Fueru de Lleón

De Wikipedia
(Redirixío dende Fueru de Llión)
Infotaula documentFueru de Lleón
Tipu fueru
Estáu Reinu de Lleón
Cambiar los datos en Wikidata

El fueru de Lleón ye'l primer fueru dau na Península Ibérica, la so datación foi siempres problemática, pero anguaño caltiénse que se promulgó un 30 de xunetu de 1017.[ensin referencies]

La datación[editar | editar la fonte]

Hasta escomienzos del sieglu XX considerábase 1020 como la data de creación darréu que Claudio Sánchez Albornoz lu estudia y deduz que la data correuta ye la del 1020, asina que Ramón Menéndez Pidal será quien caltenga que ye anterior y que l'añu de redaición ye 1017, y en 1992 Gonzalo Martínez Díaz concluirá que'l fueru se promulga un 30 de xunetu de 1017, basándose na copia de Braga anterior a la d'Uviéu, emplegada por Sánchez Albornoz.

Difusión[editar | editar la fonte]

Amás de les copies de Braga y Uviéu queda presencia d'esti fueru yá que munches de les sos disposiciones fueron copiaes nos fueros lleoneses posteriores como los de Rabanal del Camín, Villafranca del Bierzu o Puebla de Senabria.

Asina mesmo, el fueru de Benavente ye una copia del de Lleón y al empar aquelli foi la base de las fueros de les villas cantábriques y asturianes.

Conteníu[editar | editar la fonte]

  1. Abelluga a texedores, toneleros y siervos.
  2. Fomenta'l desendolcu de la ciudá con indulxencies por delles faltes, como a los homicidas de fuxire+ de la xusticia si tienen familia na urbe.
  3. Esímese a los habitantes del pagu de las fonsadera o de la mañería.
  4. Fixa les llendes de l'actual comarca del Alfoz, y llígala a les decisiones de la ciudá en llexislación, guerra ya impuestos, malque esímelos del portalgu na entrada.

Regula la vida interna de la ciudá, entama la paz del mercáu, y la creación d'un conceyu embrionariu, anque esti primixeniu conceyu ta mui discutíu por quien caltién que nun tenía calter políticu sinón xudicial y quien sí, según estos Lleón sería la primer urbe medieval europea. Esta opinión postrera será la que prevaleza ente los historiadores darréu qu'apaecerán figures propies únicamente del conceyu políticu como'l merín o el sayón.

Reconocencia[editar | editar la fonte]

Nun sería sinón dica'l sieglu XVI qu'emprincipie l'interés pola importancia d'esti testu llegal na historia europea, son los primeros historiadores renacentistas los qu'entamen el so estudiu. Y, nos sieglos posteriores, los eruditos hispánicos emplegarán la copia del Liber Testamentorun uvieín pa les crítiques del testu.

Por embargu, quiciabes porque hasta'l sieglu XX nun se concedió a Portugal el papel que-y correspondía na historia lleonesa, en 1922 Claudio Sánchez Albornoz atopó nel Archivu Distrital de Braga una copia anterior que sería la que tornaría a sacar a la lluz la importancia d'esti testu. Anguaño consideráu por deles cátedres la primera representación de los drechos fundamentales de los ciudadanos na historia europea.


Referencies[editar | editar la fonte]

Enllaces esternos[editar | editar la fonte]