Escudu de Togu

De Uiquipedia
Saltar a: navegación, buscar
Escudu de Togu

L'escudu de Togu foi aprobáu'l 14 de marzu de 1962. Ta compuestu por un campu d'oru (mariellu o doráu) cargáu coles lletres RT, representaes de gules (roxu) que son les iniciales del denomatu oficial del país (en francés): “République Togolaise” (“República Togolesa”)

L'escudu ta suxetu por dos figures de lleón trazaes esquemáticamente que porten un arcu y una flecha caún. Na parte cimera del escudu apaecen representaes dos banderes nacionales, asitiaes al empar baxo una cinta na que ta escrito'l lema nacional del país en francés: “Union, Paix, Solidarite” (“Xunión, Paz, Solidariedá”). Con anterioridá'l lema que figuraba nesti escudu foi “Travail, Liberté, Patrie” (“Trabayu, Llibertá, Patria”).

Los lleones simbolicen el valor del pueblu togolés. Les dos fleches y los dos arcos demanden a tolos ciudadanos a tomar parte activa na defensa de la llibertá del país.