Escuela austríaca

De Uiquipedia
Saltar a: navegación, buscar
Pa escuela de pensamientu filosóficu y epistemolóxicu ver Círculu de Viena.
Pa otros usos d'esti términu ver Escuela de Viena de Hestoria del Arte.

La escuela austríaca, tamién nomada escuela de Viena, ye una escuela de pensamientu económicu que s'opon al usu de los métodos de les ciencies naturales pal estudiu de les acciones humanes, y prefier utilizar métodos lóxicos deductivos y la introspección, lo que se noma individualismu metodolóxicu.

El so aniciu atópase nel alderique metodolóxicu cola Escuela Histórica Alemana, que nun ánimu hestoricista intentaba confinar les lleis del mercáu a diferentes etapes de la hestoria.

Aportes fundamentales[editar | editar la fonte]

Esta escuela calterizose pola so fuerte crítica hacia programes d'investigación como'l Marxismu, el Socialismu fabianu, el Nazismu, el Facismu y el Keynesianismu. Débese a Eugen von Böhm-Bawerk la conocida monografía La conclusión del sistema marxianu na que refuta, tanto dende la teoría "oxetiva" como la "suxetiva" del valor, la teoría marxista del valor-trabayu y el conceutu de plusvalía, ante una evidente contradicción que se producía na so aplicación cuando la llamada tasa de ganancia nun cumplía la predicción de Karl Marx na so tendencia decreciente, sinon que pol contrario, medraba. Dicha contradicción foi reconocida por Marx nel tercer volumen de la so complexa obra El Capital, respondiendo en consecuencia que si bien dicha aparente contradicción rexístrase en casos puntuales, na economía xeneral depués superense calteniendo vixente'l so sistema, lo que lu llevó a introducir una modificación notable nesti: la llei del valor (qu'afirma 'les mercancíes intercámbiense pol so valor') ya nun ha de cumplise en cada casu individual, sinon a escala xeneral considerando'l sistema económicu nel so conxuntu. Böhm-Bawerk constató qu'estos "casos puntuales" yeren na realidá práuticamente toos, y que la esplicación de los precios en función de la midida media del valor del trabayu "socialmente necesariu" empobinaba nuevamente a los precios mesmos volviendo al métodu marxista un pidimientu de principiu. La obra fexo famosu a Böhm-Bawerk, y amosó los rasgos deliberadamente críticos de la Escuela Austríaca.

Lo mesmo puede dicise de Ludwig von Mises, que dedicó un volumen a dicha empresa, nel so conocíu llibru El socialismo onde espón el so argumentu escontra les teoríes comunistes al tiempu que xustifica la propiedá privada en términos económicos, demostrando que namás ésta posibilita la llibre formación de precios nun mercáu, y esto otorga a quienes intervienen nél información sobre la escosura y utilidá d'un bien económicu. Namás cola propiedá privada sedrá posible minimizar la escosura, que la Escuela Austríaca considera como propiamente humana.

Ensin propiedá privada habrá, declara Mises, un irracional manexu de la escosura. Mises afirma que sedrá imposible n'ausencia de precios El cálculu económicu na comunidá socialista,[1] monografía cola cual introduz el so argumentu, posteriormente aceptáu pol socialista de mercáu Oskar Lange, quien adopta pal so analis la praxeología miseana.

La teoría austríaca del ciclu económicu, desendolcada a lo primero por Mises, foi una de les principales aportaciones d'esta escuela a la comprensión del desendolcu económicu y el por qué de les crisis.

Praxeoloxía[editar | editar la fonte]

La praxeoloxía, desendolcada con mayor profundidá por Ludwig von Mises nel so magnus opus La Acción Humana posee fuertes vínculos cola socioloxía comprensiva weberiana y sirvió de base axiomático-deductiva a posteriores estudios sociolóxicos que tomen de la Escuela Austríaca el so individualismu metodolóxicu. La praxeoloxía ye una teoría que nun necesariamente ye aceptada por todos los economistes austríacos como base de la que se pueda deducir directamente la teoría económica, polo cual apelen a hipótesis ausiliares intermedies y preserven la praxeoloxía como ñucleu central del programa d'investigación.

Principales esponentes[editar | editar la fonte]

Ente los sos principales teóricos fundadores atópense Carl Menger, Eugen von Böhm-Bawerk, Friedrich von Wieser; y siguidores y continuadores, Ludwig von Mises, Friedrich von Hayek, l'anarquista Murray Rothbard ya Israel Kirzner. Na actualidá hai numberosos pensadores que continúen el desendolcu d'estes idegues como Hans-Hermann Hoppe, Jesús Huerta de Soto, Joseph Salerno, Alberto Benegas Lynch (h), Juan Carlos Cachanosky, Jörg Guido Hülsmann,Gabriel J. Zanotti y Juan Ramón Rallo Julian. La Escuela Austríaca, algo lloñe de la corriente principal de la teoría neoclásica, foi mui influyente pol so cuestionamiento de la teoría del comportamientu de dicha corriente. Se-yos suel asociar col lliberalismu llibertariu poles sus idegues sobre la organización social, política y económica. Los partidarios d'esta escuela suelen ver na Escuela de Salamanca y na Escuela Escocesa l'aniciu de munches de les idegues qu'ellos defienden.

Referencies[editar | editar la fonte]

  1. El Cálculo Económico en el Sistema Socialista de Ludwig von Mises, archivo PDF.
  1. "La Crítica de la ‘Escuela Austriaca’ al Socialismo" en Revista Estudios Públicos, Nº 10, 1983. de Arturo Fontaine Talavera (Compilador)
  2. "Los Límites de la Eficiencia Económica en una Sociedad Democrática" en Revista de Economía Institucional, Vol.9, Nº16, 2007. de Alejandro Agafonow

La Teoría Evolutiva de las Instutuciones del Profesor César Martínez Meseguer

Enlaces externos[editar | editar la fonte]