Escudu de Reunión

De Wikipedia
Ficha d'escuduEscudu de Reunión
Datos
Fecha d'adopción 1925
Cambiar los datos en Wikidata

L'escudu d'armes de Reunión foi diseñáu en 1925 con motivu de la Esposición Colonial que tuvo llugar esi mesmu añu en Petite-Ile. Ye un escudu cuarteáu nel que figuren:

  • Nel primer cuartel, de sínople, el volcán Piton des Neiges representáu d'arxén. El volcán ta surmontáu pol númberu romanu MMM del mesmu color. Esta cifra indica l'altor aproximáu a la que s'eleva'l Piton des Beiges (3069 m).
  • Nel segundu cuartel, un campu partíu d'azur y gules, el navíu Saint-Alexis representáu d'arxén. Esta embarcación aportó a la islla en 1638.
  • Nel tercer cuartel, d'azur, trés flores de lis d'oru qu'aluden a la hestoria de Reunión como posesión de l'antigua monarquía francesa. Reunión foi conocida como Islla Borbón hasta la Revolución Francesa.
  • Nel cuartu cuadrante, de gules, doce abeyes d'oru. Esti cuadrante simboliza'l periodu históricu de la islla baxo'l dominiu del Primer Imperiu Francés (les abeyes foron ún de los símbolos emplegaos por Napoleón Bonaparte;
  • Nel centru, un escusón nel que figura la bandera Tricolor Francesa cargada coles aniciales RF, République Française (República Francesa).

Sobre l'escudu apaez representada una cinta d'oru na qu'apaez escritu'l lema de la islla en llatín: "Florebo quocumque ferar" ("Fadré florecer uquiera que seme"). Esti lema foi emplegáu orixinalmente pola Compañía Francesa de les Indias Orientales.

El blasón ta arodiáu por una lliana de vainilla que ye ún de los recursos más rescamplaos que tien la Islla de la Reunión.

Referencies[editar | editar la fonte]

Enllaces esternos[editar | editar la fonte]