Escania

De Uiquipedia
Saltar a: navegación, buscar
Bandera d'Escania
Mapa d'Escania

Escania o Skåne en suecu, ye una rexón asitiada nel sur de Suecia, a la que pertenez políticamente. Antiguamente tuviera embaxo soberanía danesa. Yera una de les provincies hestóriques de Suecia, llindiega coles d'Halland, Småland y Blekinge. Anguañu forma parte del condáu d'Escania. La capital ye Malmö. Pela so riqueza en producción de cereales y la so situación estratéxica na entradera del Mar Bálticu tradicionalmente los suecos naguaben por ella, por embargu nun ye hasta'l tratáu de Roskilde de 1658 que Suecia algama la incorporación al so territoriu, ratificada poles paces de Copenhague (1660) y Lund (1679). La universidá de Lund, fundada nel 1668, contribúi a espardir la cultura sueca n'Escania.

Les principales ciudaes son Malmö, Helsingborg y Lund.

N'Escania falen el dialeutu escaniu del suecu. Esti dialeutu ye delles vegaes consideráu una llingua dafechu (especialmenete polos nacionaliegos escanos), por embargu esta nun ye la opinión de la mayoria de los escanos que dicin que falen suecu y que son suecos. Esti dialeutu ye una variante del suecu con abondes influencies daneses. Tien munchos diptongos y una r uvular.

La bandera escana ye una variente de les banderes escandinaves, portando como toes elles la nomada Cruz Escandinava nesti casu con fondu bermeyu y cruz mariella. La bandera ye vista davezu n'Escaña, sicasí nun tien un estatus oficial.


Datos Curiosos[editar | editar la fonte]

Kurt Wallander, personax de fición creáu pol escritor de novela negra suecu Henning Mankell, ye'l protagonista de delles hestories que trescurren n'Escania. Vive y trabaya nel pueblu d'Ystad, 60 km al sudeste de la ciudá de Malmö.


Enllaces esternos[editar | editar la fonte]

Escania
Wikimedia Commons tien archivos rellacionaos con: