Elizabeth Stanton

De Uiquipedia
Saltar a: navegación, buscar
Elizabeth Stanton.

Elizabeth Candy Stanton (Johnstown, Nueva York 12 de payares de 1815 - Nueva York 26 d'ochobre de 1902) ye, xunto a Susan Brownell Antonhy, la precursora y “motor” de la llucha sufraxista nos Estaos Xuníos d'América.

Dende moza desendolca una gran actividá nos movimientos antiesclavistes y ye nestos u depriende la organización de los seutores sociales. Ye nos movimientos en favor de la lliberación de los esclavos nos que conoz al so maríu Henry Brewster Stanton, con quien tendrá 7 fíos.

En 1848 organiza con otres sufraxistes de los Estaos Xuníos d'América la conferencia de Seneca Falls en Nueva York, que ye'l primer aconceyamientu de defensa de los drechos de la muyer, n'especial, el drechu al votu. Equí conoz a Susan Anthony con quien desendolcará una fuerte actividá política en pro de la igualdá; crearon xuntes el selmanariu Revolution y fundaron l'Asociación Nacional pal Sufraxu Femenín. Amás ye la coautora de los trés primeros volúmenes de los seis que conformen La Hestoria del Sufraxu Femenín.

Stanton vien a representar lo que dende la Hestoria de la Muyer caltúvose siempres; que la llucha pol sufraxu de la muyer tien el so raigañu na llucha pola abolición de la esclavitú. Poro, Estaos Xuníos y dempués el restu del Mundiu Anglosaxón son el bierzu d'esti movimientu social.

Una de les más famoses de les sos frases ye la que diz na Declaración de los Drechos de la Muyer en xunetu de 1876:

Nós pidimos xusticia, nós pidimos igualdá, nós pidimos que tolos drechos civiles y políticos que pertenecen a los ciudadanos de los Estaos Xuníos se mos garanticen, pa nós y pa les nueses fíes por siempres.

Ver tamién[editar | editar la fonte]