Dennis Ritchie

De Wikipedia
Dennis Ritchie
Vida
Nacimientu Bronxville (es) Traducir9 de setiembre de 1941[1]
Nacionalidá Bandera de Estaos Xuníos d'América Estaos Xuníos
Llingua materna inglés
Muerte Berkeley Heights (es) Traducir12 d'ochobre de 2011[2] (70 años)
Causa de la muerte cáncanu de próstata
Familia
Casáu con ensin valor
Estudios
Estudios Universidá de Harvard maestría en ciencies : física, Matemátiques aplicaes
Universidá de Harvard Philosophiæ doctor
Summit High School (en) Traducir
Direutor de tesis Patrick C. Fischer (es) Traducir
Llingües falaes inglés[3]
Oficiu informáticu teóricu, programador, escritormatemáticu
Emplegadores Bell Labs (es) Traducir  (1967 –  2007)
Trabayos destacaos Llinguaxe de programación C
Unix
El lenguaje de programación C (es) Traducir
ALTRAN (es) Traducir
B (es) Traducir
BCPL (es) Traducir
Multics
Plan 9 from Bell Labs (es) Traducir
Premios
cs.bell-labs.co…
Cambiar los datos en Wikidata

Dennis MacAlistair Ritchie (9 de setiembre de 1941Bronxville (es) Traducir – 12 d'ochobre de 2011Berkeley Heights (es) Traducir) foi un científicu de la computación estauxunidense.[8]

Collaboró nel diseñu y desenvolvimientu de los sistemes operativos Multics y Unix, según el desenvolvimientu de dellos llinguaxes de programación como'l C, tema sobre'l cual escribió un célebre clásicu de les ciencies de la computación xunto a Brian Wilson Kernighan: El llinguaxe de programación C.

Recibió'l Premiu Turing de 1983 pol so desenvolvimientu de la teoría de sistemes operativos xenéricos y el so implementación na forma del sistema Unix. En 1998 foi-y concedida la Medaya Nacional de Teunoloxía de los Estaos Xuníos d'América. L'añu 2007 xubilóse, siendo'l xefe del departamentu d'Investigación en software de sistemas d'Alcatel-Lucent.

Biografía[editar | editar la fonte]

Nació en Bronxville (Nueva York) el 9 de setiembre de 1941. Llogró dos graos en Harvard, en física y matemática aplicada.

En 1967 entró a trabayar nos Llaboratorios Bell, onde participó nos equipos que desenvolvieron Multics, BCPL, ALTRAN y el llinguaxe de programación B. En Lucent encabezó los esfuercios pa la creación de Plan 9 y Inferno, según del llinguaxe de programación Limbo.

C y Unix[editar | editar la fonte]

Ken Thompson y Dennis Ritchie, creadores d'Unix

Ritchie ye conocíu sobremanera por ser el creador del llinguaxe de programación C y cocreador, xunto con Ken Thompson, del sistema operativu Unix. Tamién foi coautor xunto con Brian Kernighan del manual El llinguaxe de programación C, que mientres años foi l'estándar de facto del llinguaxe (conocíu como K&R C), hasta l'apaición del ANSI C.

Estos apurras convirtieron a Ritchie nun importante pioneru de la informática moderna. El llinguaxe C úsase llargamente güei día nel desenvolvimientu d'aplicaciones y sistemes operativos, y foi una gran influencia n'otros llinguaxes más modernos como'l llinguaxe de programación Java. Unix tamién sentó les bases de los sistemes operativos modernos, como GNU/Linux y Mac OS X, estableciendo conceutos y principios que güei son llargamente adoptaos.

Premios[editar | editar la fonte]

  • Premiu NEC C&C. En 1979, Dennis Ritchie y Ken Thompson recibieron el Premiu NEC C&C pola so contribución nel campu de los sistema operativos xenéricos y el desenvolvimientu del sistema operativu UNIX.
  • Premiu Turing. En 1983, Ritchie y Ken Thompson recibieron en xunto el Premiu Turing pol so desenvolvimientu de la teoría xenérica de sistemes operativos y específicamente pola implementación del sistema operativu UNIX. La conferencia de Ritchie nel Premiu Turing foi titulada "reflexones n'Investigación de Software".[9]
  • Medaya IEEE Richard W. Hamming. En 1990, tanto Ritchie como Ken Thompson recibieron la Medaya IEEE Richard W. Hamming del Institute of Electrical and Electronics Engineers (IEEE), "pola creación del sistema operativu UNIX y del llinguaxe de programación C".[10]
  • Medaya Nacional de Teunoloxía. El 21 d'abril de 1999, Thompson y Ritchie recibieron en xunto la Medaya Nacional de Teunoloxía de 1998 del presidente Bill Clinton por co-inventar el sistema operativu UNIX y el llinguaxe de programación C que xuntos llevaron a enormes meyores en hardware d'ordenadores, software, y sistemes de rede, y aguiyaron la crecedera d'una industria entero, polo tanto realzando'l lideralgu norteamericanu na era de la información.[11][12]
  • Premiu de Xapón. En 2011, Dennis Ritchie, xunto con Ken Thompson, foi gallardoniáu col Premiu Xapón pa Información y Comunicaciones pol trabayu pioneru nel desenvolvimientu del sistema operativu UNIX.[13]

Nomatos[editar | editar la fonte]

Dennis Ritchie ye con frecuencia conocíu como "dmr" (la so direición de corréu electrónicu en Bell Labs) en dellos grupos de noticies d'Usenet (como comp.lang.c). Ritchie ye la "R" de K&R o K/R, como se conoz popularmente al famosu llibru sobre C.

Muerte[editar | editar la fonte]

Morrió la nueche del miércoles 12 d'ochobre de 2011[14] en compañía de la so familia. El so amigu Robert Pike, foi'l primeru en dar la noticia al traviés de la rede social Google+.[15]

Testos de Ritchie[editar | editar la fonte]

Referencies[editar | editar la fonte]

  1. Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
  2. URL de la referencia: http://www.nytimes.com/2011/10/14/technology/dennis-ritchie-programming-trailblazer-dies-at-70.html.
  3. Biblioteca Nacional de Francia. «autoridaes BNF» (francés). Consultáu'l 10 ochobre 2015.
  4. URL de la referencia: https://www.ieee.org/content/dam/ieee-org/ieee/web/org/about/awards/piore_rl.pdf.
  5. URL de la referencia: https://www.ieee.org/content/dam/ieee-org/ieee/web/org/about/awards/recipients/hamming-rl.pdf.
  6. URL de la referencia: https://www.nationalmedals.org/laureates.
  7. URL de la referencia: https://events.seas.upenn.edu/distinguished-lectures/pender-lecture/.
  8. La Nación (2011). «Morrió Dennis Ritchie, unu de los pioneros de la informática moderna». Consultáu'l 13 d'ochobre de 2011.
  9. The ''Reflections on Software Research'' paper. (PDF) . Retrieved on 2011-08-21.
  10. IEEE. «Richard W. Hamming Medal Recipients». Consultáu'l 29 de mayu de 2011.
  11. Ritchie and Thompson [to] Get National Medal of Technology Bell Labs pre-announcement
  12. Ritchie and Thompson Receive National Medal of Technology from President Clinton Bell Labs press release
  13. Evanxelista, Benny, "Ken Thompson, Dennis Ritchie win Japan Prize", San Francisco Chronicle, January 25, 2011
  14. computerworld.uk. «Unix and C creator Dennis Ritchie dies» (inglés). Consultáu'l 13 d'ochobre de 2011.
  15. 20 minutos. «Fina Dennis Ritchie, creador del llinguaxe C y del sistema operativu Unix». Consultáu'l 13 d'ochobre de 2011.

Ver tamién[editar | editar la fonte]

Enllaces esternos[editar | editar la fonte]


Predecesor:
Stephen Cook
Premiu Turing
1983
Socesor:
Niklaus Wirth