Escuela Moderna
La Escuela Moderna foi un centru d'enseñanza qu'existió al entamu del sieglu XX en Cataluña. Foi fundada en 1901 en Barcelona pol [[pedagogu] y llibrepensador Francisco Ferrer Guardia. L'oxetivu esencial de la escuela yera «educar a la clase trabayadora d'una manera racionalista, secular y non coercitiva». Na práutica los precios de les cuotes de tutoría restrinxeron el públicu de la escuela a elementos estudiantiles de les clases medies, sobre too nos primeros años, polo que s'esperaba por parte de los entamadores (de forma privada) que los alumnos nel so debíu momentu se motivaren a xuntase y sofitar la causa del movimientu obreru. La escuela contaba con una imprenta na que se realizaba un boletín, un llaboratoriu, un muséu natural, una biblioteca y buscaba instalaciones nes qu'hubiese gran iluminación. Ente otres coses tuvieron que buscar maestros qu'entendieren que'l so papel nun yera coercitivu sinno de sofitu, esti centru educativu yera d'enseñanza mixta, secular y anticlerical, y favoratible a les reivindicaciones obreristes. Al ser la primer escuela mixta y llaica de Barcelona, nun país católicu, algamó una amplia antipatía ente'l cleru y los devotos.