera na industria petrolífera en 1979 cuando entamó Arbusto Energy, una empresa d'esploración de petroleu y gas. En 1984 Bush vendió la compañía yá renomada Bush Exploration Co., a Spetrum 7, otra petrolera de Texas. En cumplimientu de los alcuerdos de venta, Bush convirtióse en CEO. Spectrum 7 perdió ingresos y foi absorbida por Harken Energy Corporation en 1986, onde Bush convirtióse en Direutor.

N'abril de 1989, Bush aconceyó a un grupu d'inversores d'ente los collacios íntimos de so pá, incluyendo'l so compañeru de fraternidá Roland W. Betts. El grupu mercó'l 86% de los Rangers por 75 millones de dólares.

Como Manager xeneral de los Rangers, Bush asistió a les rellaciones del equipu colos medios y a la construcción d'un nuevu estadiu. La so posición pública dio-y reconocimientu por toa Texas.

Carrera política

Bush entamó la so carrera asistiendo a so pá nes campañes al Senáu de 1964 y 1970. Tres dexar la Guardia Nacional en 1972, foi direutor políticu pa la campaña del senáu n'Alabama. En 1978 presentóse a la Cámara de los representantes, pero perdió col demócrata Ken Hance (agora republicanu). Ronald Reagan sofitó al oponente de Bush nes primaries republicanes.

En 1994, Bush garró una escedencia nos Rangers pa presentase a Gobernador de Texas escontra la demócrata Ann Richards. El 8 de payares de 1994 ganó a Richards con un 53% de los votos frente al 46%. En 1998 Bush presentóse a la reeleición y algamó una victoria clara, col 69% de los votos, convirtiéndose nel primer Gobernador de Texas elixíu dos vegaes consecutives. A lo llargo'l gobiernu de Bush, fizo significativos camudamientos na xusticia criminal, lleis civiles y financiación pa los escolinos. Bush tomó una llinia dura tocántenes a la pena de muerte y recibió munches crítiques de los sos opositores, la tasa d'encarcelamientu foi de 1014 internos por 100.000 en 1999, la segunda mayor.

Campañes Presidenciales

Campaña de 2000

Na campaña de 2000, Bush declaróse "conservador compasivu".

Campaña de 2004

Nes eleiciones de 2004, Bush algamó 31 de 50 estaos y 286 votos eleutorales.

Etapa como Presidente

Política exterior y seguridad

En 2002, Bush refugó'l tratáu de Kyoto por consideralu perxudicial pa la medría de la economía norteamericana.

Tres los ataques terroristes del 11 de setiembre de 2001, el Departamentu d'Estáu punxo como prioridá oriente próximu.

Terrorismu

El 11 de setiembre de 2001, Al-Qaida secuestró cuatro grandes aviones de pasaxeros y estrellólos escontra les torres ximielgues del World Trade Centre de Nueva York y escontra'l Pentágonu en Washington DC. 2.500 fueron los muertos pol ataque.

El 7 d'ochobre de 2001, con sofitu internacional, Bush llanzó la "guerra escontra'l terrorismu" en xeneral, y dirixida haza'l réxime talibán d'Afganistán en particular, onde s'escondía Osama bin Laden máximu dirixente d'Al-Qaeda, un yemenín nacíu n'Arabia Saudita. Estaos Xuníos invadió Afganistán.

Irónicamente, dende la cayida de los talibán, los suministros d'opiu medraron significativamente.

Como rempuesta a l'esmolimientu por terrorismu, Bush retiró'l Tratáu sobro misiles anti-balísticos de 1972 pa promocionar un nuevu sistema de defensa de misiles. La Sociedá Americana de Física criticó esti cambéu teniendo dubies sobro la efectividá. Baxo'l mandatu de Bush, el gastu militar total medró hasta un nivel comparable al de la Guerra fría, lo que llevanta insinuaciones de que si'l so primer oxetivu ye alimentar la industria militar de la que'l presidente Eisenhower alvirtió en 1961.

Iraq

Poco depués del 11 de setiembre l'alministración Bush promovió una aición urxente n'Iraq, anunciando qu'Iraq tenía armes d'esfaimientu masivo, que Sadam Husein yera una amenaza pa la seguridá mundial, desestabilizaba Oriente Próximu, emburriaba'l Conflictu árabe-israelín y financiaba terroristes. Los críticos dixeron que los intereses económicos nos recursos petrolíferos iraquinos yeren el motivu real.

El 13 de payares de 2002 baxo la resolución 1441, Hans Blix y Mohamed ElBaradei dirixeron a los inspeutores d'armamentu de la ONX n'Iraq.

El Secretariu d'Estáu Colin Powell encamentó evitar una guerra ensin l'aprobación clara de la ONX. L'alministración trató d'algamar una resolución del Conseyu de seguridá de la ONX autorizando la fuercia militar según el capítulu VII de la Carta de les Naciones Xuníes pero, vista la vigorosa oposición de naciones clave, incluyida l'amenaza de vetu de Francia, descartóse esa opción y, con un pequeñu grupu de países, preparóse pa la guerra.

La invasión d'Iraq entamó'l 20 de marzu de 2003. Bush declaró la victoria'l 1 de mayu de 2003 pero'l despliegue d'Estaos Xuníos continúa en 2005 pese a la captura de Hussein por culpa de la resistencia iraquina.

Discursu de George W. Bush a los marines y a la nación dende la cubierta del USS Abraham Lincoln na costa de San Diego, California. 1 de mayu de 2003.

El 30 de setiembre de 2004 l'informe final del Grupu d'investigación d'Iraq concluyó que "nun alcontraron evidencies de que Sadam Husein tuviere un stock d'armes de esfaimientu masivo en 2003". L'informe de la comisión del 11-S nun alcontró evidencies creyibles de que Sadam Husein tuviere armes d'esfaimientu masivo. Amás, la comisión del 11-S concluyó que pese a los contautos ente Iraq y Al Qaeda en 1996, nun surdió "nenguna rellación de collaboración".

Ver tamién

Gobiernu y política de los Estaos Xuníos

Referencies

↑ Afirmao en: Library of Congress Authorities. Identificador d'autoridá de la Biblioteca del Congresu d'EEXX: no95049848. Apaez como: Bush, George W. (George Walker), 1946-. Data de consulta: 30 xunetu 2022. Editorial: Biblioteca del Congresu d'Estaos Xuníos. Llingua de la obra o nome: inglés.
↑ Afirmao en: SNAC. Identificador SNAC Ark: w6gf0rfk. Apaez como: George W. Bush. Data de consulta: 9 ochobre 2017. Llingua de la obra o nome: inglés.
↑ ^3,0 ^3,1 ^3,2 Identificador GND: 12145391X. Afirmao en: Catalog of the German National Library. Data de consulta: 1r mayu 2024. Llingua de la obra o nome: alemán.
↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
↑ ^5,0 ^5,1 ^5,2 ^5,3 URL de la referencia: https://ncte.org/wp-content/uploads/2020/10/Past_Recipients_Doublespeak_Award.pdf. Data de consulta: 22 xunu 2021.
↑ URL de la referencia: https://president.ee/et/teenetemargid/teenetemarkide-kavalerid/29725-george-walker-bush. Data de consulta: 13 xunu 2023.
↑ URL de la referencia: http://www.pbs.org/wgbh/pages/frontline/shows/jesus/etc/script.html.
↑ URL de la referencia: http://www.nytimes.com/2001/04/16/us/bush-celebrates-easter-at-an-outdoor-service.html.
↑ URL de la referencia: https://www.pbs.org/wgbh/pages/frontline/shows/jesus/etc/script.html. Direición web d'archivu: https://www.webcitation.org/619JPXaOA?url=http://www.pbs.org/wgbh/pages/frontline/shows/jesus/etc/script.html. Data d'archivu: 23 agostu 2011.

Enllaces esternos

Páxina web oficial (n'inglés d'Estaos Xuníos)
George Walker Bush na Internet Movie Database (n'inglés)
George Walker Bush n'AllMovie (n'inglés)
George Walker Bush en FilmAffinity (castellán)
George Walker Bush en Facebook
George Walker Bush n'Instagram
George Walker Bush en Twitter
Obres de George Walker Bush nel Proyeutu Gutenberg

Wikisource en castellanu contién discursos presidenciales de George W. Bush.

Predecesor:
Bill Clinton

Presidentes de los Estaos Xuníos
2001 - 2009

Socesor:
Barack Obama

Presidentes de los Estaos Xuníos d'América
Washington \| J. Adams \| Jefferson \| Madison \| Monroe \| J.Q. Adams \| Jackson \| Van Buren \| W. Harrison \| Tyler \| Polk \| Taylor \| Fillmore \| Pierce \| Buchanan \| Lincoln \| A. Johnson \| Grant \| Hayes \| Garfield \| Arthur \| Cleveland \| B. Harrison \| Cleveland \| McKinley \| T.R. \| Taft \| Wilson \| Harding \| Coolidge \| Hoover \| F.D.R. \| Truman \| Eisenhower \| J.F.K. \| L.B.J. \| Nixon \| Ford \| Carter \| Reagan \| G.H.W. Bush \| Clinton \| George W. Bush \| Barack Obama \| Donald Trump \| Joe Biden

[42826297ac736d4892da17d94133d2314fa13b1d-1] Afirmao en: Library of Congress Authorities. Identificador d'autoridá de la Biblioteca del Congresu d'EEXX: no95049848. Apaez como: Bush, George W. (George Walker), 1946-. Data de consulta: 30 xunetu 2022. Editorial: Biblioteca del Congresu d'Estaos Xuníos. Llingua de la obra o nome: inglés.

[de077fc3b0515d4e243d24aff30cfb4164211831-2] Afirmao en: SNAC. Identificador SNAC Ark: w6gf0rfk. Apaez como: George W. Bush. Data de consulta: 9 ochobre 2017. Llingua de la obra o nome: inglés.

[662fed789f5a996fa5ea5cea8cf2be4f7b30f884-3] 3,0 ^3,1 ^3,2 Identificador GND: 12145391X. Afirmao en: Catalog of the German National Library. Data de consulta: 1r mayu 2024. Llingua de la obra o nome: alemán.

[3acbc6dfa559aaa0f3ece4de503e4f00145763b9-4] Biblioteca Nacional de Francia. «autoridaes BNF» (francés). Consultáu'l 10 ochobre 2015.

[c76caef0f2c11d6057c46c68a92c207d05b0288f-5] 5,0 ^5,1 ^5,2 ^5,3 URL de la referencia: https://ncte.org/wp-content/uploads/2020/10/Past_Recipients_Doublespeak_Award.pdf. Data de consulta: 22 xunu 2021.

[f3fd9b7e5d303bedcb1874910f75745d7cd9e782-6] URL de la referencia: https://president.ee/et/teenetemargid/teenetemarkide-kavalerid/29725-george-walker-bush. Data de consulta: 13 xunu 2023.

[e8100fc71667cc72a2b231d7164d763ba7a059a0-7] URL de la referencia: http://www.pbs.org/wgbh/pages/frontline/shows/jesus/etc/script.html.

[e67e8fe69fb2c22445b956e3004054a7d487ba50-8] URL de la referencia: http://www.nytimes.com/2001/04/16/us/bush-celebrates-easter-at-an-outdoor-service.html.

[6870a4a7ea408d48b49bb69f3c07ceeb6cc9537a-9] URL de la referencia: https://www.pbs.org/wgbh/pages/frontline/shows/jesus/etc/script.html. Direición web d'archivu: https://www.webcitation.org/619JPXaOA?url=http://www.pbs.org/wgbh/pages/frontline/shows/jesus/etc/script.html. Data d'archivu: 23 agostu 2011.

[1]

[2]

[3]

[4]

[5]

[6]

[7]

[8]

[9]