Edasich
Coordenaes: 
15h 24m 55.775s, 58° 57′ 57.834″
Edasich o Ed Asich (ι Draconis / 12 Draconis / HIP 75458)[14] ye la sesta estrella más brillosa de la constelación de Draco, con magnitú aparente +3,29. Alcuéntrase a 103 años lluz del Sistema Solar.
Nome[editar | editar la fonte]
El nome de Edasich provién del árabe Al Ḍhibaʼ o Al Dhīḣ que'l so significáu ye «hiena machu».
En China yera conocida como Tsao Choo, «el pivós esquierdu». Xunto a Altais (δ Draconis), π Draconis, ρ Draconis y Alsafi (σ Draconis) formaba Tien Choo, «la cocina celestial».[15]
Carauterístiques físiques[editar | editar la fonte]
Edasich ye una xigante naranxa de tipu espectral K2III y 4490 K de temperatura efectivo. Relluma con una lluminosidá 70 vegaes mayor que la lluminosidá solar.[16] La midida del so diámetru angular —3,73 milisegundos d'arcu— dexa conocer que'l so diámetru ye 13 vegaes más grande que'l del Sol.[17] Presenta un conteníu metálico superior a la solar ([Fe/H] = +0,16) y —como la mayor parte de les estrelles de la nuesa redolada— ye una estrella del discu finu.[18]
Tocantes al so estáu evolutivu, Edasich posiblemente tea aumentando'l so rellumu como estrella xigante con un nucleu inerte d'heliu nel so interior. Siendo'l so metalicidá y masa similares a los del Sol, puede contemplase a Edasich como'l futuru de la nuesa estrella dientro d'unos 6000 millones d'años.[16] Col tiempu Edasich va perder la mayor parte de la so actual masa per aciu un intensu vientu estelar que va espulsar les sos capes esternes d'hidróxenu y heliu al espaciu interestelar, fase que se denomina nebulosa planetaria. La resultancia última va ser una nana blanca de tamañu asemeyáu al de la Tierra.[19]
A pocu más de 4 minutos d'arcu de Edasich puede reparase una tenue estrella (HD 238461) de magnitú +8,78.[20] De tipu espectral K7, paez nun tar gravitacionalmente xunida a Edasich, coincidiendo a cencielles na mesma llinia de visión.[16]
Sistema planetariu[editar | editar la fonte]
En 2002 afayóse un planeta estrasolar, llamáu Edasich b, orbitando alredor de Edasich. Muévese nuna órbita bien escéntrica que fai que la separación ente estrella y planeta fluctúe ente 0,39 y 2,1 UA. De masa indeterminao, pero a lo menos 8,8 vegaes la de Xúpiter, puede tratase d'un xigante gaseosu o d'una nana marrón, completando una órbita alredor de la estrella cada 1,4 años.[21] Foi'l primer cuerpu subestelar descubiertu alredor d'una estrella xigante.
| Acompañante (N'orde dende la estrella) |
Masa (MJ) |
Periodu orbital (díes) |
Semiexe mayor (UA) |
Escentricidá |
|---|---|---|---|---|
| b | > 8,82 ± 0,72 | 511,098 ± 0,089 | 1,275 ± 0,074 | 0,7124 ± 0,0039 |
Ver tamién[editar | editar la fonte]
Referencies[editar | editar la fonte]
- ↑ 1,0 1,1 1,2 Afirmao en: SIMBAD.
- ↑ 2,0 2,1 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi:.
- ↑ Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
- ↑ Afirmao en: Catalogue of Stellar Photometry in Johnson's 11-color system. Stated in source according to: SIMBAD. Llingua de la obra o nome: inglés. Data d'espublización: 2002.
- ↑ Caroline Soubiran (marzu 2008). «Vertical distribution of Galactic disk stars» (n'inglés). Astronomy and Astrophysics (1): páxs. 91–101. doi:.
- ↑ Pablo Mauas (26 xineru 2015). «Stellar parameters and chemical abundances of 223 evolved stars with and without planets» (n'inglés). Astronomy and Astrophysics. doi:.
- ↑ Caroline Soubiran (agostu 2018). «Gaia Data Release 2. The catalogue of radial velocity standard stars» (n'inglés). Astronomy and Astrophysics: páxs. 7–7. doi:.
- ↑ Afirmao en: Gaia DR2. Stated in source according to: SIMBAD. Llingua de la obra o nome: inglés. Data d'espublización: 25 abril 2018.
- ↑ Afirmao en: Gaia DR2. Llingua de la obra o nome: inglés. Data d'espublización: 25 abril 2018.
- ↑ Gerard T. van Belle (20 avientu 2017). «Fundamental Parameters of 87 Stars from the Navy Precision Optical Interferometer» (n'inglés). The Astronomical Journal (1). doi:.
- ↑ Sabine Reffert (2008). «The discovery of stellar oscillations in the K giant {iota} Draconis» (n'inglés). Astronomy and Astrophysics: páxs. 531–536. doi:.
- ↑ «Chemical Composition of Bright Stars in the Northern Hemisphere: Star-Planet Connection». The Astrophysical Journal Supplement Series (2): páxs. 13. abril 2022. doi:.
- ↑ «The Perkins catalog of revised MK types for the cooler stars» (n'inglés). The Astrophysical Journal Supplement Series: páxs. 245–266. ochobre 1989. doi:.
- ↑ iot Dra -- Variable Star (SIMBAD)
- ↑ Allen, Richard Hinckley (1889). «Draco», Courier Dover Publications: Star Names — Their Lore and Meaning (n'inglés), páx. 563. ISBN 0-486-21079-0. Consultáu'l 2 d'ochobre de 2010.
- ↑ 16,0 16,1 16,2 Edasich (Stars, Jim Kaler)
- ↑ Richichi, A.; Percheron, I.; Khristoforova, M. (2005). «CHARM2: An updated Catalog of High Angular Resolution Measurements». Astronomy and Astrophysics 431 (4). páxs. 773-777. http://vizier.u-strasbg.fr/viz-bin/VizieR-5?-out.add=.&-source=J/A%2bA/431/773/charm2&recno=1801.
- ↑ Soubiran, C.; Bienaymé, O.; Mishenina, T. V.; Kovtyukh, V. V. (2008). «Vertical distribution of Galactic disk stars. IV. AMR and AVR from clump giants». Astronomy and Astrophysics 480 (1). páxs. 91-101. http://cdsads.u-strasbg.fr/cgi-bin/nph-bib_query?2008A%26A...480...91S&db_key=AST&nosetcookie=1.
- ↑ Edasich/Iota Draconis (Solstation)
- ↑ HD 238461 -- Star in double system (SIMBAD)
- ↑ HIP 75458 (The Estrasolar Planets Encyclopaedia)
Coordenaes: 15h 24m 55.775s, 58° 57′ 57.834″
Datos: Q611329
Multimedia: Iota Draconis