Frangüesu
| Frangüesu | |
|---|---|
 Gypaetus barbatus |
|
| Estáu de conservación | |
 Preocupación menor (IUCN) |
|
| Clasificación científica | |
| Reinu: | Animalia |
| Filu: | Chordata |
| Clas: | Aves |
| Orde: | Accipitriformes |
| Familia: | Accipitridae |
| Subfamilia: | Aegypiinae |
| Xéneru: | Gypaetus |
| Especie: | G. barbatus |
| Nome binomial | |
| Gypaetus barbatus Linnaeus, 1758 |
|
| Distribución | |
 |
|
El frangüesu, frangüexu nel Cabu Peñes, o tamién lligüerda en Cabrales, ye un ave osteófaga, xinta güesos que dexa cayer sobre piedres mientres esnala pa francelos, d'ehí el so nome.
Nos años 60 el frangüesu desaniciose n'Asturies. Esto fizo que dende entós muncha xente lu confunda con la zapiquera, ave de la familia de les utres, pero más pequeña.
El frangüesu esnalaba nos Urrieles a la gueta de güesos d'oveyes, cabres y robezos. Pero por mor de la so caza y el usu de carne envelenada para'l control de llobos y raposos, esta perguapa ave desapareció de la nuesa tierra.
Anguaño, dellos exemplares mozos o inmaduros nacíos nos Pirineos esnalen pel Parque Nacional de los Picos d'Europa. Éstos y otros que pudieren venir dempués son l'oxetivu d'un proyeutu de recobramientu del frangüesu nel Parque Nacional que desendolca la Fundación pal Caltenimientu del Frangüesu.
[editar] Midides
- Llargor: 105-125 cm
- Envergadura: 235-275 cm
-
Gypaetus barbatus aureus
-
Gypaetus barbatus hemachalanus
[editar] Enllaces
