Doctor Mateo

De Uiquipedia
Saltar a: navegación, buscar

Doctor Mateo ye una serie de televisión producida por Notro Films pa la cadena española Antena 3. Estrenóse el 22 de febreru de 2009. Ta basada na serie británica Doc Martin, emitida pola cadena ITV. Esta serie cuenta con una 1ª temporada de 10 capítulos, una 2ª temporada de 14 capítulos, una 3ª temporada de 6 capítulos y una 4ª temporada de 14 capítulos. Renovó por una 5ª temporada de 12 capítulos, que ta previsto seya estrenada en mayu de 2011.

Sinopsis[editar | editar la fonte]

Mateo Sancristóbal ye un médico español residente Nueva York. Dempués d'entamar a padecer hemofobia, decide dexalo too y marchar a vivir al pueblu nel que pasaba los branos de guah.e: San Martín del Sella. Ellí empecipia una nueva vida como médicu del pueblu. A lo llargo de les temporaes meterase de llenu na vida rural y acabará por encontrar l'amor.

Temporaes[editar | editar la fonte]

Primera Temporada[1][2][editar | editar la fonte]

Esta temporada escomienza cola llegada al pueblu del Doctor Mateo (Gonzalo de Castro). Nos primeros minutos va introduciéndose al restu de protagonistes: los vecinos y vecines del pueblu. A lo llargo de los capítulos apréciase la ineptitud de Mateo pa conquistar a Adriana (Natalia Verbeke), a Carol (Lulú Palomares) descubriendo que'l so maríu, Mario, ye'l padre del fíu de la so collacia (María Esteve), a Juana (Rosario Pardo) intentando adaptar al so sobrín al pueblu, a Marga (Esperanza Pedreño) entamando una rellación xunto a Ernesto (Ramón Pujol), a Ana (Ángela Moreno) enamórase de Riqui, el guaperas del pueblu (Gonzalo Kindelan) y a Tom (Daniel Freire) convertir la taberna nuna posada. Amás, l'axente de la Policía Llocal de San Martín del Sella, Alfredo (Alex O'Dogherty), fará too lo posible por mantener l'orden nel pueblu. Esta temporada fina con Adriana y Mateo nel hospital, tras l'albuertu natural d'esta.

Segunda Temporada[3][4][editar | editar la fonte]

Mateo y Adriana entamen una rellación, Tom descubre que tien leucemia, Alfredo ye padre d'una neña pequeña y entama una rellación con Elena, Pedro enamórase de la so amiga, Ernesto empecipia una rellación con Lolo, Riqui y Ana consoliden la so rellación, Carol intenta ser madre, Bruno y la so familia lleguen al pueblu y Juana sentirase sola. Esta temporada fina col regresu de Mateo a Nueva York.

Tercera Temporada Y Cuarta Temporada[5][6][editar | editar la fonte]

Mateo, dempués de pasar una temporada en Nueva York, torna a San Martín. Ellí conoz al doctor Sagredo (Gorka Otxoa), quien lu sustituyere hasta'l so regresu, y decide contratalu como asistente. So tía Juana casóse con Moruba. Carol ta embarazada y el so maríu Mario (Xavi Mira) abre una peluquería nel pueblu. Amás, arranquen los preparativos de boda ente Mateo y Adriana. La pareya afiánzase, tres pasar por tou tipu de dificultaes y tan decidios a dar el pasu definitivu, pero non todo será coser y cantar... Esta temporada fina con Mateo ingresáu nel hospital dempués d'un infartu.

Quinta Temporada[7][editar | editar la fonte]

Mateo entra en crisis per primer vegada al ver cómo se esbarrumben, ún por ún, los diferentes ámbitos de la so vida. Les sos inseguridaes, la so humanidá y la so capacidá pa reinventase pondranse en xuegu. Adriana, pela so parte, abandonará'l so trabayu como profesora na escuela del pueblu pa volcase dafechu na so llabor d'alcaldesa. Amás, debe asimilar que Mateo nun quier saber nada d'ella tres la infidelidá con Nico. El cocineru sigui llocamente namoráu de l'alcaldesa. Nesta temporada incorpórense un cura, Roberto (Rafael Amaya), una cuidadora pal bebé de Carol y Mario, Sara (Anna Castillo), y un nuevu policia que tendrá una rellación cola tía Juana, Lorenzo (Ferran Rañe).

Capítulos y Audiencies[editar | editar la fonte]

Temporada Capítulos Espectadores Share
Primera 01-10 3.686.000 19,42%
Segunda 11-24 2.903.000 16,21%
Tercera 25-30 2.500.000 13,66%
Cuarta 31-44 2.432.000 12,79%
Quinta 45-56 0.000.000 00,00%

Premios[editar | editar la fonte]

Dende'l so estrenu acumula numberosos gallardones como reconocimientu a la so gran calidá:

  • Gonzalo de Castro: Meyor Actor (TP d'Oro 2009), Meyor Actor (Ondas 2009) y Meyor Xoven del Añu (Bodegas Casado Morales 2010).
  • Natalia Verbeke: Meyor Actriz Protagonista (Festival d'Islantilla) y Meyor Actriz (Ondas 2010).
  • María Esteve: Meyor Actriz de Comedia (Festival de Cine de Comedia de Tarazona y El Moncayo “Paco Martínez Soria”).
  • Meyor Serie de TV (Premios Punto Radio La Rioxa).
  • Manín d'Honor (Coru Marineru Manín de Llastres), en reconocimientu a la difusión que faen d'Asturies y del Conceyu de Colunga.
  • Meyor Ficción de Comedia (FesTVal 2008).
  • Meyor Ficción Nacional (Festival Internacional de Curtiumetraxes y Cine Alternativu de Benalmadena 2009).
  • Medalla d'Oro del Turismu (Xunión Hotelera Del Principáu d'Asturies), por ser un productu de calidá que difunde la imaxen d'Asturies y que ta teniendo una gran aceutación ente'l públicu.
  • Llastres (Premiu Príncipe d'Asturies 2010), como pueblu exemplar.

Producción[editar | editar la fonte]

La serie ruédase en Llastres (Asturies) baxo'l nome inventao de San Martín del Sella. Este ficticiu pueblu, según el cartel de bienvenida, ta hermanáu con Portwenn (Reinu Xuníu), llugar nel que tien llugar la historia de Doc Martin, serie inglesa na que ta basada Doctor Mateo

Referencies[editar | editar la fonte]

  1. 'Primera Temporada (1)'
  2. 'Primera Temporada (2)'
  3. 'Segunda Temporada (1)
  4. 'Segunda Temporada (2)
  5. 'Tercera Temporada (1)
  6. 'Cuarta Temporada (1)
  7. 'Quinta Temporada (1)

Enllaces esternos[editar | editar la fonte]