Eladio García Jove
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Eladio García Jove | |
|---|---|
 | |
| Vida | |
| Nacimientu | La Pola Llaviana, 17 d'avientu de 1859 |
| Nacionalidá |
 España |
| Muerte | San Andrés de Llinares, 21 de febreru de 1925 (65 años) |
| Estudios | |
| Llingües falaes | castellanu |
| Oficiu | médicu, escritor |
 | |
Eladio García Jove[notes 1] (17 d'avientu de 1859, La Pola Llaviana – 21 de febreru de 1925, San Andrés de Llinares) foi un médicu y escritor, fundador de les publicaciones El Porvernir de Laviana y Laviana.
Biografía[editar | editar la fonte]
Tres de cursar estudios de bachilleratu nel seminariu de Valdediós (Villaviciosa), fixo la carrera de medicina na Universidá de Valladolid.
N'algamando la llicencia, volvió al so conceyu natal onde punxo consulta como médicu. Casó con Maximina Zapico, cola que tuvo cuatro fíos: Eladia, Modesta, Emilio, Maximino y Gerónima. N'ochobre de 1890 fundó El Porvenir de Laviana, una revista quincenal que llegó a espublizase durante dos años. Cinco años más tarde creó una nueva publicación, Laviana, que tuvo una vida efímera. Collaboró nel diariu uvieín El Carbayón y foi autor de les monografíes sobre los conceyos de Llaviana, Bimenes, Casu, Llangréu, Mieres y Sobrescobiu de la obra Asturias de Bellmunt y Canella. En 1891 publicó n'Uviéu'l folletu Errores populares en Asturias.
En 1896 ocupó'l cargu de médicu forense del partíu xudicial de Llaviana y pocu tiempu depués el de médicu de la beneficencia municipal. Dellos años más tarde obtién la plaza de médicu municipal en Samartín del Rei Aurelio y treslládose a esti conceyu au compaxinó esti trabayu col de médicu en varies empreses mineres.
El so llabor filantrópicu nesti conceyu viose reconocíu cola concesión de la Cruz de la Beneficencia de primer clase en 1923. El reconocimientu de los sos convecinos amuésase tamién nel fechu de que da nome a dos calles, una en La Pola Llaviana y otra en L'Entregu.
Notes[editar | editar la fonte]
- ↑ Heladio Bernardo García Jove según consta na partida de bautismu.
Referencies[editar | editar la fonte]
Datos: Q20605094
Multimedia: Eladio García-Jove