Estadiu Carlos Tartiere

De Uiquipedia
Saltar a: navegación, buscar
Carlos Tartiere
Estadio Carlos Tartiere 01.jpg
Llocalización {{{llocalización}}}
Coordenaes: '
Arquitectu: '
Coste:
Inauguración: 20 de setiembre de 2000
Demolición:
Superficie: Césped natural
Capacidá: 30.500 espectadores
Dimensiones: 105x68
Dueñu: Municipal
Equipu: Real Uviéu

Estadiu Carlos Tartiere ye'l nome que ricibe l'estadiu de fútbol de la ciudá d'Uviéu (Asturies, España), nel que xuega'l Real Uviéu, n'honor a Carlos Tartiere, primer presidente del club.

Antiguu Carlos Tartiere[editar | editar la fonte]

El primeru de los dos estadios ye'l qu'estaba sitiáu nel barriu de Buenavista. En principiu esti estadiu nomábase "de Buenavista", pero en xunu de 1958 esti nome camudose por el del primer presidente del club.

El 4 de xunu de 1969 inauguróse la iluminación artificial del campu durante l'encuentru amistosu ente'l Real Madrid y l'equipu local. Foi reconstruidu con motivu del Mundial de Fútbol España'82, nel que fuoi una de las sedes oficiales; de forma que'l so aforu pasó de ser de 20.000 persones a 22.500. El partíu de inauguración depués de les obres enfrentó al Real Uviéu y a la selección chilena.

En 1998 con motivu de cumplir cola normativa de l'UEFA y meyorar la seguridá nos campos de fútbol móntense butaques a cuasi tol campu de forma que l'aforu baxa fasta les 13.000 persones. Esti fechu fizo que fora necesaria la construcción d'un nueu campu de fútbol pa la ciudá con capacidá suficiente pa tolos aficionaos. El 20 de mayu de 2000 l'Uviéu xuega'l so últimu partíu nel Carlos Tartiere y ésti ye valtáu en 2003, una vez tuvo finalizáu esti nuevu estadiu.

Nos terrenos qu'ocupaba l'estadiu construyose'l Palaciu de Congresos de la ciudá, diseñau por Santiago Calatrava.

Nuevu Carlos Tartiere[editar | editar la fonte]

El nuevu Carlos Tartiere (idénticu nome a l'antiguu) t'allugáu nel barriu uvieín de la Iría. Tien capacidá pa 30.500 espeutadores, toos ellos sentaos y les sos llocalidaes puen ser fácilmente ampliables a 35.000. Amás cuenta con un palcu d'honor y más de 200 asientos VIP L'estadiu ta calificáu con cuatro estrelles UEFA y nuna futura reforma, podría algamar mui fácil el nivel Élite (Cinco estrelles) Foi inaugurau oficialmente el 20 de setiembre de 2000 con un partíu amistosu ente l'Uviéu y el Partizán de Belgráu, anque'l día 17 ya se ficiera de forma oficiosa nun partíu de lliga de Primera División ente'l Real Uviéu y la UD Las Palmas. El primer gol nesti estadiu marcólu'l xugador de la UD Las Palmas, (Robert Jarni), de penalty.

Les prises de l'Ayuntamientu d'Uviéu por construyir esti nuevu estadiu y asina poder aprovechar los céntricos terrenos de l'antiguu, llevaron a que la obra final presente numberoses deficiencies. Entamando pol terrenu de xuegu sobre'l que ta emplazáu, que nun ye'l meyor pa'l correutu medrar del césped nun entornu húmedu y con poques hores de lluz del sol direuta. Pero dende l'añu 2008, el problema del césped parez tar desapaeciendo, yá que dende esta fecha el Nuevu Carlos Tartiere dispón d'una alta calidá del césped en comparación con años anteriores.

Enllaces esternos[editar | editar la fonte]

Estadiu Carlos Tartiere
Wikimedia Commons tien archivos rellacionaos con: