Galaicos

De Uiquipedia
Saltar a: navegación, buscar
Mapa de les tribus y pueblos prerromanos

Los galaicos foron un conxuntu de pueblos célticos y precélticos allugaos en Gallaecia nel noroeste peninsular acupando parte de l'actual Galicia, Asturies, Norte de Portugal y parte de Lleón. La Gallaecia, dividíase en Conventus Lucensis, Conventus Bracarensis y Conventus Asturicensis.

Etimoloxía[editar | editar la fonte]

Hai delles teoríes, la primer ye que Gallaecia foi'l nome dau polos romanos a dicha tierra sinificando la pequeña Galia por mor de la semeyanza colos galos na so vistimenta, cultura, llingua, etc... Magüer, la teoría más fiable diz que demientres la conquista romana, la tribu de los Callaici (ente'l Dueru y el sur la provincia d'Ourense) foi la que más oposición punxo a la conquista, y foi asina como bautizóse al territoriu, dao que los romanos honoraben a los nemicos cuayiegos d'esti xeitu.

Tribus y clanes[editar | editar la fonte]

Dixebra eclesiástica de Galicia. Munchos de los sos arciprestazgos fain referimientu a entidaes étinques prerromanes, como Nemancos, Céltigos, Entíns o Posmarcos, ente otros munchos

.

De les más de 50 tribus galaiques tán:

Afiliación[editar | editar la fonte]

Florentino López Cuevillas, nes sos obres "La civilización céltica en Galicia" y "Os oestrimnios, os saefes e a ofiolatría en Galiza" afirma que Gallaecia taba acupada por estremaos pueblos indeuropeos, celtes y preceltes, éstos últimos yeren apellaos oestrimios, (emparentaos colos ligures, pueblu arreyáu col períodu megalíticu que créyese qu'acupara gran parte d'Europa). Éstos oestrimios s'espicula yeren:

Albiones, Seurros, Tiburos, Bibalos, Caporos, Zoeles, Nobiagonos, Abios, Tirios, Veasminos, Salassos, Rilenios, Helenios, Grovios.

Los oestrimios formaben parte d'una comunidá aborixe d'aniciu protocélticu allugada dende la Edá de Bronce (previa al 600 edC) qu'acupaben el noroesti peninsular y a los que se-y pretende asociar col espoxigue la edá de bronce atlánticu en Galicia y les sos xocedures coles demás comunidaes atlántiques como los finisterres de Francia n'Armorica y les islles Britániques. El mitu la "Xeración Nós" calletró que dimpués vinieren les invasiones céltiques de Saefes o Sierpes (homes sierpe) y de los Draganos. Fasta les caberes vistigaciones xenétiques qu'establecen el parentescu la cornisa cantábrica colos estratos pre-xermánicos de les islles Britániques, se venía yá creyendo nun parentescu produtu d'estes mítiques invasiones de los gallegos, asturianos y llioneses con irlandeses, escoceses, cornualleses y especialmente, galeses. Sicasí lo qu'estes caberes vistigaciones praecen demostrar ye qu'enxamás esistió un invasión (a lo menos xenética) dende Europa central y que más bien los celtes d'estos territorios remanen de los mesmos devanderos d'estaes previes, ye dicir, que son indíxenes, con un probatible aporte d'elementos nórdicos probablemente escorripiaos demientres el fluxu d'espiriques comerciales de la Edá de Bronce que foi un fenómenu mui particular y que nun tornaría a conocer paralelu fasta los nuesos díes; magüer, ye nidiu qu'esisten elementos centroeuropeos provenientes de rutes terrestres qu'aportaron a la meseta central y dende esti puntu foron a influenciar el noroesti peninsular nuna mui baxa intensidad de frecuencia d'espiriques.

Estos celtes asentáronse nel norti Portugal y l'aria la Galicia anguaño, introduciendo nesta rexón la cultura de les Urnes de Vlenden-Bennghardt (variante de les de Urnenfelder) que se manifestaría nidiamente dempués na cultura los castros o castreña. Asina a dambos pueblos se-yos suel atribuyir l'orixen de los actuales habitantes del noroesti, Draganos y Sefes, que finaríen por encadarmar los pueblos ástur y galaicu, arreyándose ente los dos delles tribus protocéltiques; por exemplu, los Tiburos y los Zoeles pasaron a ser ástures. Les lliendes a ún y otru llau de la mar como'l Leabhar Ghabhála Érenn, recotíes por autores como T.W.Rolleston nel so llibru "Los Celtas", afirmen que los galaicos del norti conquistaron Irlanda. Esto pue ser una alcordanza mitificada de vieyos periplos mariñanes de la Edá del Bronce previos a la navegación fenicia que desanició les sos rutes, o bien puede tratase duna demostración de la erudición xeográfico de los monxes irlandeses que trescribieren al papel los mitos y tradiciones del so pueblu,. El gaélicu nun sedría la mesma llingua que falaben estos galaicos; comprobao ta que na rexón galaica falábase una llingua indoeuropea de cálter arcaico estrenchamenti arreyada colos gurupos de llingües celtes conocíes, pero que nun pertenez a nenguna d'estes y taríamos falando dun tercer y más primitivu gurupu llingües celtes que caltuvieron el so cálter arcaico fasta la dómina romana por mor al aisllamientu nel cual se soorguiaren demientres les primeres estaes de la Edá de Fierru y esti fenómenu podría comparase col problema pictu n'Escocia ya que sábese que nun yeren gaélicos nin córnicos pero que, sicasí, iscriciones oghámiques cernen un cálter céltico arcaico, ye dicir que nun ye frutu la enfluyencia de los sos vecinos con una llingua ciertamenti más moderna que la qu'illos falaben, ye probatible que seya un pueblu celta arcaicu aislláu de los gurupos yá enfluenciaos polos trazos culturales centroeuopeos de la segunda Edá de Fierru arreyaos col enanchamientu de la cultura y la plástica La Téne. Lo que ya se conocía ye que cuasi tolos pueblos precélticos ensecuti previos a la conquista romana taben yá aceltizaos.

Castru Baroña

El mitu diz que los celtes Saefes, alcontraron el noroesti peninsular abondo pobláu (Estrabón fala d'unes 50 tribus, mientres que Plinio diz que yeren más de 65). Sicasí los Sefes caltuvieron una bona convivencia cola población llariega. Los celtes nun s'asimilaron nin asimilaron a naide, ca comunidá celta n'Europa ye frutu duna amestadura mui desemeya l'ún de l'otru por sides de distancia y de cultura, la enfluencia la plástica y les caraterístiques "tradicionalmente" celtes foron na mayoría los casos tardiegues y esporádiques, magüer, la presencia d'elementos latenianos nun ye endiciador de celticidá sigún puédese inferir del estudiu'l so niciu dexáo n'esa época na arquitectura y la metalurxia.


Xeografía[editar | editar la fonte]

Toes estes tribus ocupaben dende'l Dueru (Baixo Minho) fasta'l Cantábricu, al Esti, nel Navia colos Pésicos, n'Ancares colos Lóugei, colos astures Tiburos nes montañes de San Mamede y Cabeza de Manzaneda y colos tamién astures Zoeles nes sierres de Sendim, Bornes, Meles y Lama longa.

Castru Santa Tegra, ciodá de los Grovios

Xeitu de vida[editar | editar la fonte]

Les muyeres teníen la xera de trabayar la tierra y acoyechar na viesca, normalmente pa facer el llande, mientres que los homes caciaben o curiaben el ganáu. Los sos escasos cultivos yeren d'escanda, cerru y cebada prencipalmente. Mas cuando precisaben de más recursos, los que podíen permitise apurrir armamentu organizaben razzies guerreres que dedicábanse a saquiar.

Los cronistes de les campañes romanes como Plinio, Estrabón y Herodoto encartichaben una sociedá matriarcal y democrática (un conxuntu de clanes con un representante elexío polos miembros del clan, y los representantes de los clanes d'una tribu elexía al xefe de tribu cada añu), magar que dalgunes persones averávanse a una mena d'aristrocacia militar que gobernaba'l so castru o clan, cuasi siempres acompangáu dun druida a mou de conseyeru. Quiciabes, el matriarcáu yera una mena de sociedá igualatoria, les muyeres participaben na guerra del mesmu xeitu que los homes, tal y como Apiano y Antonio Dióxenes encartichen na epedicion de Bruto Galaico nel 138-136 e.C.:


"Pa empedir el saquéu de les ciudaes les muyeres

lluchaben al empar de los homes manexando les armes

al netu qu'eillos ensin llanzar glayíu o súplica

nenguna na griesca cuando yeren coraes..."


El so armamentu consistía prencipalmente nuna caetra o un escudu obllongu de madera o blima tapecíu de cueru, una llancia, una espada llarga o puñal d'antenes, magar que dependiendo del so allugamientu económicu, el númberu y calidá d'armes y proteiciones como grebes, cotes de malla o cascos podía variar. Dalgunos guerreros/es llevaben torques (maniaques na so llingüa) como atestigüen aquellos afayáos en abondos castros galaicos.

La vistimenta de los homes, sigún amuesen les estatues de guerreros galaicu-lusitanes (norte de Portugal), taba compuesta por una camisia llarga (afitada con cinchu na cintura), que finaba cuasi nos xinoyos, ú al tresuel de llínies d'estremaos cullores criyaben una estampáu de cuadros o rombos pa desemeyase d'otros clanes, como siguin faciendo güei los clanes escoceses. Tamién usaben el sagum a igual que munchos otros pueblos vecinos como cántabros y astures, fechu qu'amuesen les fontes clásiques y l'afayamientu de fíbules nos yacimientos arqueolóxicos (Alberto Álvarez Peña "Celtas en Asturies"). Amás, n'algunes tribus los homes tamién usaben sayes, cosa que caltúvose n'algunes zones de Galiza fasta'l sieglu XVIII-XIX, con exemplos como la saya de Betanzos y la saya de Tuy asemeyada al kilt escocés pero ensin tartáns. Calzaben coricies o abarques y a vegaes una mena de calcies acadináes a la llumera con soguetos. El traxe de la muyer nun variaba namái qu'en una saya muncho más llarga, quiciabes, daqué paecíu a la forma del paxellu gallegu d'angüañu.

recostruición d'una casa castreña

Relixosidá[editar | editar la fonte]

Yeren politeístes, creyíen nos espiritos de la natura, na reencarnación y la so relixón taba alministrada polos druides. Dalgunos de los sos dioses yeren:

Lug: Dios del sol y de los muertos.

Taranis/os: Dios de la guerra, mas sero acristandiáu como Santiagu.

Cernunnos o Candamu: Dios de les viesques.

Deva: Diosa del augua.

Nuada: Dios de los mares y océanos.

Belenos: Dios del vientu.

Bibliografía[editar | editar la fonte]

  • Os oestrimnios, os saefes e a ofiolatría en Galiza (Univ. Santiago, 1992). Florentino López Cuevillas y F. Bouza Brey. ISBN 84-7191-844-7
  • A idade do ferro na Galiza. Florentino López Cuevillas. ISBN ¿?
  • La civilización céltica de Galicia. (Istmo, 1989). Florentino López Cuevillas. ISBN 84-7090-199-0
  • Celtas en Asturies. (Picu Urriellu, 1992). Alberto Álvarez Peña. ISBN 84-932070-4-7
  • Los celtas (títulu orixinal: Celtic). (Edimat). T. W. Rolleson (traducción: María José Llorens Camp). ISBN 84-8403-481-X
  • Los celtas y la civilización céltica.. (Akal, 1988). Henri Hubert (traducción: Eduardo Ripoll Perelló y Luis Pericot García). ISBN 84-7600-286-6