ENCE

ENCE
	negociu y empresa
Llocalización
Sede	Madrid
Direición	España
Forma xurídica	sociedá anónima
Historia
Fundación	1957
Fundador	Institutu Nacional d'Industria
Sector
Productos destacaos	Celulosa
Datos económicos
Bolsa de valores	IBEX Medium Cap (es)
Emplegaos	937
	Web oficial

ENCE S.A. (Empresa Nacional de Celuloses d'España) (ENCE) ye un grupu empresarial forestal español que se dedica a la tresformación de maderes, siendo'l primer propietariu de bosques maderables d'ocalitos n'Europa y segundu productor mundial de pasta de celulosa d'esti árbol.

Poseye trés plantes productores de pasta de celulosa n'España, la más antigua d'elles na ciudá gallega de Pontevedra, fundada nel añu 1957, que tien numberoses denuncies por delitu ecolóxicu per vertíos incontrolaos na ría de Pontevedra.

Les otres dos plantes son de construcción más nueva, y allúguense na ciudá andaluza de Huelva y na asturiana de Navia. En conxuntu, la so producción añal ye del orde del millón de tonelaes de pasta de celulosa, xenerando 1.245.000 MW d'enerxía llétrica per añu. Esta enerxía llétrica procede de la combustión de la biomasa, non de combustibles fósiles, y ye polo tanto d'orixe renovable.

La posibilidá de la instalación d'una nueva planta de producción de celulosa na marxe oriental del ríu Uruguái, nes cercaníes de les ciudaes de Fray Ventos n'Uruguái y Gualeguaychú n'Arxentina, xunto con una simillar de la finlandesa Botnia, foi la causa del conflictu ente los gobiernos d'Arxentina y d'Uruguái. Por embargu, la empresa yá anunciara la rellocalización de la planta de celulosa na llocalidá de Conchillas, cercana a les ciudaes de Nueva Palmira y Colonia del Sacramento, cola aprobación del gobiernu arxentín. Dambos proyeutos disponíen de les meyores teunoloxíes disponibles según IPPC-BREF de la Xunión Europea, a diferencia de les plantes actualmente en funcionamientu n'Arxentina, de teunoloxía antigua y faciendo usu dalgunes d'elles de cloru pa blanquiar.

Sicasí, más allá de la teunoloxía de punta implementada por entrambes papeleres, na Xunión Europea estes empreses nun cumplen colos estandartes de seguridá establecíos pola Xunión. Amás cal destacar qu'Arxentina y Uruguái roblaron un tratáu de preservación del mediuambiente sobre'l ríu Uruguái.

Referencies[editar | editar la fonte]

Enllaces esternos[editar | editar la fonte]

Google Noticies sobre ENCE.