Felipe VI d'España

De Uiquipedia
Saltar a: navegación, buscar
Felipe VI d'España

Felipe Xuan Pablu Alfonsu de Tolos Santos de Borbón y Grecia, en castellanu Felipe Juan Pablo Alfonso de Todos los Santos de Borbón y Grecia (Madrid, 30 de xineru de 1968), ye'l rei d'España.

Ye'l tercer fíu de los reis Xuan Carlos I y Sofía de Grecia, per detrás de les sos hermanes Elena de Borbón y Cristina de Borbón. Dempués de l'abdicación del so padre en 2014, y al ser l'únicu descendiente varón d'esi monarca, convirtióse en rei.

Recibiera formación militar na Academia Xeneral Militar de Zaragoza, la Escuela Naval Militar de Marín y l'Academia Xeneral del Aire de San Javier. Amás, cursó estudios de Derechu na Universidá Autónoma de Madrid y ye Máster en Rellaciones Internacionales de la Edmund Walsh School of Foreign Service de la Universidá de Georgetown).

Nos Xuegos Olímpicos de Barcelona en 1992 foi l'abanderáu de la seleición olímpica española, y algamó entós diploma olímpicu na estaya de vela.

En payares de 2003, asoleyó'l so compromisu matrimonial cola periodista asturiana Letizia Ortiz. El casoriu celebróse'l 22 de mayu de 2004 na catedral de Santa María la Real de la Almudena de Madrid. El 31 d'ochobre de 2005, ñació la so fía Leonor de Borbón, primera na llinia socesoria de la Corona española. El 29 d'abril de 2007, ñació la so fía segunda, Sofía de Borbón, segunda na llinia socesoria de la Corona española.

Enllaces esternos[editar | editar la fonte]


Predecesor:
Xuan Carlos I
Escudo Felipe VI de España.svg
Rei d'España

Dende 2014
Socesor:
Nel cargu


Predecesor:
Xuan Carlos de Borbón

(como Príncipe d'España)

CoA Principe de Asturias.svg
Príncipe d'Asturies

1977 - 2014
Socesor:
Leonor de Borbón y Ortiz