Estratigrafía

De Wikipedia
Estratos na Salta (Arxentina)

La estratigrafía ye la rama de la xeoloxía que trata del estudiu ya interpretación de les roques sedimentaries estratificaes, y de la identificación, descripción, secuencia, tanto vertical como horizontal; cartografía y correllación de les unidaes estratificaes de roques.

Deformación tectónica de los estratos cuarcíticos ordovícicos del Parque Nacional de Monfragüe, Cáceres (España).

Datos xenerales[editar | editar la fonte]

  • Estratificación ye la disposición en capes paraleles de les roques sedimentaries.
  • Estratu ye caúna de les capes de que consta una formación de roques estratificaes.
  • Techu del estratu ye la so superficie superior.
  • Muria o base del estratu ye la so superficie inferior.
  • Potencia del estratu ye l'espesor comprendíu ente'l techu y la muria.
  • Secuencia estratigráfica ye una socesión d'estratos.
  • Serie estratigráfica ye una socesión d'estratos con continuidá nel tiempu y separtada d'otres series per una discontinuidá estratigráfica.
  • Llaguna estratigráfica o hiatu ye un periodu de tiempu nel que nun se produz estratificación.
  • Direición del estratu ye l'ángulu respeutu al Polu Norte magnéticu que forma la reuta definía pola interseción del estratu con una horizontal.
  • Buzamientu del estratu ye l'ángulu d'abatimientu, respeutu a la horizontal, que forma l'estratu, midíu perpendicularmente a la so direición.

Datación de los estratos[editar | editar la fonte]

Relativa[editar | editar la fonte]

Ordena los estratos y acontecimientos nuna secuencia según la so antiguedá:

Apóyase nos principios básicos de la estratigrafía:

  • Principiu de la horizontalidá orixinal: Los estratos deposítense siempre de forma horizontal y caltiénense horizontales si nun actúa denguna fuercia sobre ellos.
  • Principiu de la continuidá llateral: un estratu tien la mesma edá a lo llargo de tola so estensión horizontal.
  • Principiu de la superposición: Si sobre una secuencia estratigráfica nun exerciéu denguna fuercia, l'estratu más vieyu allúgase na parte inferior y el más modernu, na superior.
  • Principiu del uniformismu: Les lleis que rixen los procesos xeolóxicos foron los mesmos na historia de la Tierra.
  • Principiu del actualismu: Los procesos xeolóxicos actuales yeren los mesmos qu'actuaben nel pasáu y producen los mesmos efeutos qu'entoncies.

Absoluta[editar | editar la fonte]

Podemos saber la edá d'un estratu o acontecimientu xeolóxicu determináu, polos métodos:

  • Biolóxicos: analicen ritmos biolóxicos que siguen intervalos regulares de tiempu nel so desendolcu (los aniellos de los árboles y les estríes de los corales).
  • Sedimentolóxicos: Analicen los depósitos de sedimentos que siguen intervalos regulares de tiempu.
  • Radiométricos: Básense nel periodu de semidesintegración de los elementos radiactivos; éstos tresformen en dichu periodu la metá de la so masa n'elementos non radiactivos.

Accidentes nos cortes estratigráficos[editar | editar la fonte]

Plegamientu[editar | editar la fonte]

Estructura teutónica que correspuende a deformaciones o ondulaciones que se producen nes roques, demientres s'atopen n'estáu plásticu. Resulten de l'aplicación de fuercies compresionales.

Elementos del plegamientu[editar | editar la fonte]

Planu axial: planu que dixebra a un plegamientu en dos partes más o menos simétriques.

Exe: llinia que representa la interseición ente'l planu axial y la superficie del plegamientu.

Llimbos o flancos: llaos d'un plegamientu.

Plegamientos clasifiquense en 5 tipos[editar | editar la fonte]

Anticlinal: plegamientu nel cualu la edá de los estratos que lu formen decrez dende'l nucleu hacia la periferia.

Sinclinal: plegamientu nel cualu la edá de los estratos que lu formen medra dende'l nucleu hacia la periferia.

Antiforma: plegamientu que ye cóncavu hacia abaxo.

Ensinforma: plegamientu que ye convexu hacia enriba.

Neutral: plegamientu de mou cuasi horizontal.

Clasificación de plegamientos según la posición del planu axial[editar | editar la fonte]

Plegamientu simétricu: plegamientu nel cual el planu axial ye vertical.

Plegamientu asimétricu: plegamientu nel cual el planu axial alcuéntrase inclináu y los dos llimbos inclinense en direición opuesta.

Plegamientu volcáu: plegamientu nel cual el planu axial ye inclináu y ambos llimbos inclínense na mesma direición xeneralmente con ángulos diferentes.

Plegamientu recumbente: plegamientu nel cual el planu axial tá cuasi horizontal.

Plegamietnu monoclinal: yeren estratos relativamente horizontales que llocalmente asumen una posición inclinada.

Plegamientu isoclinal: plegamientu nel cual los llimbos inclínense colos mesmos ángulos y na mesma direición.

Plegamientu homoclinal: estratos que s'inclinen toos na mesma direición y col mesmu ángulu.

Domo: correspuende a una antiforma cuyes capes inclinense hacia abaxo en toes direiciones.

Conca: correspuende a una ensinforma, aú los llimbos manteen hacia'l centru.

Anticlinoriu: antiforma mayor compuesta por varios plegamientos menores.

Sinclinoriu: sinforma mayor compuesta por varios plegamientos menores.

Falla[editar | editar la fonte]

Rotura xeneralmente plana de les roques por cizallamientu que se carauteriza por un desplazamientu antiparalelu de los dos bloques resultantes a lo llargo del planu de rotura.

Diaclasa[editar | editar la fonte]

Rotura de tensión de les roques que se puen definir como planos dixebratorios a lo llargo de los cuales nun hebo movimientu visible paralelu al planu o a la superficie, sinón sólo un pequeñu separtamientu perpendicular a la superficie de frañidura.

Inversión estratigráfica[editar | editar la fonte]

Consiste na formación d'un plegamientu inclináu hasta tal puntu que, en dalguna parte del corte estratigráficu, los estratos más antiguos atópanse dispuestos sobre los más modernos.

Discontinuidá estratigráfica[editar | editar la fonte]

Ye'l separtamientu ente dos series estratigráfiques, debía a la esistencia d'una llaguna estratigráfica. Hai varios tipos:

  • Discontinuidá angular: la serie antigua alcuéntrase plegada, de mou que forma un ángulu cola serie moderna.
  • Discontinuidá erosiva o disconformidá: la serie antigua alcuéntrase erosionada na so parte superior, y sobre ella depositáronse la serie moderna, colo que les dos series tán separtaes per una superficie irregular.
  • Inconformidá: La serie estratigráfica tá depositada sobre un material no estratificáu (roques metamórfiques o ignees).
  • Paraconformidá:: el separtamientu ente les dos series estratigráfiques ye horizontal y, polo tanto, nun se distingue del separtamientu normal ente dos estratos.

Referencies[editar | editar la fonte]

Enllaces esternos[editar | editar la fonte]