Estaos Confederaos d'América

De Wikipedia
Estaos Confederaos d'América
estado histórico con reconocimiento limitado (es) Traducir
bandera de los Estados Confederados de América (es) Traducir
Lema nacional Deo vindice (en) Traducir
Himnu nacional Dixie
Alministración
Nome oficial Estaos Confederaos d'América
Capital Montgomery (de 8 febreru 1861 a 20 xunetu 1861)
Richmond (de 20 xunetu 1861 a 2 abril 1865)
Danville
Forma de gobiernu república federal
presidencialismu
Presidente de los Estados Confederados (es) Traducir Jefferson Davis (dende 18 febreru 1861)
Presidente de los Estados Confederados (es) Traducir Jefferson Davis (dende 18 febreru 1861)
Llingües oficiales inglés
División
Xeografía
Superficie 1,995,392 km² (puestu x)
% agua 5.7%
Costes x
Llenda con x
Demografía
Población 9,103,332 (1860 censu) hab. (1860)
Densidá Error d'espresión: Caráuter de puntuación "," non reconocíu. hab/km²
Xentiliciu
Economía
Moneda dólar de los Estados Confederados de América (es) Traducir
Cambiar los datos en Wikidata

Los Estaos Confederaos d'América (CSA o C.S.), nomaos davezu la Confederación, fue una autoproclamada república, non reconocida por dengún país[1], qu'esistió n'América del Norte ente 1861 y 1865[2]. La Confederación tuvo formada orixinalmente por siete estaos esclavistes y secesionistes del Sur d'Estaos Xuníos: Carolina del Sur, Mississippi, Florida, Alabama, Georgia, Louisiana y Texas. Estos estaos tenían una economía perdependiente de l'agricultura, y especialmente del cultivu del algodón, esplotáu nún sistema de plantaciones que descansaba sobro'l trabayu esclavu d'afroamericanos[3]. La eleición en payares de 1860 del candidatu republicanu Abraham Lincoln, sofitáu por una plataforma política opuesta a la estensión de la esclavitú a les tierres del oeste del país, convenció a estos estaos de que'l gobiernu basáu nel control supremacista del mesmu polos norteamericanos d'orixe européu[2][4] y la mesma institución de la esclavitú taben en peligru[2][4]. La Confederación, entóncenes, declaró la so secesión en rebeldía de los Estaos Xuníos; los estaos que permanecieron lleales al poder federal pasaron a ser nomaos, demientres la Guerra de Secesión, estaos de la Xunión. El vicepresidente confederáu Alexander H. Stephens describió la de so como una ideoloxía basada «na gran verdá de que l'home negru nun ye igual al home blancu, y de que la esclavitú, la subordinación a una raza superior, ye la so condición natural y normal»[5].

Primeru inclusive de que Lincoln tomara posesión del so cargu en marzu de 1861, en febreru, establecióse un nuevu gobiernu confederáu que foi consideráu illegal pol gobiernu federal d'Estaos Xuníos. Los estaos crearon unidaes de milicianos voluntarios, y el nuevu gobiernu confederáu aceleró la formación, a partir de la nada, del so exércitu confederal (Confederate States Army). Tres de l'españíu de la guerra civil, que sería llamada Guerra de Secesión, n'abril otros cuatro estaos del sur más septentrional dixebráronse de la Xunión y xuniéronse a la Confederación: Virxinia, Arkansas, Tennessee y Carolina del Norte. Posteriormente la Confederación almitiría tamién como miembros a Missouri y Kentucky, magar que nun declararon oficialmente la so secesión ni tuvieron una presencia importante de soldaos confederaos nel so territoriu. Formáronse en dambos gobiernos confederaos na sombra que tentaron de tomar el poder nellos, pero foron obligaos a exiliase.

El gobiernu d'Estaos Xuníos, la Xunión, refugó les declaraciones de secesión, considerándoles non llexítimes, y el 12 d'abril de 1861, cuando los confederaos atacaron Fort Sumter, un fuerte de la Xunión nel puertu de Charleston (Carolina del Sur), españó la guerra. Dengún gobiernu del mundu reconoció oficialmente a la Confederación como un estáu independiente[1][6][7], magar que Francia y Gran Bretaña reconociéron-y l'estatus de belixerante, lo que permitía a los axentes de la Confederación firmar contratos privaos de compra d'armes y otros suministros. A entamos de 1865, tres de cuatro años de llucha xabaz na que morrieron ente 620.000 y 850.000 soldaos[8], los confederaos foron rindiéronse. La cabera batalla, que dio a la Xunión el control del caberu puertu en manes confederaes, el de Wilmington (Carolina del Norte), supunxo la cayida de Richmond, la capital confederada, y la rendición del xeneral Robert E. Lee. Pocos meses dempués hasta'l caberu soldáu confederáu rindiérase, y la Confederación yá yera historia.

Tres de la guerra los estaos de la Confederación foron realmitíos na Xunión tres de tener ratificada la Décimotercer Enmienda a la Constitución de los Estaos Xuníos, qu'abolió la esclavitú. La ideoloxía de la Causa Perdida (Lost Cause), la creyencia en que la causa confederada yera una causa xusta, foi garrando puxu, nes décades siguientes, ente antiguos políticos y xenerales confederaos, formándose tamién asociaciones como los Fíos de los Veteranos Confederaos (Sons of Confederate Veterans) y la Xunión de les Fíes de la Confederación (United Daughters of the Confederacy). L'actividá de los defensores de la Causa Perdida foi pergrande al entamu de la Primer Guerra Mundial, cuando morrieron los últimos veteranos confederaos y hebo un movimientu por preservar la so memoria, y col espoxigue del Movimientu polos Derechos Civiles nes décades de 1950 y 1960, como reacción escontra'l creciente sofitu popular a la llucha pola igualdá racial. Al traviés d'actividaes como la construcción de grandes monumentos n'alcordanza de la Confederación y de la redacción de llibros d'historia pa escolares los partidarios de la Causa Perdida buscaron asegurar que les xeneraciones futures de blancos del Sur siguieran sofitando les polítiques supremacistes, como les llamaes lleis Jim Crow[9]. No que cinca a la popularización de la bandera confederada, entamó a mediaos del sieglu XX y tien siguío de forma ininterrumpida a día de güei[10].

Enllaces esternos[editar | editar la fonte]

Referencies[editar | editar la fonte]

  1. 1,0 1,1 Preventing Diplomatic Recognition of the Confederacy, 1861-1865, na estaya Office of the Historian de la web del Departamentu d'Estáu d'Estaos Xuníos.
  2. 2,0 2,1 2,2 Confederate States of America, entrada na Enciclopedia Británica, britannica.com.
  3. Arrington BT, Industry and Economy during the Civil War. Na web del Serviciu Nacional de Parques Nacionales d'Estaos Xuníos.
  4. 4,0 4,1 Mcpherson JM, For Cause and Comrades: Why Men Fought in the Civil War, p. 106. New York, Oxford University Press, 1997. ISBN 978-0195124996. «Los soldaos confederaos que veníen de families propietaries d'esclavos nun amosaben sentimientos de vergoña o incoherencia pol fechu de lluchar pola so llibertá mientres sometíen a otres persones a esclavitú. Dafechu, la supremacía blanca y el derechu a la propiedá de los esclavos yeren el nucleu de la ideoloxía pola que lluchaben los soldaos confederaos».
  5. Cornerstone adress, March 21, 1861, discursu d'Alexander Stephens. Na web de la Universidá de Fordham.
  6. McPherson JM, This mighty scourge: perspectives on the Civil War, p. 65. Oxford University Press, 2007. ISBN 9780198042761
  7. Thomas EM, The Confederate Nation, 1861-1865, páxs. 256-7. 1979.
  8. Hacker JD, Recounting the dead, artículu na web de The New York Times del 20 de setiembre de 2011.
  9. Blight DW, Race and Reunion: The Civil War in American Memory, p. 259. Harvard University Press, 2009. ISBN 978-0-674-02209-6
  10. Strother L, Piston S, Ogorzalek T, PRIDE OR PREJUDICE? Racial Prejudice, Southern Heritage, and White Support for the Confederate Battle Flag. Du Bois Review: Social Science Research on Race. 14;(1):295-323. Testu completu disponible equí.