Estatutu de los trabayadores

De Wikipedia
Infotaula documentEstatutu de los trabayadores
Estáu España
Cambiar los datos en Wikidata

La Llei 8/1980, de 10 de marzu, del Estatutu de los Trabayadores (BOE nᵘ 64, de 14 de marzu de 1984), ye la norma principal que rixe los derechos de los trabayadores n'España.L'Art. 31 de la Constitución española de 1978 ya establecía que “La llei regulará un estatutu de los trabayadores”, asina como que “Tolos españoles tienen el deber de trabayar y el derechu al trabayu.”

A quién incluye[editar | editar la fonte]

  • A los Trabayadores por cuenta ayeno
  • En rexímenes especiales:
    • Cargos d'alta direción que nun seyan conseyeros.
    • El serviciu del hogar familiar.
    • Los penaos nes instituciones penitenciaries.
    • Los deportistes profesionales.
    • Los artistes n'espectáculos públicos.
    • Los comisionistes o persones qu'intervenguen n'operaciones mercantiles por cuenta del empresariu/os ensin asumir el riesgu y ventura d'aquelles.

Qué excluye[editar | editar la fonte]

  • A los Funcionarios públicos.
  • A los tresportistes
  • A los Consexeros o miembros del Conseyu d'Administración d'empreses.
  • Los trabayos familiares, o a títulu d'amistá o bona vecindá, asina como les prestaciones personales obligatories (cuidáu de fiyos o dependientes, etc.).
  • Los trabayos u operaciones mercantiles (qu'asumen el riesgu de la operación).
  • El trabayu por cuenta propia (salvo que por llei s'aplique dalgún artículu en concretu).
  • El artículu 1.3 g) contién una esceición xenérica, exclúyese del ámbitu llaboral a toes aquelles rellaciones nes que nun se den les condiciones del artículu 1.1 ET.
  • Inicialmente excluía al personal civil al serviciu del Ministeriu de Defensa, que posteriormente incorpórase con llimitaciones nel derechu de reunión, fuelga y l'exerciciu de l'actividá sindical nel interior de los recintos militares.

Qué prohíbe[editar | editar la fonte]

  • El trabayu a los menores de dieciséis años salvo la so intervención n'espectáculos públicos.
  • El trabayu nocturnu y les hores extraordinaries a los menores de 18 años, asimesmu nun son escoyibles como candidatos nes eleiciones sindicales.

Derechos llaborales[editar | editar la fonte]

La llibre eleición de profesión u oficiu, la llibre sindicación, la negociación coleutiva, les midíes de conflictu coleutivu (España), la fuelga, la reunión, descansu y la participación na empresa.

Deberes llaborales[editar | editar la fonte]

Cumplir coles obligaciones concretes del puestu de trabayu, con bona fe y dilixencia, observar les midíes de seguridá ya hixene establecíes, cumplir les órdenes ya instrucciones del empresariu nel exerciciu regular de les sos facultaes directives, nun concurrir cola actividá de la empresa, contribuyir a la meyora de la productividá, y los derechos concretos que deriven del contratu de trabayu.

Trabayador[editar | editar la fonte]

Entiéndese por trabayador a la persona física que voluntariamente presta los sos servicios en réxime d'ayenidá y dependencia a un emplegador a cambio d'una retribución. L'estatutu excluye del ámbitu llaboral a los menores de 16 años salvu pal exerciciu de espectáculos públicos. Pa ser trabayador hai que poseer personalidá xurídica y capacidá xurídica polo que'l derechu llaboral remítese a les regles del Códigu Civil al efeutu.

Normativa llaboral durante'lFranquismu[editar | editar la fonte]

Fueru del Trabayu (9 de marzu de 1938).

Llei de 16 d'ochobre de 1942, sobre Reglamentaciones de Trabayu.

Llei de Contratu de Trabayu, testu refundíu aprobáu por Decretos de 26 de xineru y 31 de marzu de 1944.

Fueru de los Españoles (17 de xunetu de 1945), Capítulu III.

Llei Orgánica del Estáu de 10 de xineru de 1967, pol que se modifica el Fueru de los Trabayadores.

Llei 38/1973, de 19 d'avientu, de Convenios Coleutivos Sindicales de Trabayu.

      • Esta ye la primera norma d'importancia que regula (nun prohíbe o exclusivamente llimita) derechos coleutivos de los trabayadores durante la Dictadura del Xeneral Franco. Toda esta normativa foi derogada pola Constitución Española y l'Estatutu de los Trabayaores.

Normativa llaboral Preconstitucional[editar | editar la fonte]

  • El Decretu-Llei 5/1975, de 22 de mayu, sobre regulación de los conflictos coleutivos de trabayu.
  • El Decretu 1148/1975, de 30 de mayu, sobre regulación de la llibertá de reunión nel ámbitu sindical.
  • La Llei 16/1976, de 8 d'abril, de Rellaciones Llaborales.
  • El Real Decretu-Llei 17/1977, de 4 de marzu, sobre rellaciones de trabayu, fuelga, Conflictu coleutivu y Convenios Coleutivos. (Actualmente vixente).

Modificaciones del Estatutu y llexislación llaboral[editar | editar la fonte]

  • Reforma llaboral del 84 (Gobiernu PSOE), sofitada por UGT, au se xeneralizaba la contratación temporal y s'introducen mecanismos de flexibilidá nes condiciones de trabayu.
  • Reforma de 1988, que pretendía imponer un Plan de Emplegu Xuvenil que xeneralizaba los llamaos “contratos basura”.
  • “Decretazu” del 92: rebaxábase la duración y la cuantía del seguru de desemplegu.
  • Reforma llaboral del 94: llegalízarense les ETT’s (Empreses de Trabayu Temporal), el despidu oxetivu y los nuevos contratos basura.
  • Real Decretu Llegislativu 1/1995, de 24 de marzu, pol que se aprueba el testu refundíu de la Llei del Estatutu de los Trabayadores.(Actualmente vixente con algunes modificaciones).
  • Pactu de Toledo del 96 que garantizaba la revalorización de les pensiones y establecía la división de fontes na financiación de la seguridá social.
  • Acuerdu Interconfederal de 1997 pa la Estabilidá nel Emplegu (AIEE). Sindicatos-Patronal.
  • Reforma del tiempu parcial de 1998.
  • Aumentu de la cotización de los contratos temporales. 1999
  • Acuerdu de pensiones CC.OO.-patronal-gobiernu del PP del 2001.
  • Reforma llaboral del 2001: precarizáronse más dalgunos contratos (a tiempu parcial, de formación, inserción...), estendiose'l despidu oxetivu, aprobárense nueves rebaxes de cotizaciones empresariales y dificultar l'accesu a la prestación por desemplegu.
  • Real Decretu Llei 5/2002, de 24 de mayu, de midíes urxentes pa la reforma del sistema de proteición por desemplegu y meyora de la ocupabilidá (recortes nel accesu al subsidiu agrariu, supresión parcial de los salarios de tramitación). (2)
  • Real Decretu Llei 5/2006, de 9 de xunu, pa la meyora del crecimientu y del emplegu.
  • Llei Orgánica 3/2007 pa la igualdá definitiva d'homes y muyeres.

Diálogu o confrontación social[editar | editar la fonte]

(1) La Fuelga xeneral del 14 d'avientu de 1988 marcó un fitu porque consiguió derrotar los planes de reforma llaboral del Gobiernu de Felipe González, sobre'l trabayu Xuvenil y los tipos de contratos.

(2) Respuesta sindical, Fuelga xeneral de 4 hores 20 de xunu de 2002 convocada polos sindicatos UGT y CC.OO. CGT convocó esi mesmu día un paru de 24 hores.

Enllaces esternos[editar | editar la fonte]

Llibros[editar | editar la fonte]


Referencies[editar | editar la fonte]

Enllaces esternos[editar | editar la fonte]