Ernest Hemingway
Ernest Hemingway (Oak Park, 21 de xunetu de 1899 - Ketchum, 2 de xunetu de 1961) foi un escritor y periodista estaunidense amás de ser ún de los principales novelistes y cuentistes del sieglu XX. Ganó'l Premiu Nobel de Lliteratura en 1951 pola so obra completa.
Índiz |
Biografía [editar]
Nació'l 21 de xunetu de 1899 n'Oak Park, un suburbiu de Chicago. Yera'l segundu fíu d'una familia de tres. So pa, Clarence Edmond Hemingway, yera mélicu y gustaba-y la caza y la pesca. So ma, Grace Hall Hemingway, estudiare música y fízolu interesante por ella. El pa d'Ernest poseía una casina con terrenu nel Llagu Bear. Allí Ernest deprendió a pescar y a cazar. Estudió nel Institutu de Secundaria d'Oak Park y River Forest, onde deprendió a tocar el violonchelu y formó parte de la orquesta. Yera capitán ádel equipu de waterpolo y xugaba al rugby. Interesábase tamién pol boxéu y peleabase colos sos compañeros nos descampaos. Nos estudios destacó na llingua, pero sentía apatía poles otres asignatures. Mostró les sos aptitudes lliteraries nel diariu escolar, usando'l nomatu de Ring Lardner, Jr. Al acabar los sos estudios en 1917, nun quiso dir a la universidá, como querría so pa, nin quiso perfeccionar los sos estudios de violonchelo, como so ma querría. Trasladóse a Kansas y n'ochobre de 1917 entamó a trabayar de reporteru nel Kansas City Star.
Primera Guerra Mundial [editar]
Los Estados Xunios d'America entraron na guerra'l 6 d'abril de 1917, y Ernest nun quería perdese la ocasión de seguir nel Cuerpu d'Espedición Americanu, como ficieron John Dos Passos, William Faulker o F. Scott Fitzgerald. Debío a un defectu nel güeyu manzorgu foi excluíu como combatiente. Consiguió facese llamar como conductor d'ambulancies de la Cruz Roxa y desembarcó en Burdeos a finales de mayu de 1918, pa marchar a Italia. El 8 de xunetu de 1918 fue feridu de gravedá por artillería austriaca. Coles piernes ferides y una rodilla rota, foi capaz de cargar a recostines a un soldáu italianu pa ponelu a salvu. Caminó 40 metros hasta que se desmayó. La heroicidá valió-y el reconocimientu del gobiernu italianu cola Medalla de Plata al Valor. Durante la so recuperación nel hospital de Milán enamoróse d'una xoven enfermera, Agnes von Kurowsky, quien más tarde plantaríalu por un oficial napolitanu. Regresó a Estaos Xúnios en xineru de 1919, entamando'l so trabayu como periodista nel Toronto Star y como redactor del mensual "Cooperative Commonwealth". Casóse con Elizabeth Hadley Richardson, 8 años mayor qu'él, el 3 de setiembre de 1920. La pareya trasladóse a París en 1922.
Entreguerres: París y la Xeneración Perdida [editar]
En 1923, al pocu tiempu de llegar a París, nació'l so primer fíu, John Hadley Nicanor Hemingway, al que llamaba "Bumby". En París conoció los ambientes lliterarios de vanguardia y rellaciónase colos miembros de la llamada Xeneración Perdida: Gertrude Stein, Ezra Pound y F. Scott Fitzgerald ente otros. La familia Hemingway vivía nun pisu austeru, pero cuando Ernest escribía a la so familia, esti-yos contaba que vivía na meyor zona del Barriu Llatinu. Los sos comienzos lliterarios nun fueron nada fáciles. Los sos primeros trabayos: Tres rellatos y diez poemas (1923) y En este mundo (1925) pasaron inadvertidos. Ernest ganábase la vida como corresponsal y viaxó per toa Europa. Tamién s'empleó como sparring pa boxeadores y "cazaba" palombes nos Xardines de Luxemburgu cuando sacaba a pasear al so fíu, pues los aforros menguaben y nun ganaba muncho.
Nueva etapa [editar]
Nel añu 1925 supuso'l descubrimientu de Hemingway pa los editores americanos, y l'añu nel qu'escribió la so primera novela, Fiesta. L'estilu nuevu que mostró nesti llibru, retratu del París bohemiu de los años venti y buena parte de inspiración biográfica, dexó atrás una lliteratura más experimental y oscura, resultando más impactante y exitosa. Tamién en Muerte en la Tarde, rellata les sos experiencias en Pamplona, España, país que ya entamaba a adorar, y nel que tovía güei queden testimonios de la so presencia.
En 1929, edita Adiós a les armes, novela de conteníu autobiográficu, yá que tá basada nel so pasu pela guerra y les sos experiencies nel frente de batalla. Siguen-y dos ediciones más optimistes, que traten de dos temes que-y apasionaben: las corrides de toros, en Muerte en la tarde, y África, Nas verdes colinas d'África (1935). En 1928 regresa a los Estaos Xúnios cola so segunda esposa, pero pronto parte hacia Cuba. A partir d'esi momentu, entama nél una curisosa y definitiva transformación. Allóñase del indiviualismu, como pue advertise en Tener o no tener (1937), que describe'l fracasu d'una rebelión individual, y comprométese cola llucha humanitaria y cola unión de les persones. Compromete la so escritura nesta nueva etapa colos republicanos españoles durante la Guerra Civil Española, compromisu del que da testimoniu nel guión del filme documental Tierra Española, na obra de teatru La quinta columna (1938) y por supuestu en Por quién doblan las campanas, obra maestra de la lliteratura universal.
Segunda Guerra Mundial [editar]
Estalla la Segunda Guerra Mundial. El so destín yera'l mar de Les Antilles y la so misión, yera patrullar col fin de capturar dellos barcos de bandera nazi. En 1944 viaxa a Europa como corresponsal de guerra, participa en misiones aérees de reconocimientu n'Alemania y forma parte del desembarcu en Normandía, siendo ún de los primeros soldaos n'entrar en París. Hasta 1950 nun vuelve a escribir. Al otru llau del ríu y entre los árboles, ye la so primera publicación dempués d'aquellos turbulentos años de guerra.
El vieyu y el mar [editar]
En 1952 sorprende con un breve rellatu encargáu pola revista Life, El vieyu y el mar, pol que recibe 'l Premiu Pulitzer en 1953. La hestoria narra la experiencia d'un vieyu pescador cubanu tuviera una mala racha y sal de pesca decidíu a terminala. Un añu más sero obtendrá'l Premiu Nobel de Lliteratura pol conxuntu de la so obra.
Últimos años [editar]
A partir d'esi momentu intenta escribir una novela sobre la Segunda Guerra Mundial, que finalmente nunca concluiría. Y vuelve en Nuevos Rellatos, a aquellos años de xuventú en París y España, llugares nos cuales foi mui probe, pero mui feliz, añorando la sensación que-y provocaba ser un xoven soñador, valiente y arriesgáu, que nun sólo escribía sobre acontecimientos qu'un día pasarían a ser parte de la hestoria, sinon qu'amás yera parte d'ella. El 2 de xunetu de 1961, quizás decidió que nun podía escribir más, y disparóse a si mesmu con una escopeta. Dada l'asuencia d'una nota de suicidiu y l'ángulu de disparu, ye difícil de determinar si realmente la so muerte fue autoinflingida o fue un accidente. Presúmese qu'una posible causa fue un alzheimer que se-y detectara poco anantes, asina com'l so carácter depresivu.
Obra [editar]
Hemingway destaca polos sos rellatos y les sos noveles.
Rellatos [editar]
- Tres rellatos y diez poemes (1923) - En nuestru tiempu (1925) - Hombres ensin muyeres (1927) - El ganador nun se lleva na (1933) - La quinta columna y los primeros cuarenta y nueve rellatos (1038)
Novela [editar]
- The Torrents of Spring (1926) - Fiesta (1926) - Adiós a les armes (1929) - Les verdes colines d'África (1935) - Tener o nun tener (1937) - Por quién doblen les campanes (1940) - Al otru llau del ríu y entre los árboles (1950) - El vieyu y el mar (1952) Premiu Pulitzer en 1953.
Otres obres [editar]
- Hombres de guerra (1942) - Muerte na tarde (1932)
Obres publicaes póstumamente [editar]
- The Wild Years (1962) - París yera una fiesta (1964) - Enviáu especial (1967) - Isles nel golfu (1970) - The Nick Adam Stories (1972) - 88 Poems (1979) - Selected Letters (1981) - True at first light (1999)
Bibliografía [editar]
- Castillo-Puche, José Luis (1968). Hemingway, entre la vida y la muerte. Ediciones Destino. ISBN 978-84-233-0058-7. - Stanton, Edward F. (1989). Hemingway en España. Editorial Castalia. ISBN 978-84-7039-526-0.
