El Correo

De Uiquipedia
Saltar a: navegación, buscar

El Correo, enantes conocíu como El Correo Español-El Pueblo Vasco, ye un periódicu de pagu de la mañana con sede en Bilbao. Pertenez al Grupo Vocento. Consta de diez ediciones rexonales, seis d'elles na provincia de Vizcaya: Vizcaya, Margen Izquierda, Margen Derecha, Duranguesado, Costa, Nervión-Ibaizábal, Álava, Miranda de Ebro, Guipúzcoa y La Rioja.[1] Edítase fundamentalmente en llingua española, anque inclúi tamién artículos y suplementos en euskera.

Foi fundáu'l 1 de mayu de 1910 polos hermanos Fernando, Gabriel y Emilio Ybarra y de la Revilla baxo'l nombre de El Pueblo Vasco.[2] Nel tiempu de la gobierno republicano foi interveníu'l 17 de xunetu de 1936, retomando la so actividá el 6 de xunetu de 1937 tres la ocupación franquista de Bilbao. Nesi día, apareció El Correo Español, dependiente de la Falange Española Tradicionalista y de las JONS, periódicu col que se fusionó el 13 d'abril de 1938.

Dende la década de 1970, El Correo foi oxetivu de les aiciones d'ETA, sufriendo atentaos escontra les sos instalaciones en delles ocasiones,[3] incluyíos los asesinatos de los sos direutivos Javier de Ybarra y Bergé y Santiago Oleaga en 1977 y 2001, respeutivamente.[4]

Ye'l periódicu más lleíu nes provincies de Vizcaya y Álava, superando'l 60% de cuota de mercáu en 2007.[1] Según datos de la Oficina de Xustificación de la Difusión, cuenta con una tirada de 137.725 exemplares diarios.[5] Asina, ye'l sétimu periódicu de pagu d'información xeneral más lleío d'España, con 520.000 llectores al día.[6]

Referencies[editar | editar la fonte]

  1. 1.0 1.1 «El Correo». vocento.com. Consultáu'l 02-02-2009.
  2. «Ha merecido la pena». elcorreodigital.com (2000). Consultáu'l 02-02-2009.
  3. «El Correo dice a ETA que "no les silenciarán" y que trabajará por seguir informando y plantar cara al terror"». europapress.es (08-06-2008). Consultáu'l 02-02-2009.
  4. «Objetivo permanente de los terroristas». elcorreodigital.es (09-06-2008). Consultáu'l 02-02-2009.
  5. «Diarios. Medios impresos». ojd.es (06-2008). Consultáu'l 02-02-2009.
  6. «Resumen general». egm.es (2008). Consultáu'l 02-02-2009.

Enllaces esternos[editar | editar la fonte]