Federico Mayor Zaragoza

De Uiquipedia
Saltar a: navegación, buscar
Federico Mayor Zaragoza
Federico Mayor Zaragoza

Ministru d'Educación y Ciencia
1981 – 1982
Predecesor Juan Antonio Ortega
Socesor José María Maravall

Direutor Xeneral de la UNESCO
1987 – 1999
Predecesor Amadou Mahtar M'Bow
Socesor Koichirō Matsuura

Datos personales
Nacimientu 27-1-1934
Ocupación Políticu, Farmacéuticu, profesor
Alma máter Universidá Complutense de Madrid

Federico Mayor Zaragoza (Barcelona, 27 de xineru de 1934) ye un altu funcionariu internacional español. Foi Direutor Xeneral de la Unesco ente 1987 y 1999.

Biografía[editar | editar la fonte]

Mayor Zaragoza ye doctor en Farmacia pola Universidá Complutense de Madrid (1958). Empecipió la so carrera profesional nel mundu académicu, algamando'l puestu de Catedráticu de Bioquímica de la facultá de Farmacia de la Universidá de Granada en 1963, y de Rector de dicha Universidá ente 1968 y 1972. Esi mesmu añu llogró la Cátedra de Bioquímica de la Universidá Autónoma de Madrid, cargu qu'ocupó fasta 2004. Foi nomáu Vicepresidente del Conseyu Supremu d'Investigaciones Científiques (CSIC) en 1971 y darréu Presidente en Funciones (1972-1973). Cofundador en 1974 del Centru de Bioloxía Molecular "Severo Ochoa" (CBM), y direutor del mesmu fasta 1978.
Desempeñó cargos políticos: Subsecretariu d'Educación y Ciencia del gobiernu español 1974-1975, presidíu pol Xeneral Franco, diputáu nel Parllamentu d'España (1977-1978) por XCD, yá na transición política, conseyeru del presidente del gobiernu (1977-1978), ministru d'Educación y Ciencia (1981-1982) y diputáu nel Parllamentu Européu (1987).

En 1978 foi nomáu Direutor Xeneral Axuntu de la Unesco, puestu que desempeñó fasta'l so regresu a España en 1981.

En 1987, la 24ª Conferencia Xeneral de la UNESCO escoyólu como Direutor Xeneral, cargu nel que permaneció fasta 1999.

Dende l'añu 2000 preside la Fundación pa una Cultura de Paz. Ye Presidente del Conseyu Científicu de la Fundación Ramón Areces dende 1993. En 2005 foi designáu copresidente del Grupu d'Altu Nivel pa l'Alianza de Civilizaciones, pol el Secretariu Xeneral de les Naciones Xuníes. En xunu de 2008 foi nomáu Presidente del Conseyu Direutivu de l'Axencia de Noticies Inter Press Service (IPS). Anguaño, preside la Comisión Internacional contra la Pena de muerte, nomáu pol Gobiernu español n'ochobre de 2010. Ye miembru de múltiples organizaciones, academies y asociaciones nacionales ya internacionales, ente otres: Sociedá Española de Bioquímica (1964) de la que foi presidente (1970-1974), Asociación Americana pal Fomentu de la Ciencia (1965), Sociedá de Bioquímica del Reinu Xuníu (1966), Real Academia Nacional de Farmacia (1975), Club de Roma (1981), Real Academia de Belles Artes de San Fernando (1994), Academia China de Ciencies (1994), Academia Rusa de Ciencies (1999), Real Academia Nacional de Medicina (2002) y de l'Academia Europea de Ciencies y Artes.

Recibió condecoraciones y distinciones de distintos países y foi nomáu Doctor Honoris Causa por numberoses universidaes nacionales ya internacionales.

Nel 2007 foi premiáu cola reconocencia Madre Terra de los Premios ONES Mediterránia pola so trayeutoria na llucha pola igualdá, la xusticia social y mediu ambiental.

Nel Conseyu de Gobiernu de la Xunta d'Andalucía celebráu'l 19 de febreru de 2008 foi nomáu Fíu Predileutu de la comunidá. Recibe esta condecoración nun actu celebráu'l 28 de febreru del mesmu añu nel Teatru de la Maestranza de Sevilla, dientro de los actos del Día d'Andalucía.