Daytona International Speedway

De Uiquipedia
Saltar a: navegación, buscar
Tribuna principal de Daytona International Speedway

Daytona International Speedway ye un circuitu allugáu en Daytona Beach, Estaos Xuníos. Foi inauguráu'l 22 de febreru de 1959, y tien una capacidá pa 168.000 persones.

Daytona tien dos pistes principales. Una d'elles ye un óvalu de 2,5 milles (4.023 metros), qu'alberga les 500 milles de Daytona, una carrera de 200 vueltes que pertenez al calendariu de la NASCAR Cup Series ente cuyos ganadores alcuentrense Mario Andretti y Dale Earnhardt (que falleció na edición 2001 d'esta carrera).

La otra variante ye un trazáu mixtu de 3,56 milles (5.730 metros), que s'utiliza nes 24 hores de Daytona, una de les carreres de resistencia más importantes del mundu. Esta pista tamién foi adautada pa carreres de motocicletes.