Derby

De Uiquipedia
Saltar a: navegación, buscar
Llocalización de la ciudá de Derby dientro d'Inglaterra.

Derby ye una ciudá de la rexón inglesa d'East Midlands. Asítiase na fastera meridional del condáu de Derbyshire, a la vera'l ríu Derwent. Tenía, según el censu de 2001, una población de 233.700 habitantes, que facíen d'ella la decimoctava ciudá más grande d'Inglaterra.

La población, que tien l'estatus de ciudá dende 1977, tien más de dos mil años d'historia. Lo que foi un campamentu romanu (nomáu Derventio), y dempués un asentamientu de saxones y vikingos, tuvo un papel destacáu, munchos años dempués, na Revolución Industrial inglesa. Nella construyose, en 1717, la primer fábrica de seda movida por enerxía hidráulico que se fizo n'Inglaterra. En 1840 aportó a ella el ferrocarril, que foi el impulsor definitivu del so espoxigue.

Anguaño, amás de tener una de les estaciones nodales de la rede ferroviaria inglesa, ye un centru industrial d'importancia, con fábriques de componentes d'aviación (Rolls Royce) y d'automoción (Toyota). Ye, tamién, la sé del bancu Egg, el mayor del mundu de los que nun operen namái que por Internet, y de la Royal Crown Derby Porcelain Company, que fabrica porcelana chino de gran calidá dende mediaos del sieglu XVIII.

Torre de la catedral de Derby

Ciudaes hermanes[editar | editar la fonte]