Exeria

De Uiquipedia
Saltar a: navegación, buscar
Uiquipedia:Llista d'artículos que toa Wikipedia tien que tener
Pa otros usos d'esti términu, ver Exeria (dixebra). Disambig.svg

Exeria, tamién nomada Eteria o Etheria, ya inclusu Arteria o Geria, foi una viaxera y escritora hispana del sieglu IV.

Gracies a la "Pax romana" una ciudadana del imperiu podía viaxar dende Gallaecia hasta Mesopotamia. Esto asocedía ente los años 381 a 384.

Biografía[editar | editar la fonte]

Magar que los sos datos biográficos son escasos, suponse que yera gallega, y dalgunos autores considérenla emparentada con Aelia Flacilla, primera muyer de Teodosiu'l Grande[1]. A. Lambert ellaboró una hipótesis según la que trataríase de la hermana de Gala, de la que fala S. Xerónimu como pareya de Priscilianu.[2]. Esta hipótesis y la condición de muyer independiente bragada y sotripada, asina como'l so orixe galaicu, sirvieren de sofitu pa adscribila nel movimientu priscilianista. Dalgunos datos sobro los que nun paez haber discutiniu, son la so ascendencia noble, la so posición económica acomodao y la so solliñable cultura. Nos sos escritos revélase como una muyer de fondera relixosidá pero tamién (en boca de la propia Exeria) d'una curaxa illimitada.


Sábese que visitó los Santos Llugares (Exiptu, Palestina, Siria, Mesopotamia, Asia Menor y Constantinopla), nun llargu viaxe, ente 381 y 384, recoyendo les sos impresiones nel so llibru Itinerarium ad Loca Sancta, llibru que tuvo ciertu espardimientu por cuntar de miente menuciosa y, sobro too, animada'l viaxe. Altravesó el sur de Galia (anguaño Francia) y el norte de Italia; crució en barcu el mar Adriáticu. Sábese qu'aportó a Constantinopla nel añu 381. D'aende partió a Xerusalén y visitó Xericó, Nazaret y Cafarnaúm. Partió de Xerusalén hacia Exiptu en 382, visitó Alexandría, Tebes, el mar Roxu y el Sinaí. Visitó llueu Antioquia, Edesa, Mesopotamia, el ríu Éufrates y Siria dende au retornó vía Constantinopla.

Referencies[editar | editar la fonte]

  1. Nel manuscritu de Carucedo denómase “Echeriai” a la monxa viaxera, siendo tornáu por dellos autores como Euqueria, emparentándola d'esta miente con Euqueriu, tíu de Teodosiu'l Grande. (Heraeus, W: Silviae vel potius Aetheriae Peregrinatio ad loca sancta, Heidelberg, 1939).
  2. San Xerónimu, carta a Clesifonte (Epist. 133,4.3)

Véase también[editar | editar la fonte]