Fuercies Armaes d'España

De Uiquipedia
Saltar a: navegación, buscar
Fuerzas Armadas de España
Emblem of the Spanish Armed Forces.svg
Cuerpos Emblem of the Spanish Army.svg Exércitu de Tierra

Emblem of the Spanish Navy.svg Armada
Emblem of the Spanish Air Force.svg Exércitu del Aire
Emblem of the Spanish Royal Guard.svg Guardia Real
Coat of Arms of the UME.svg Unidá Militar d'Emerxencies

Mandos
Comandante xefe Xuan Carlos I
Ministro de Defensa Pedro Morenés
Xefe del Estáu Mayor de la Defensa Fernando García Sánchez
Edá militar 18 años
Personal activo 177.000 (2010)[1][2]
Gastos
Presupuestu 8.817.147.570 € (2010)[3]
 % PIB 0,84 %[3]

Les Fuercies Armaes d'España (FFAA o FAS) son una organización de calter oficial encargada de la defensa nacional d'España. El mandu supremu correspuende al rei d'España, Xuan Carlos I, según l'artículu 62 de la Constitución. Les Fuercies Armaes son miembros activos de la OTAN, del Eurocuerpo y de los Grupos de combate de la Unión Europea.

Actualidad[editar | editar la fonte]

España nestos momentos tien delles misiones actives nel estranxeru: n'El Líbanu con 1.070 efectivos, en Bosnia y Hercegovina con 250 efectivos y n'Afghanistán con 1290 efectivos. N'avientu de 2006, el Gobiernu d'España alcordó caltener en 7.000 el númberu máximu de soldaos esplegaos.

Les Fuercies Armaes Españoles cuntaben a empiezos de 2010 con un númberu averáu de 135.000 militares n'activu (47.500 militares de carrera, 1.500 de complementu y en redol a 86.000 soldaos de tropa y marinería), según 10.000 reservistas voluntarios.[1][2]

España pertenez a la OTAN dende 1982 y ratificólo en referéndum en 1986. Les condiciones fueron l'amenorgamientu de bases aereu y militares norteamericanes allugaes n'España dende 1953, añu en que se roblaren los primeros alcuerdos con EEXX dende la Segunda Guerra Mundial, y la non integración nel aparatu militar de l'Alianza Atlántica. Dambes siguen ensin cumplise. Dende la llegada de la democracia, el contactu directu con naciones democrátiques, la progresiva introducción d'España nos asuntos internacionales, la profesionalización del Exércitu de Tierra, la Armada y el Exércitu del Aire, xuntu col esfuerciu económicu realizáu, fixeron que les fuercies armaes españoles ameyoraren considerablemente.

Misiones nel estranxeru[editar | editar la fonte]

Les Fuercies Armaes Españoles tienen unos 2.600 soldaos esplegaos nes cuatro misiones de paz actives qu'hai nel estranxeru:

Esplegue español como parte de la ISAF en Afghanistán

Les Fuercies Armaes Españoles, tamién participaron nos últimos años n'otres misiones, sobremanera humanitaries y d'observación: en Albania en 1999, Mozambique, en marzu de 2000, República de Macedonia en 2001; Haití en 2004, ya Indonesia, en 2005. En 2006, España participó en Darfur (Sudán) cola unviada d'observadores y en República Democrática d'El Congo.

Presupuestos[editar | editar la fonte]

Fuercies Armaes Españoles
Esti artículu forma parte de la serie
Fuercies Armaes Españoles
Cañes

Exércitu de Tierra d'España
Exércitu del Aire d'España
Armada Española
Unidá Militar d'Emerxencies
Guardia Real
Guardia Civil

Historia

Guerres Italianes
Guerra de los Trenta Años
Guerra de Flandes
Guerra de Sucesión Española
Guerra de los Siete Años
Guerres Napoleóniques
Guerra de la Independencia Española
Guerra de Melilla
Guerra del Rif
Guerra Civil Española
Guerra de Ifni
Guerra de Irak
Guerra d'Afganistán

Material Actual

Exércitu de Tierra
Exércitu del Aire
Marina Española

Otros

Escalafón militar d'España
Condecoraciones d'España
Reservistas Voluntarios d'España

Los presupuestos del Ministeriu de Defensa pal añu 2008 xubieron a 8.494.107.080 €, con una medría del 5,63% respectu l'añu 2007. Eso supon el dineru apurríu directamente al Ministeriu, al cual hai que suma-y el dineru apurríu a organismos adscritos al mesmu, según les tresferencies ente subsectores (del mesmu o d'otros ministerios), pa un total de 9.729.305.240 €.[5]

Nel añu 2009 el presupuestu xubió a 8.255.772.260 €, con un total consolidáu tres trespasos y dineru apurríu a otros organismos de 9.394.313.070 €.[5] Siguiendo la llinia descendente, la previsión pa 2010 ye de 7.694.862.260 € pal Ministeriu, con un total consolidáu final de 8.817.147.570 €, un amenorgamientu del 6,14% respectu al 2009.[3]

Condiciones d'ingresu nes Fuercies Armaes[editar | editar la fonte]

  • Tener la nacionalidá española (déxase l'accesu d'estranxeros de Guinea Ecuatorial y Hispanoamérica)
  • Nun tar quitáu de los derechos
  • Nun tar procesáu
  • Acreditar bona conducta ciudadana
  • Edá ente 18 y 29 años cumplíos dientro del añu de la convocatoria
  • Nun ser oxetor de conciencia
  • Pa los qu'aspiren a la Escala Cimera d'Oficiales tar en posesión o en condiciones de llograr, antes de la fecha d'entamu de la primer prueba, el documentu acreditativu de superar les pruebes d'accesu a les Facultaes, Escueles Técniques Cimeres y Escueles Universitaries (Selectividá), ye dicir (COU+Selectividá)
  • Pa los qu'aspiren a les Escales Medies de Suboficiales, tar en posesión o en condiciones de llograr, antes de la fecha d'entamu de la primer prueba, el documentu acreditativu de superar les pruebes del Cursu d'Orientación Universitaria (COU ó 2º de Bachilleratu).

Estructura de mandu[editar | editar la fonte]

El mandu supremu de les Fuercies Armar osténtalo el Rei d'España como Capitán Xeneral, magar el mandu operativu recai'l Xefe del Estáu Mayor de la Defensa (JEMAD) que dirixe'l Estáu Mayor de la Defensa, y qu'ostenta empléu de Xeneral d'Exércitu, Xeneral del Aire o Almirante Xeneral, dependiendo del exércitu al que perteneza. El restu de la cúpula militar ta formada por Xefe del Estáu Mayor del Exércitu de Tierra (JEME), Xefe del Estáu Mayor del Exércitu del Aire (JEMA) y el Xefe del Estáu Mayor de l'Armada (AJEMA), que dirixen, de la mesma, caúna de les armes del Exércitu español. El nomamientu de toos ellos failo'l Presidente del Gobiernu a propuesta del Ministru de Defensa, qu'anguaño (2010) ye Carme Chacón (PSOE). Los trés exércitos dependen del Ministeriu de Defensa.

Referencies[editar | editar la fonte]

  1. 1.0 1.1 «Estadística de personal militar de complemento, militar profesional de tropa y marinería y reservista voluntario, 2008.».
  2. 2.0 2.1 «Estadística de personal militar de carrera de las Fuerzas Armadas y de la Guardia Civil, 2008.».
  3. 3.0 3.1 3.2 «Presupuestos del Ministeriu de Defensa pal añu 2010.».
  4. Acope.es «Chacón destaca'l llabor de les tropes español en toma de posesión del xeneral Asarta n'El Líbanu» Consultáu'l 9 de febreru de 2010
  5. 5.0 5.1 .