Festival de la Canción d'Eurovisión

De Uiquipedia
Saltar a: navegación, buscar
Gtk-find-and-replace.svg
Esti artículu necesita una revisión por un correutor qu'ha d'ameyorar la so ortografía, la so gramática, la so sintaxis o'l so vocabulariu. Tamién, iguar les referencies o semeyes o con enllaces francíos.
(ver la llista completa d'artículos pa correxir)
Festival de Eurovisión

N'activu dende 1956, el Festival de la Canción d'Eurovisión (n'inglés Eurovision Song Contest; en francés Concours Eurovision de la Chanson) (asemeyáu al desaparecíu Festival de la OTI en países llatinoamericanos) ye un festival de la canción televisáu, de carauter cadañeru y con participantes de numberosos países, toos ellos con televisiones (na so mayoría públiques) miembros de la Unión Europea de Radiodifusión. El país ganador ye escoyíu pol públicu televisivu unviando votos telefónicos y mensaxes de textu. El Festival tresmítese per televisión y radio en toda Europa. Dende los 80 el Festival emitese n'Australia (onde ye especialmente siguíu), y a munches otres partes del mundu, non namás per televisiones llocales sinón tamién pela emisión de los canales internacionales de les cadenes europees. N'Internet pue vese dende'l 2000.

El nome del concursu vien de la Red de Distribución de Televisión de Eurovisión, que controla la Unión Europea de Radiodifusión (UER) y pue algamar audiencies potenciales de más de mil millones de persones. Cualesquier miembru de la UER pue participar nel Festival, incluyendo les televisiones públiques de dalgunos países africanos y asiáticos, concretamente les de Arxelia, Exiptu, Israel, Xordania, El Líbanu, Libia, Marruecos, Turquía y Tunicia. D'estos países non europeos, sólo Turquía y Israel participen nel Festival. Marruecos namás partipó n'Eurovisión en 1980. Tunicia tamién amosó interés en participar na metá de los 70, en tantu que Líbanu, país que llegó a tener escoyío cantar que lu representaría, retiróse. La República Checa y Xeorxa debutaren nel 2007. Azerbaiján fizo'l so debut en 2008 y la televisión pública de Palestina, en collaboración con un grupu danés, aniciaren informalmente les xestiones pa ingresar a la UER como miembru activu de la organización y asina poder participar nel Festival. Esti concursu y la UER son independientes de la Xunión Europea.

Oríxenes[editar | editar la fonte]

Nos años 50, con una Europa de posguerra faciendo por reconstruyise, la Unión Europea de Radiodifusión (UER) con base en Suiza punxo en marcha la idea d'un festival de la canción internacional onde tolos países pudieren participar nun programa de televisión, que diba ser tresmitíu simultáneamente en tolos países de la unión. Esto foi propuesto nuna reunión en Mónaco en 1955 por Marcel Bezençon, un trabayador francés de la UER.[1] El mou de competición basóse nel Festival de la Canción de San Remo que se realiza n'Italia,[2] y foi vistu como un experimentu teunolóxicu pala televisión en vivu: n'esos díes, yera un proyeutu mui ambiciosu pa que toos los países tuvieren una tresmisión internacional. La Televisión per satélite nun esistía, polo que la Unión Europea de Radiodifusión tenía d'utilizar la tresmisión per microondes.[3] El nome "Eurovision" foi primeramente usáu pa referise a la UER pol periodista británicu George Campey nel Evening Standard en 1951.[4]

La primer presentación asocedió na ciudá de Lugano, Suiza, el día 24 de mayu de 1956. Siete países participaren presentando dos cantares caún, ello ye 14. Esta foi la única edición onde un país podía interpretar más d'un cantar: dende 1957 toles competiciones permitieren namás un cantar por país.[5] La competición de 1956 ganóla'l país anfitrión, Suiza.

El programa conocióse primero como'l "Eurovision Grand Prix". El nome de "Grand Prix" ficiérenlu suyu los países francófonos, asina como por Dinamarca y Noruega, onde la competición pasó a ser conocida como "Le Grand-Prix Eurovision de la Chanson Européenne".[6] Les palabres "Grand Prix" dexaren d'usase dende entós y cambiárense por "Concours" (competición). La Unión Europea de Radiodifusión úsase tamién pa tresmitir noticies y programes de deportes internacionalmente, asina como otros eventos especiales.[7] Ensin embargu, el Festival de la Canción tuvo muncha más relevancia qu'estos programes, y col tiempu convirtiose en sinónimu col nombre d'"Eurovisión".

Formatu[editar | editar la fonte]

La sueca Loreen ganó pa Suecia n'el añu 2012 con el éxitu Euphoria

El formatu de les presentaciones sufrió varios cambios a lo llargo de los años, anque los principios básicos foren siempre los mesmos: los países participantes presenten les sos canciones, que son realizaes en vivo nun programa de televisión que ye tresmitíu a lo llargo de la Unión Europea de Radiodifusión (UER) simultáneamente en tolos países. El país anfitrión ye representáu por un animador televisivu. Esti programa ye preparáu por un de los países participantes, y la tresmisión ye unviada dende'l auditorium de la ciudád onde se realiza l'eventu. Durante esti programa, dempués de que toles canciones sean interpretaes, los países proceden a votar les canciones de los demás países: nun tienen permitío votase a ellos mesmos. Al final del programa, el ganador ye declaráu como la canción con más puntos. El ganador recibe, simplemente, el prestixu de ganar anque ye consideráu como un trofeu a ganar pa cantautores y el país ganador ye invitáu a ser l'anfitrión de la próxima competición al añu siguiente.[5]

El programa ye siempre abiertu pol ganador del añu anterior quien suel representar la canción cola que ganó y posteriormente los presentadores dan la bienvenida a los telespectadores al espectáculu. Munchos de los países anfitriones dicen aprovechar la gran audiencia internacional que tienen estos programes pa mostrar escenes de la so nación como forma de promover el turismu. Ente les canciones y l'anunciu de la votación realízase un intervalu, que pue ser cualesquier forma imaxinable d'entretenimientu. Los intervalos d'entretenimientu incluiyeren yá actos como los de The Wombles (1974)[8] y la primera presentación internacional de Riverdance (1994).[9]

La música de cortina que s'escucha enantes y dempués de les tresmisiones del Festival de la Canción d'Eurovisión ye preludiu Te Deum de Marc-Antoine Charpentier.[1]

La final del Festival de la Canción de Eurovisión ye tradicionalmente llevada a cabo un sábadu primaveral pola nueche, a les 19:00 (UTC). Polo xeneral ye elixíu un sábadu de mayu, anque hubo competiciones realizaes más tempranamente como marzu. Dende 2004, debío al creciente númberu de países que deciden participar, una ronda clasificatoria conocida como la semifinal llévase a cabo un xueves enantes de la final (en 2004, foi realizada'l miércoles anterior a la final.

Por Eurovision pasaron cantantes muy conocíos, como ABBA, Julio Iglesias, Céline Dion, Françoise Hardy, Nana Mouskouri, Cliff Richard, Dulce Pontes, Sergio Dalma, Raphael, Sandie Shaw, The Shadows, Paloma San Basilio, Umberto Tozzi, Domenico Modugno, Franco Batiatto y más recientemente, Pastora Soler, Noa, Bonnie Tyler, Andrew Lloyd Webber, Kate Ryan o Cascada.

Güei[editar | editar la fonte]

Güei, n'el festival tomen parte unos 40 países, llevándose a cabu dos semifinales y una final. Más de 200 millones de persones ven el concursu toos los años, con un gran ecu mediáticu especialmente en los países nórdicos, España, los Balcanes, Europa del Este y Alemania. Dende fai unos años tien mucha importancia el fenómenu Eurofan, la xente seguidora del festival durante el añu, que reúnese n'el día del concursu en les sos cases o chigres de toa Europa pa velu.

Curiosidaes[editar | editar la fonte]

Hasta güei, varios asturianos fueron a Eurovisión: Massiel con pa y ma asturiana (1968), Yolanda Hoyos (dientro del grupu Bravo en 1984), Jennifer Serrano (per Andorra 2006) y El Sueño de Morfeo (2013). La gallega Lucía Pérez (2011) vivió y estudió n'Uviéu. El videoclip del Sueño de Morfeo y el vídeu de presentación n'el día del festival fueron grabaos n'Asturies.

Referencies[editar | editar la fonte]

  1. 1.0 1.1 Patrick Jaquin (1 de diciembre de 2004). «Eurovision's Golden Jubilee». European Broadcasting Union. Consultáu'l 2006-07-15.
  2. «History of Eurovision». bbc.co.uk (2003). Consultáu'l 2006-07-20.
  3. George T. Waters (Winter 1994). «Eurovision: 40 years of network development, four decades of service to broadcasters». European Broadcasting Union. Consultáu'l 2006-07-15.
  4. David Fisher (28 de enero de 2006). «Media Statistics: 1951». Terra Media. Consultáu'l 2006-07-15.
  5. 5.0 5.1 «Historical Milestones». eurovision.tv (2005). Consultáu'l 2006-05-26.
  6. Franck Thomas & Laurent Balmer (1999). «Histoire 1956 à 1959». eurovision-fr.net. Consultáu'l 2006-07-17. En francés
  7. «The EBU Operations Department». European Broadcasting Union (14 June 2005). Consultáu'l 2006-07-20.
  8. «1974: Brighton, United Kingdom». eurovision.tv. Consultáu'l 2005-10-24.
  9. Clive Barnes. «Riverdance Ten Years on». RiverDance.com. Consultáu'l 2006-07-27.

Enllaces esternos[editar | editar la fonte]