Escudu d'Inglaterra

De Uiquipedia
Saltar a: navegación, buscar
Escudu d'armes d'Inglaterra

L'escudu d'Inglaterra ta formáu por un únicu campu bermeyu (n'heraldica conozse esti color como gules) con trés lleones doraos llinguaos y garraos en color azul.

Esti escudu d'armes foi entamáu pol rei Ricardu I d'Inglaterra na cabera década'l sieglu XII. Ta basáu nel estandarte del ducáu de Normandía, formáu por dos lleopardos, que lu foi tamién d'Inglaterra durante la guerra anglonormanda, que finó cola invasión de la islla pelos normandos. Les diferencies principales ente dambos son:

  • La fiera representada ye un lleón, símbolu perestendíu per Gran Bretaña como se ve, por exemplu, nel escudu d'armes d'Escocia.
  • Nel normandu represéntense dos besties pero nel inglés trés. Dizse que la tercera, que foi añadida por Ricardu III d'Inglaterra Corazón de Lleón, representa al lleopardu d'Aquitania, por ser dambos territorios d'Enrique II d'Anjou. Otra teoría ye que d'aquella nun había entovía denguna llei heráldica y, poro, puede debese al gustu del rei.

Forma parte, anguaño ya hestóricamente, de los escudos d'armes de tolos reis británicos.