Fabada

De Uiquipedia
Saltar a: navegación, buscar
Fabada asturiana recién preparada

Fabada asturiana, llamada fabada, ye un pote fechu con fabes. Ye un platu tradicional asturianu.

La fabada faise con fabes seques que se ponen ente agua el día anterior, pa llueu cocinase a fueu lentu xunta'l compangu (llacón, tocín, morciella y chorizu.) Algunes persones tamién-y ponen un plizcu de pimentón o azafrán. Ponse a fueu lentu dos o tres hores. Tamién almite otros embutíos llocales como'l sabadiegu de Noreña o n'ocasiones rau de vaca.

De xemes en cuando, pa removeles, "asústense" moviendo delles veces la pota de llau a llau y echando un migayu d'agua frío. Esti tamién ye bon momentu pa dir retirando la espuma que xurde na coción.

El compangu suel sacase una vegada fecha la fabada a un recipiente a parte y nel platu fabes cada persona sírvese'l compangu al gustu.

Ver tamién[editar | editar la fonte]

Enllaces esternos[editar | editar la fonte]