Gavrilo Princip

De Wikipedia
Gavrilo Princip
Vida
Nacimientu Obljaj (es) Traducir[1]13 de xunetu de 1894 (xul.)[2]
Nacionalidá Bandera de Imperiu austrohúngaru Imperiu austrohúngaru [3]
Residencia Sarayevu
Muerte Theresienstadt Small Fortress (en) Traducir[4]28 d'abril de 1918[5] (23 años)
Sepultura Vidovdan Heroes chapel (en) Traducir
Causa de la muerte tuberculosis
Familia
Casáu con ensin valor
Familia
Pueblu Q31182974 Traducir
Estudios
Estudios First Belgrade Gymnasium (en) Traducir
Llingües falaes Serbiu[6]
Oficiu revolucionariu
Llugares de trabayu Sarayevu
Miembru de Joven Bosnia (es) Traducir
Serviciu militar
Lluchó en Primer Guerra Mundial
Creencies
Relixón Iglesia ortodoxa serbia (es) Traducir
IMDb nm1532728
Cambiar los datos en Wikidata
Princip na prisión de Terezin

Gavrilo Princip (Obljaj, Bosnia, 13 de xunetu[CX]/25 de xunetu[CG] de 1894 – Terezin, Bohemia, 28 d'abril de 1918) foi un nacionalista estremista serbo-bosniu qu'asesinó al herederu a la corona d'Austria-Hungría, l'archiduque Franciscu Fernandu, y a la so esposa, la duquesa de Hohenberg Sofía Chotek, el 28 de xunu[nota 1] de 1914 en SarayevuSarayevu, la capital de Bosnia.

Princip pertenecía a un movimientu xuvenil separatista d'ideales yugoeslavistes conocíu como Xoven Bosnia que lluchaba pola lliberación de Bosnia y Herzegovina del dominiu austro-húngaru y la so integración a Serbia pa la creación d'un estáu nacional yugoslavu.[nota 2] Pero lo que sería daveres trascendental yera que, según Austria-Hungría, el comandu terrorista dientro del qu'actuara, taba al serviciu de ciertos grupos radicales en Belgráu;[nota 3] más específicamente, señalóse a la Mano Negra, una sociedá secreta serbia tamién llamada Unificación o Muerte, y al so líder, el coronel Apis, xefe del serviciu d'intelixencia serbia, como responsables direutos del atentáu, pese al esfuerciu que fixeron tolos implicaos llevaos a xuiciu por convencer a les autoridaes austrohúngares d'actuar por iniciativa propia y magar la falta d'abondes pruebes. Yá que con ello Austria-Hungría tenía la sida que buscaba pa empecipiar les hostilidaes contra Serbia que, como parte de la so política d'espansión escontra los Balcanes, taba esperando.[nota 4]

Pero nenguna d'estes naciones diría sola a la guerra.[nota 5] De cuenta que el magnicidiu protagonizáu por Princip convirtióse nel desencadenante que les grandes potencies europees, aliaes en dos bandos distintos, esperaben pa poder enfrentase ente sigo y camudar el xuegu de poderes nos distintos frentes en que se desenvolvería la mayor guerra enxamás vista hasta entós na historia de la humanidá: la Primer Guerra Mundial[nota 6] (1914-1918).

Ver tamién[editar | editar la fonte]

Notes[editar | editar la fonte]

  1. Día de San Vito pa la Ilesia Ortodoxa Serbia.
  2. Paga la pena tener en considerancia que un motivu importante del bracéu que los integrantes de la Xoven Bosnia sosteníen en contra de los Habsburgu y que subyacía darrera del patriotismu y l'ideoloxía yugoslavistes, yera precisamente la llucha pola meyora de les condiciones sociales na Bosnia rural del so tiempu y el consiguir la equidá pa una sociedá tan segregada en distintos grupos.
  3. Quien los adomaríen, entamaríen y apurríen les armes pal atentáu n'unu de los munchos intentos por desestabilizar la posición del Imperiu Austro-Húngaru nos Balcanes y asina espander entá más la yá enanchaes fronteres de Serbia tres les Guerres Balcániques nes qu'esta última venciera a Turquía y a Bulgaria.
  4. Una obra que puede consultase sobre esti puntu y cuasi contemporánea a esos fechos ye L'Autriche-Hongrie "brillant second".
  5. Serbia taba protexida per Rusia que, de la mesma, tenía una alianza con Francia ya Inglaterra, ente qu'Austria-Hungría tenía'l sofitu d'Alemaña, la so aliada.
  6. Denominada entós daquella «Gran Guerra».

Referencies[editar | editar la fonte]

  1. URL de la referencia: http://www.express.co.uk/entertainment/books/473462/The-Trigger-Hunting-The-Assassin-Who-Brought-The-World-To-War-by-Tim-Butcher-review.
  2. Afirmao en: Encyclopædia Britannica Online. Identificador Encyclopædia Britannica Online: biography/Gavrilo-Princip. Apaez como: Gavrilo Princip. Data de consulta: 9 ochobre 2017. Llingua de la obra o nome: inglés.
  3. URL de la referencia: http://www.encyclopedia.com/topic/Sarajevo.aspx.
  4. Afirmao en: Gemeinsame Normdatei. Data de consulta: 30 avientu 2014. Llingua de la obra o nome: alemán. Autor: Biblioteca Nacional d'Alemaña.
  5. Afirmao en: Internet Movie Database. Identificador IMDb: nm1532728. Data de consulta: 14 agostu 2015. Llingua de la obra o nome: inglés.
  6. Biblioteca Nacional de Francia. «autoridaes BNF» (francés). Consultáu'l 10 ochobre 2015.