Fastera del Navia-Eo

Fastera del Navia-Eo, Tierres del Eo-Navia o Tierra del Navia–Eo, Entrambasaguas, Honor de Suarón o antigu conceyu de Castripol, ye'l nome col que fueren conocíus hestóricamente los catorce conceyos del occidente asturianu afitados ente los ríos Eo y Navia que participaban baxo una única representación nel partiu de l'Episcopalía, (sestu de los siete partíos en que taba constituida la Xunta Xeneral del Principáu). Esta comarca afitada demientrés l'imperiu romanu nel Convento Lucense, debió de fincar nel Reinu d'Asturies lluego de la segregación del reino asturlleonés que tien llugar tres la muerte de Alfonso III, quedando desde entoncies suxeta al poder de los Obispos d'Uviéu, lluego de les donaciones que de so territoriu tienen llugar nel año 1154 pal Honor de Suarón y 1186 pal Honor de Grandas. Lluego de so emancipación de l'autoridá de los obispos participa na Xunta Xeneral del Principáu, na que representa el mayor centru de intereses del partíu de les episcopalíes.

La comarca, amás duna hestoria común, conseña tamién una comuña de intereses culturales, llíngüísticos y sociolóxicos que axeitan a la mesma una señardá nel sen del Principáu d'Asturies. En particular, ye d’encalcar la existencia duna lingua propia, el gallego-asturianu, d'orixen galaico-portugués y reconocía como tal llingua, na Lley 1/1998, de 23 de marzu, Llei 1/1998, de 23 de marzu, dʼUsu y Promoción del Asturianu, del Principáu dʼAsturies.

Conceyos que integraban la comarca histórica del Navia-Eo

La composíción de los conceyos de la comarca inda que ye n'esencia la mesma desde la redención de los obispos, ven variando a lo llonxe de los años pela segregación ya agrupación de munchos dellos, güey la siguiente:

Orixe de la dixebra

La pola de Castropol na ría del Eu, capital hestórica de la Fastera del Navia-Eo

Demientres la época prerromana y romana, la Fastera del Navia-Eo taba aseñorada por les tribus más nororientales de los pueblos galaicos llucenses, dellos Egobarros, Cibarcos y Albiones. Más tres la dixebra del Asturorum Regnum lluegu de la muerte de Alfonso III d'Asturies, la comarca queda fiyada fasta güey nel Reinu de Asturies. Puédense citar numberosos testos medievales enantes inda a la donación de 1154 que afitan estes tierres en territoriu asturianu, agüeyese:

• Tumbo del Monasterio de Sobrado de los Monjes año 985, f. 19r- 19v:

… item concedo ad ipsum locum et ad ipsos sanctos pro remedio anime mee. uilla que uocitant Sautello. Eube. deiiecente montibus. Lua. inter Asturias diuident et Galletia… (tamién concedo el mismu llugar ya los mismos santos arremediu de la mía alma la villa que dicen Sotelo, na llinde del ríu Eo onde xébrase Galicia ya Asturies

• Testamentum Sancte Marie de Taule quod fecit comes Fafila Spassanidz ovetensi ecclesie, año 1006.

- "… de monasterio quod est fundatum in Asturiis in villa nomine Taule, inter duo flumina purzia et ove", monesteriu afitado na parroquía de Tol (Castropol).

• Comissum de Kartavio quod fecit Ramimirus rex, año 978:

-"Sancte Marie semper virginis... in cuius honore ist monasterium in Asturias", fala del Monasteriu de Cartavio, (Cuaña), dedicau a la Virxe María n'Asturies.

Pa caltener, el axuntamentu del so territoriu al reinu asturianu ye esencial el pergaminu de la Catedral de Mondoñedo, datáu nel añu 867, (Tumbo Mondoñedo, p. 35-36, f. 196r) esti documentu xustifica la donación pol rei Alfonso II d'Asturies a la dióceses de Mondoñedo de diversos llugares nas Rías Altes gallegues que nún taran enantes na dióceses de Britonia, col propósitu de compensar los tomáos de antigu por la Diocéses de Uviéu como resultáu de la 'saracenorum persecutionem'. Ye de señalar nel texto indicau:

'Quapropter concedimus tibi et sucessoribus tuis diocesim illam quae vocatur Trasancos, et Besancos, et Prucios, cum omnibus terminis suis procedentibus usque ad aquam iunqueras. Insuper adminis tibi illas ecclesias de Salagia per aquam de discessu usque ad montem qui vocatur Neni; et haec supradicta tibi confirmamus propter diocesim de Asturias, quam ovetensi sedi praebuimus; et deinceps de nostro iure et dominu omnium hominum radimus ut habeas tu et succesores tui in integrum. Y damos a Mondoñedu ya sús Iglesias de Sogalia por onde escorre el agua fasta el monti Neni, ya esto antedichu dámoslo en compensación dello de llargu arrecibíu de la Dióceses de Uviéu en Asturies y de aca en adelantre tómese esto por apartau de nuesu derechu y de nuesu dominiu de todos los homes pa que tu y los tus sucesores poséanlo de llén.

Florez al comentar esti pasaxe siñala como la dióceses d'Uviéu atomó la de Britonia y axuntola a la nueva dióceses, (ye de ter presente que la dióceses de Uviéu escarecía de antecedentes con anterioridá a la invasión musulmana), más lluegu de resurdida la dióceses de Mondoñeu declarada erdera daquella, el Rei compensa la perda de más de la mitá de so territoriu pola entrega en compensación nel so territoriu diocesanu de Transancos, Besancos e Pruncios que atoma en compensación dello que enantes tenía Mondoñedo en Asturies.

Idá Media

Señoríos xurisdicionales de los obispos d'Uviéu na Idá Media

Dacuando la Alta Edá Media el territoriu ta xebráu en diverses mandaciones, na que atoma importancia a mayores los monesterios e institutos eclesiásticos, asína los monesterios de San Martín de Mántaras, San Salvador de Tol, Santa María de Cartavio, Santa María de Miudes y el de Villanueva de Oscos. Arribada a Baxa Edá Media, estos institutos tan de cangayu, y ye asina, como el poder episcopal tentara axuntar torno a se a los institutos eclesiásticos, muncho esparcios desdi antigu na comarca. Los obispos ovetenses inda denantes del sieglu XII entaman a organizar les bases del poder político fondamiente dixebraú nel ocidente asturianu damecío de la enancia de sos posesiones na mandación cartaviense y nel monesteriu de Tol. Escontra, destos intereses nún soldaránse sinon fasta el afiyamientu del centru de puer de la comarca, el castrillo de Suarón. Asina, per un acuerdu arregláu el 2 de Xineru de 1154, nas Cortes celebradas en Salamanca pol rei Alfonso VII, caltiense les cesiones que viniera facéndose polos monarcas al obispo de Uviéu, al facerse donación a Martino II y so Iglesia, ente otros bienes, del castrillo de Suarón (...de illo castello de Sueirum quod est intre (sic) fluuium de Oue et fluuium de Nauia...) con tos sos términos, sos regalies y xurisdiciones.

Diz Sandoval:

-«A dos de Enero, Era 1192, estava el Emperador en Salamanca con su muger doña Rica y con sus hijos don Sancho y don Fernando; tratavan un pleyto muy reñido, los Obispos de Oviedo y de Lugo sobre las jurisdiciones de sus Obispados; y el Emperador, los concordó imponiendo la causa á gusto de las partes: aviendo primero tomado consejo con el Arçobispo de Toledo y otros Cavalleros y Prelados, como parece por la carta de concordia, hecha en este año á catorze de Enero; y porque el Obispo de Oviedo se agraviava algo del concierto del Emperador, le dió en satisfación el castillo de Siera».

La carta de la pola de Castripol ya el Fueru de Benavente

Entama la autoridá del Obispo na vida del conceyu cola fundación de la Pola de Castropol. Asina col areyu d'arrendrar a los vecinos restorcíos torno a la Pola de Revoredo, los obispos erguirán una nueva pola, Castropol, dotándola del Fueru de Benavente y dando muncho provechu pa los vecinos que se afiten nella per aciu de los repartimientos que siguen a la so criación. Esta formalízase pela Carta de fundación dada pelo obispu de Uviéu, Fernando Alfonso, a los moradores de la Tierra de Ribadeo el 19 de Xineru de 1299. Ye, sin embargu, el documentu fechu nel 21 de setiembre de 1300, el que ye decisivu pa la vida del Conceyu. De los 18 apartaos que nel se algüentren, afítase nellos detalladamiente lo que correspuende al pagu de la martiniega, reservas de dominios y aprovechamientos del obispo, nomar de xusticias y ediles del conceyu, reconocimientu de vasallaje, amparu de les coses del obispu y de la Ilesia de Uviéu, facendera de homenaxe, drechu de alloxamiento y xintar, dando al obispo la Ilesia de la pola y el sellu del conceyu. A la criación de la nueva pola sigue el arrepartimientu en «quadriellas», forma de polar sui generis que se algüentra lligada al mou de sociedá afiyada al fueru de Benavente. El repartu facelu un muérganu de homes buenos que cumpliran con lo mandáu pelo obispo de afitar na pola y rexir nella en todes sos coses.

División en Partidos

El arrepartimientu del conceyu fácese en partíos que xébranse en parroquies. Maguer los arrestos del obispo de arreforciar la autoridá de la villa nel detrimentu del señoríu del conceyu, tal emponderancia, nun tará escaecida pelo desendolcu per los partíus de so propia organizaceón. Los partíos caltendrán tamién asina so propio términu.

Nas eleciones a los cargos del conceyu amósase de maneres diverses estos partíos, siendo davezu los seguientes:

• Castripol colas ilesias de Piñera, Moldes, Seares, Presno y San Martín de Oscos.
• El partido de Barres o Veigas de Bria que caltién la parroquía de Barres allende la localidá de As Figueras fasta el Porcía. Xuntábase neste partíu tamién el de Abres.
• El partíu de la Vega de Ribadeo con Taramunde ya Ouria de Bres, que caltenía munchu tamién del conceyu da Veiga ya tamién del deTaramunde.
• El partíu de Ruifrio y Cartavio que caltién lo que güey ye el conceyu de Cuaña.
• El partíu de les Riberas de Arjuda o Riberas de Armal que caltién Bual ya Eilao.
• El partíu de Valdemiudes que algüentra el que güey ye conceyu de El Franco.

El númberu de partíus cambiaba según la representación remitida per ende la pola, caltenida la enorme estensión del conceyu y el carálter de les cuestiones que yeran tratades, mas dacuando facíase a nomar xueces ordinarios yeran siempre cuatru que axuntábanse na forma que sigue:

• Un xuez per Castropol ya ilesias axuntas: Piñeyra, Moldes, Seares, Presno y San Martín de Oscos.
• Un xuez pela Vega de Ribadeo con Taramunde ya Ouria.
• Un xuez per Valdemiudes, Riofrio y Armal, y
• Un xuez per Veigas de Bría ya Abres.

La redención del Conceyu de los obispos.

El fechu más notable de la so hestoria ye la redención de los conceyos de la autoridá del Obispu, lo cual tien llugar a lo llonxe de la segunda metá del sieglu XVI. Aportase de seguíu, el tiempu ya el preciu da redención dos conceyos, que se atomen de Faya Diaz, «Los Señoríos eclesiásticos na Asturies del Sieglu XVI» que a so vez remítse al expediente abiertu a Alonso del Caminu como consecuencia de diches ventes y conservau nel Archivu Xeneral de Simancas:

	Conceyu	Real asiento	Carta de Redención	Parroquíes	Vecinos	Preciu en maravedies
	La Villa de Castropol y felligresies agregades	20-11-1579	29-01-1580	Villa de Castropol y parroquíes de San Xuan de Moldes, Piñeira, Tol, Seares, Santiestebán de Piantón, Paramios y Santiago de Abres	356	4.598.572 mrs.
	Barres, (Castropol)	29-04-1581	---	Barres y Seares	92	1.136.100 mrs.
	Presno, (Castropol)	12-12-1583	---	Presno	62	784.417 mrs.
	Campos (Tapia)	15-03-1580	---	Campos	13	162.850 mrs.
	Tapia de Casariego	28-05-1580	---	San Estebán de Tapia, Samartín de Mantarás y San Salvador de Salave	83	1.037.530 mrs.
	Bual	24-04-1581	---	Boal, Doiras y Serandinas	145	2.011.285 mrs.
	Cuaña, Trelles y Villacondide	27-04-1581	30-07-1582	Coaña, Trelles, Villacondide y Folgueras	85,5	1.063.230 mrs.
	Cartavio y Mohias	15-03-1584	26-05-1584	Cartavio y Mohias	25	313.876 mrs.
	Sueiro, (El Franco)	13-03-1583	22-09-1583	Villa de Sueiro, y Feligresies de Santa María de Valdemiudes, San Miguel de Moyces, San Bartolomé de Valdepares, San Xuan de Prendonés, (Sayane) y Santa María del Monte	117,5	2.225.807,5 mrs.
	Taramunde	03-09-1583	22-09-1583	Tarmundi y Ouria	114	1.396.815 mrs.
	Salime	12-04-1584	16-02-1586	Salime, Villapedre ya A Mesa.	38,5	471.881,5 mrs.
	Grandas	03-10-1584	19-07-1586	Grandas y Trabada	167	2.746.287,5 mrs.
	Santiso d'Abres	1584	1584	San Tirso	-	672.0000 Mrs.
	Santalla d'Ozcos	06-07-1584	19-07-1586	Santa Eulalia	102	1.239.506,5 mrs.
	Samartín d'Ozcos	12-05-1584	16-02-1586	San Martín	97,5	1.292.315 mrs.
	Pezós	16-03-1582	30-07-1582	Samartín	52,5	687.035 mrs.
	Eilao	--	23-09-1583	Bullaso, Gio, Herias, Illano y Ronda	79,5	1.001.260 mrs.
	As Figueiras	--	1775	Cotu de As Figueras dependiente de la Parroquía de Barres	--	680.000 mrs.
	Conceyu	Real asientu	Carta de Redención	Parroquies	Vecinos	Preciu en maravedíes

Respetu al Conceyu de Ibias, Bellmunt y Traver, señala qu'estes tierres de Ibias yeran de Señoríu compartíu ente nobles llaicos y eclesiásticos, siendo considerau este conceyu como de obispalía. Los obispos exercieron esta xurisdicción compartida fasta el añu 1584, en que pasa a ser de realengu. Amás de la esistencia de tres cotos solariegos, Marentes, Santa Comba y Sena, el Catastru de la Ensenada refierse a les Parroquies de San Antolín, Cecos y San Xorxe de Tornaleo, de las que diz que son del señoríu de don Bartolomé Varcacel y Rón y de don Fernando de Ron, vecín del Conceyu de Samartín d'Ozcos, nomes de families todes que pertenecían a la nobleza tradicional de la comarca. Dichu conceyu participa tamién na Xunta Xeneral del Principáu dentro del partíu de Castropol tomando un tercíu del votu del mesmu partíu.

Ver tamién

• Tierra de Ribadeo
• Comarca del Navia-Eo
• gallego-asturianu
• Comarques historiques d'Asturies