G. W. Bailey

G. W. Bailey
Vida
Nacimientu	Port Arthur (es) , 27 d'agostu de 1944 (79 años)
Nacionalidá	Estaos Xuníos
Llingua materna	inglés
Estudios
Estudios	Texas Tech University (en) ; Lamar University (en) ; Universidad Estatal de Texas (es) ; Memorial High School (en)
Llingües falaes	inglés
Oficiu	actor, actor de teatru, actor de televisión, actor de cine
IMDb	nm0047265

G. W. Bailey (27 d'agostu de 1944, Port Arthur ^(es) ) ye un actor, actor de teatru, actor de televisión y actor de cine d'Estaos Xuníos. Anque apaeció en munchos papeles dramáticos, la so fama procede principalmente de la so carauterización de personaxes risibles tales como'l Capitán Thaddeus Harris de Police Academy (1984-1994) o'l sarxentu Luther Rizzo na serie de televisión M*A*S*H (1972-1983). Dende 2005 hasta 2012 participó na serie policiaca The Closer, interpretando al Inspector Provenza. Anguaño ta trabayando na serie Major Crimes, na cadena estauxunidense TNT. Bailey tien un aspeutu físicu bien distintivu y, siendo canoxu dende los 30 años d'edá, caltuvo prácticamente'l mesmu aspeutu dende los años 70, representando papeles de persones más mayores de lo qu'él yera na mayoría de los sos papeles de los años 80.

Biografía[editar | editar la fonte]

Estudió nel Institutu Thomas Jefferson, en Port Arthur, con Janis Joplin. Empezó los sos estudios universitarios na Universidá de Lamar, nel vecín Beaumont, Texas, y más tarde treslladóse a la Universidá Texas Tech, en Lubbock. Dexó la universidá y mientres mediaos de los años 60 trabayó en compañíes de teatru locales, enantes de camudase a California nos años 70. Ende llevó a cabu dalgunos papeles en programes de televisión de la dómina, tales como Starsky y Hutch o Charlie's Angels.

Debutó nel cine en 1979, con un papel en A Force of One, una de les primeres películes de Chuck Norris. Depués consiguió'l papel que-y daría la fama col personaxe de Rizzo en M*A*S*H.

Volvió a la universidá en 1993 na Universidá de San Marcos, Texas. Graduóse en Belles Artes en mayu de 1994, concretamente en teatru. Mientres l'añu escolar 1999-2000 foi l'Artista Residente.

Dende 2001 Bailey trabayó como Direutor Executivu de la Fundación Sunshine Kids, que trabaya pa facilitar viaxes y otres actividaes a cientos de pacientes de cáncer. Foi voluntariu dende hai más de quince años, en conociendo la fundación por cuenta de la so afiada, que careció de leucemia.

Filmografía selecta[editar | editar la fonte]

A Force of One (1979)
M*A*S*H (serie de televisión) (1979 - 1983)
Murder in Texas (1981) (TV)
A corazón abierto (1982 - 1983)
Police Academy (1984)
Runaway, Brigada Especial (1984)
Rustlers' Rhapsody (1985)
Cortucircuitu (1986)
Mannequin (1987)
La Lladrona (1987)
Police Academy 4 (1987)
Police Academy 5 (1988)
Police Academy 6 (1989)
Dead Before Dawn (serie de televisión) (1993)
Police Academy 7 (1994)
Scorcher (2002)
Home on the Range (2004) (voz)
The Closer (serie de televisión) (2005 - 2012)
Cake: A Wedding Story (2007)
Major Crimes (serie de televisión) (2012 - presente)

Referencies[editar | editar la fonte]

↑ Afirmao en: filmportal.de. Identificador Filmportal: 61c9beab799f48bab9293a4f88348c7f. Apaez como: G.W. Bailey. Data de consulta: 9 ochobre 2017.
↑ URL de la referencia: https://plus.si.cobiss.net/opac7/conor/39208035.

Enllaces esternos[editar | editar la fonte]

[f61e8ecab3f58855c01b8d19a448891cfe4c1ff2-1] Afirmao en: filmportal.de. Identificador Filmportal: 61c9beab799f48bab9293a4f88348c7f. Apaez como: G.W. Bailey. Data de consulta: 9 ochobre 2017.

[e88abe0f9202eba2644fd30b5b6d311fffc00dd3-2] URL de la referencia: https://plus.si.cobiss.net/opac7/conor/39208035.

[1]

[2]