Fruela I

De Wikipedia
(Redirixío dende Fruela I d'Asturies)
Fruela I
monarca del reinu d'Asturies

757 - 768
Alfonso I - Aurelio
Vida
Nacimientu Principáu d'Asturies722[1]
Nacionalidá Reinu d'Asturies
Muerte Cangues d'Onís14 de xineru de 768 (45/46 años)
Sepultura Catedral d'Uviéu
Familia
Padre Alfonso I
Madre Ermesinda de Asturias
Casáu con Munia d'Álava
Fíos/es
Hermanos/es
Pueblu dinastía Astur-lleonesa
Oficiu guerreru
Creencies
Relixón catolicismu
Cambiar los datos en Wikidata

Fruela I, el Cruel (722 - 768 Cangues d'Onís), rei d'Asturies. Ye'l primer "rex" hasta entós se denomaben "princeps". El títulu de "rex" entama a aplicase nesta dómina nun documentu de 759.

El so reináu presenta aspeutos de gran interés tanto pola proyeición esterna del Reinu d'Asturies como pol desendolque internu del reinu. Con problemes qu'evidencien una crisis de madurez del nucleu. Cangues choca col independentismu de les ales occidental y oriental del nucleu.

El Problema independentista[editar | editar la fonte]

Nel reináu de Fruela fai actu de presencia dalgo que va ser un constante nel Reinu d'Asturies: los movimientos independentistes. Na so dómina, Fruela, tuvo que lluchar escontra les rebeliones de los vascones y los nobles gallegos nel añu 766.

Términu "Vascón"[editar | editar la fonte]

El terminu "vascón" nesta dómina y qu'apaez nes cróniques hai que ver el sentíu que tien: Ye un términu xenéricu que s'aplica polos cronistes a los pueblos que viven al este, dientro los cualos hai grupos diversos con dixebraos niveles de desenrollu cultural. Les cróniques paez que se refieren a los habitantes d'Álava y Vizcaya.

Polémica historiográfica[editar | editar la fonte]

Discútese sobro si yá taben conquistaos o non estos pueblos y el calter de les rebeliones. Besga Marroquín opina que yá taben incorporaos al Reinu y por eso se rebelen. Otros que seríen actividaes de resistencia a la conquista asturiana. Ye difícil saber lo que pasó. Nun ta claro lo que dicen les cróniques pero dan a entender qu'estos pueblos yá taben conquistaos.

Sometimientu[editar | editar la fonte]

Sometimientu del Norte de Galicia fasta'l Ríu Miño. Aliances cola aristocracia y los poderes llocales. A los vascones sométese-yos por llazos más o menso sólidos a l'autoridá de la monarquía con alliances por via familiar y Fruela cásase con Munia.

Revuelta palatina[editar | editar la fonte]

Dícenmos les cróniques que Fruela tevo que facer frente a una revuelta palationa na que intervién el so hermanu Vimaranu al que dio muerte. Estes lluches revelen que'l poder de los reis nun taba del too consolidáu.

Reformes[editar | editar la fonte]

Fizo reformes nel cleru, prohibiéndo-yos casase y obligándo-yos a dexar les muyeres a los que tuvieren.

Fundaciones rexies[editar | editar la fonte]

N'Uviéu llevantó una construcción eclesiástica que sería'l precedente de la Ilesia de San Salvador. De magar esta construcción creárase un nucleu pre urbanu de lo que sería la Regia Sedes. Fruela ta enterráu xunto cola so muyer, l'alavesa Munia n'Uviéu.

Fin del reináu de Fruela[editar | editar la fonte]

Morrió víctima d'una conxura palatina. La nobleza retiro-y l'enfotu y matólu en Cangues. Dexaba a un fíu: Alfonsu qu'años más tarde sería Alfonsu II que nun lu sucede como rei. Apártenlu del tronu pola so corta edá y por decisión de la faición aristocrática que dio muerte a so pa. Aureliu resultó l'elexíu. Aureliu ye fíu de Fruela (primu de Fruela I), esti Fruela ye l'hermanu d'Alfonsu I(pá de Fruela I).


Reinu d'Asturies (718-925)
Predecesor:
Alfonsu I
Rei d'Asturies
757 - 768
Socesor:
Aureliu


Ver tamién[editar | editar la fonte]

Referencies[editar | editar la fonte]

  1. Afirmao en: Gemeinsame Normdatei. Identificador GND: 1017516308. Data de consulta: 17 ochobre 2015. Llingua de la obra o nome: alemán. Autor: Biblioteca Nacional d'Alemaña.
  2. Afirmao en: The Peerage. Llingua de la obra o nome: inglés. Autor: Darryl Lundy.

Enllaces esternos[editar | editar la fonte]