Eritachus rubecula
De Uiquipedia
|
|
||||||||||||||
|---|---|---|---|---|---|---|---|---|---|---|---|---|---|---|
 Raitán |
||||||||||||||
| Clasificación científica | ||||||||||||||
|
El raitán (Eritachus rubecula) ye un páxaru que ta espardíu per toa Europa, principalmente na rexón meridional del continente, u habita tou l'añu. Tien el tamañu d'un gurrión (prietu de 14 cm), pero ye más llixeru. Como'l so nome amuesa en munches llingües, tien la tiesta, la colluga y la caxa de color bermellu, paecíu a madera; el restu del cuerpu ye agrisayáu. Habita davezo en viesques de fasteres llentes, onde hebia munches fueyes muertes y abondes felechales.
Tabla de conteníos |
[editar] Aspectu
- Llonxitú = 13-14 cm.
- Pesu = 11-22 gramos.
- Envergadura de les ales = 6,8-7,7 cm.
- Media de vida = 3-4 años, pero lleguen dica los 13.
[editar] Hábitat
Atópase en xardines, sebes, viesques y soviesques. Fae los niales nos furacos de los árboles, al pie de les sebes, nes yedres o n'oxetos vieyos debalaos na so estaya de vida. El nial tien forma de taza redonda.
[editar] Reproducción
El raitán emparéyase dende avientu; xeneralmente ye la fema la qu'acueye al machu nel so territoriu. Cuando ella ta guariando la segunda puesta, el machu encárgase de l'alimentación de la primera. Los recién nacíos emprincipien a volar a los 13-14 díes de salir del güevu.
- Periodu de nialificación: d'abril a agostu.
- Númberu de puestes: 1-2 al añu.
- Númberu de güevos: 5-6 en cada puesta. Son blancos con puntinos marrones.
- Incubación: 13-14 díes.
[editar] Alimentación
El raitán nútrese en campu abiertu y na soviesca. Aliméntase, sobre manera, d'invertebraos pequeños que viven en suelu (inseutos, coleópteros, llimiagos o guxanos). Na seronda y na primavera aliméntase tamién con bayes y frutos pequeños. Cacia columbriando la so presa dende una rama de la que sal disparáu. Amás, cuando ven a otru animal escavando na tierra, como por exemplu un topu, síguenlu pa guetar guxanos y merucos.
[editar] Cantu
Ye un cantu que se defín como una riestra variada y nidia de frases curties; dambos sexos canten tou l'añu.
[editar] Otros nomes
- Papu bermeyu
- Francesina.
- Papín
