Félix Houphouët-Boigny

De Uiquipedia
Saltar a: navegación, buscar
Félix Houphouët-Boigny, 22 de mayu de 1962.

Félix Houphouët-Boigny (18 d'ochobre de 1905 - 7 d'avientu de 1993) foi'l primer presidente de Costa de Marfil. Ocupó esti cargu 33 años, dende la independencia del país , en 1960, hasta que morrió en 1993.

En 1944 fundó el Partíu Democráticu de Costa de Marfil (Parti Démocratique de la Côte d'Ivoire, PDCI), que formó parte del movimientu tresnacional Xunta Democrática Africana (Rassemblement Démocratique Africain, RDA).

Na dómina colonial, foi alcalde d'Abidjan, diputáu per Costa de Marfil nel Parllamentu francés ente 1946 y 1959 y llegó a ocupar varios puestos ministeriales.

En 1958, Francia otorgó la autonomía a Costa de Marfil . Como Presidente de la Asamblea Constituyente, Houphouët-Boigny entamó negociaciones pa consiguir la independencia, que llegó en 1960.

Tres de la independencia, implantó un réxime presidencial fuerte y de partíu únicu, que consideraba necesariu nun país con mas de 60 etnies diferentes

El so gobiernu, ideolóxicamente moderáu y pro-occidental, traxo una cierta prosperidá económica a Costa de Marfil gracies a una xestión sana y al espoxigue de la principal industria del país, el cacao.

En 1983 treslladó la capital del país a la so ciudá natal, Yamoussoukro. El proyeutu de construyir nesta ciudá la mayor basílica del mundu, acusaciones de corrupción y la crisis económica debilitaron el réxime y lleváronlu a aceptar el pluripartidismu. Sicasí, nes primeres eleiciones pluripartidistes que lu enfrentaron a Laurent Gbago n'ochobre de 1990,recibió'l 89% de los votos.

Tres de la so muerte, asocediolu nel cargu'l presidente de la Asamblea Nacional, Henri Konan Bédié.

Enllaces esternos[editar | editar la fonte]